Mavhesi emuBhaibheri Ane Mukurumbira kubva kuna Markus 12

Pakurirana nevamwe

Hinok oba waganhikhemo, at Yesus nen men yogokhikhe, “Wene iti hok he, Musa nen men isikhe Hit ap Yahudi meke yi hinasuk holini! Ninopase Etagapogot Allah arligat o. Halok he, hinetaiken men, hinobabut men, hinakla men, hinobatne men, opakiat atluk ninopase Allah Etagapogot ebe itiat hinetaiken hunik dogono o, iluk yogeisasikhe meke, wene kok he, itiat o. Nen, wene iti wema baga negen, men isikhe apigi, Hinekaerek hinebe hinetaiken hunik welagathep iti hak, it akhuni aperek hinom welagathep meke iti hinetaiken hunik dogono o, iluk wene pere isikhe etaat kok o. Wene ninasuk wakhikhe meke aperek weregat mekeat he, abelma negen anek o,” iluk yogokhikhe.

Itithogon 'biluk lagunem at Yesus nen agarumi ane waganhe lagoukha meke emenogo waisasikhemo wagoukhama men yogeisasikhe, “It akhuni tha'bokhogonat iti inameke doelegatma oba hiakhogon 'bisega iti, herlekha'bugat negenat o. Mekeat he, at he thoge ameke dek meke iti anek he, apiri oko palogo nausak meke tha'bokhogonat 'bisekhe iti anek he, motok doalegat negen 'bisekhe o, iluk eberogonat yokhisigi,” iluk yogeisasikhe.

Wene itithogon yogeisasikhesik at Yesus ebe hurek lageikhesik dogolik, peti uang Allah hasik akla 'bisegarek meke itik ebelake werekma, akhuni doalegat nen uang 'bilik lagunem 'birisik welageikhe. Akhuni inikierek meke doalegat nen uang doalegat 'bilik lagoukha. Itithogon 'bilik lagoukha mekeat he, at he thoge ameke dek meke ageikhe wageikhesik uang sen meke opakiat 'bu hak motok 'bugurlaktek meke pere 'biluk lageikhe.

Halok he, at Allah ako warogo ebe abisake hetumo hunekhik, yi meke ti meke at obasik 'bisigik, hagakhe dogosak erlok dek negen meke re, ninetaiken men, ninakla men, ninobatne men, opakiat atluk, at Allah ebe ninetaiken hunik dogolik, it akhuni aperek ninom welagorek meke ninekaerek ninebe hakene ninetaiken hunik dogosak iti kogat o,” iluk yogokhikhemo

at Yesus nen men yogeisasikhe, “Kaisar meke halok he, Kaisar at wogokhik, Allah meke halok he, Allah at wogokhik, hagakhe dogono o,” iluk yogeisasikhemo it nen, “Eiye! Nayuk o,” iluk hogorakhukha.