Mavhesi emuBhaibheri Ane Mukurumbira kubva kuna MATIUS 2

Pakurirana nevamwe

E owam e cem afiwemfesen. Ar e jiwiam, e arosowoc Mariaam, aporfesen. Ar jine onok aneyotapfesen. Bare, ar e jiwi asicimfesen. Aram e apok ese amumfesen. Amumfes masirin, ar emas pokam, pinim akat os capi pok juwas kemenyanam, wun os capi pok juwas muram, e jiwi atetamfesen.

Barewen. Yesus Yudea capinmi kota juwas Betlehem ajisamesefen. E jofayam raja ipic juwas Herodes e capinmi ajitemefen. Bayar cescuw owam, e jopok amotomwisimcemar asanpu capinmi ewinawfesen. Aram e kota Yerusalem ajaremfesen. Aram atakam atawfesen. “E jepen ajisamesef Yahudi ow araja ipic onakaram? E abayar op aaptometef ara, daram manmok atiwfom. Dar masirin, aramat ipic basicim ajinawfom.” Inim aefesen.

E ow e bayar aporfes, ar jak akatnakut aememfesen.

Bare, e bayar cescuw ow isi atamwitfesen. E isi atamwitfes ara, Allah, e ow, e Herodespu bofasi arapok, inim atakam aotawefen. E ow masirin, wun bokotpu arop capinmi aojisosfesen. Ajisosfes masirin, Yusuf isi atamwitefen. Isi atamwitef ara, aram Tuhan amalaikat bi aporefen. E malaikatam atakam aramat ipic aotawefen. “Basitey. E jiwiam, e arosowocam, Mesir capinmi omar batuwomosey. E atakam or aotawcey jofay ajiwar, erasan inim mamemapey. E Herodes e jiwi bacatiw apowporcema.” Inim aeefen.