Mavhesi emuBhaibheri Ane Mukurumbira kubva kuna San Mateo 2

Pakurirana nevamwe

Chay wasiman yaycurna taripäcuran Jesusta y maman Mariata. Chaypitana Jesuspa ñaupagninman adorar gongurpacäriran. Nircurna öruta, inciensuta, y mïrra jutiyog perfümita jorgurir goycäriran.

Jesús yuriran Judea provincia Belén marcachrümi. Chay wichan Jerusalenchru rey Herodes caycaran. Chaymanmi inti yargamunan lädu naciunpita estrëllacunapita musyagcuna Jerusalenman chrayaran. Chrayaycurna tapucäriran: “Israel runacunapa mandagnin rey cananpag yureg wamra ¿maychrütag caycan? Marcäpitam ricapäcamushcä estrëllanta. Chaymi shapäcamushcä payta adoräpäcunäpag”.

Chaychru ichricuycogta ricarmi estrëllacunapita musyagcuna pasaypa cushicäriran.

Paycunatam Tayta Diosninchi suyñuyninchru niran Herodiscagman manana cutipäcunanpag. Chaypita juc lädu camiñupana marcanman cuticäriran. Estrëllacunapita musyag runacuna marcanman cuticaräriptinnam Josëta suyñuyninchru Tayta Diosninchipa angilnin niran: “¡Sharcuy! Wamrata mamantinta Egiptuman gueshpichiy. Chaychru tiyanqui willacamungäcama. Rey Herodismi Jesusta ashichinga wañuchinanpag”.