Mavhesi emuBhaibheri Ane Mukurumbira kubva kuna Markus 13

Pakurirana nevamwe

Nen, akhuni tha'bokhogonat nen an netaga ilik, Hit he, at agarumi, iluk hinebe ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga Allah nen tiligin o,” iluk yogeisasikhe.

Mera hagatlasigin hit hinokodegat iti nen, hinobabut hebelogo thuam hanorogon dogono o.

Hit hiniki herle warogo wene inoba 'bigik, kokhik, hagakharekma wokhisik lagunem hit nen, An nen wene oko nikithogon igin, iluk hinelabut hikhup o. Wene oko hit nen hinakla kagalogo ugun 'buk. Allah Agoreke nen, Yigithogon ini o, iluk itinem yokhisagein mekeat yogeisano o.

Pogot men, agat men, iti dek asigin mekeat he, an nane iti dek asigin motok dek o,” iluk yogeisasikhe.

At Yesus nen itithogon yogeisasikhesik wene ageikhe men yogeisasikhe, “Hagatlasigin iti, o itinem, jam iti baga hagatlasigin iluk, nit tha'bokhogonat ninokodek anek. It malaikat Allah nen yoko usa'isa agarek meke emenogo inokodegat. Nen, an nebe at Allah a'but mekeat he, nokodegat o. An nopase arligat ilu o.

Itithogon hagatlaga korlek, wim kagaldiluk horogat yakhunem inane hinasuk holhik, walegat yakhunem inabok holhik, hagakhe dogolik, hinetaiken aborlok ugup o. Itithogon hagatlasigin mekeat he, o ilugun hurli baga hagatlasigin meke iti abanat o.

Iti hak, hit hinileken hanorogo dogono, iluk yokhisigi iti, hinoe Etagapogot ai iteerek meke etnogo apuke wisigin iti mera wisigin. O hiamaganekeke wisigin a? Hibako eketurlem wisigin a? Thue ane isi korlek wisigin a? O wik-wik wisigin a. Hit hinokodek. O itinem wisigin hinokodek iti, akhirak noge isi korlek 'bithisasunogo nen, hinobabut hebelogo dogono o, iluk hit yokhisigi yi akhuni inebe tha'bokhogonat hinomat yokhisigi o,” iluk yogeisasikhe.

Yi akhuni ti akhuni inukuloak etaga dopok wim kagalhik, ap inetagapogot inagarumi inapma meke dopok wim kagalhik, hagasugun. Wim kagalhunem, yi ai ti ai dugul luk-lagathigik, hipiri no ageik, hagatlasigin mekeat he, iti, humi ineagei itaginabuogoluk hinet wakharek iti hak, alebageik hugun itiat o.

Meke re, wene hano wene yi, yi ap ti ap inukuloak etaga dopok yogeisilik lagap halok he, ilugun hurli baga arat hagatlasigin o.

Akhuni inebe doalegat nen inetaga an netaga meke thalogo nen men ilik wisugun, At wisigin isukha etnogo an nebe wagei yiat o, iluk inane eberogonat thalek akhuni doalegat nukherinabisugun.

Itithogon hekhe dogolik, hit he, hinobabut hebelogo dogono. Akhuni aperek nen, hiniki herle warogo ap koktek nen hinitema waganuagaluk inoba wokhisik lageik, o akhuni Yahudi meke sembayan egarekma nen tugi hinakhik, hagasugun o. Itithogon hagakhe dogolik, It yi Yesus agarumi, iluk, it ap pemerintah meke koktek inom, inetagapogot inom, ukum hinoba 'buagaluk inelokhoma meldinagumo, itinem hano iluk, an hagakhunem hinileken neekhe lagap meke pakhogon yogeisagun.

It akhuni aperek inekalat ekhe dogolik, Kristus etnogo nebe anat o, igik, nen, it aperek nen, Allah ane yokhisegerek meke anat o, igik, i wisugun o. Witluk nen, Akhuni Allah nen wenageinakhikhe meke emenogo nukhetdisausak a? Dek a, iluk nukhetdisauwogoluk, inane eberogonat apoagaluk hagasusak dek meke elalin meke hagarik wisugun o.

At Yesus nen itithogon yogeisasikhesik ageikhe men yogeisasikhe, “Weak kok hugun iti halok oba nen yabokane o mulikin mum ageik, thut yakhidek huk ageik, husagal pogot oba nen kilelogo usa'ageik, it pogot oba inobatneak welageikharek meke iti Allah nen inaborlogotdisigik, hagasigin o.