Mavhesi emuBhaibheri Ane Mukurumbira kubva kuna Genesi 49

Pakurirana nevamwe

Tsvimbo youshe haingabvi kuna Judha, Kana mudonzvo, womubati pakati petsoka dzake, Kusvikira Shiro auya; Ndudzi dzose dzavanhu dzichamuerera iye.

Josefa idavi rinobereka, Idavi rinobereka patsime; matavi ake anodarika madziro. Vapfuri nouta vakamutambudza kwazvo, Vakamupfura, vakamuvenga

asi uta hwake hwakaramba une simba, Maoko ezvanza zvake akasimbiswa Namaoko owaMasimbaose waJakobho, (Ndipo panobva Mufudzi, neBwe raIsiraeri), Mwari wababa vako achakubatsira; waMasimbaose, achakuropafadza, Neropafadzo dzinobva kudenga kumusoro, Ropafadzo dzinobva pamvura yakadzika iri pasi, Ropafadzo dzamazamu nedzechizvaro.

Iwe Judha, ucharumbidzwa nehama dzako; Ruoko rwako ruchava pamitsipa yavavengi vako, Vana vababa vako vachakotamira pamberi pako. Judha mwana weshumba; Iwe mwanakomana wangu, wakwira uchibva pane zvakaurawa; Wakakotama, wakanyanga seshumba, Seshumbakadzi; ndianiko achamumutsa?

Rubheni, iwe uri dangwe rangu, simba rangu, nokutanga kwesimba rangu; Ukuru hwokukudzwa, noukuru hwesimba; Unotutuma semvura, haungavi noukuru; Nokuti wakakwira kuuvato hwababa vako, Ukausvibisa; wakakwira kumubedha wangu.