Mavhesi emuBhaibheri Ane Mukurumbira kubva kuna Matthew 2

Pakurirana nevamwe

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan. Dummatongda ḵad, ḵanandae nan-imus, “Dinu abenge niyanaḵe arin da Judyu? Te innilani bituwone tummoḵwaḻ si ḵapon si dumingitan inite angipaigammu si niyanaḵana, pun ummali ḵani ta inḵani andayaw ḵan siya.”

Dingngoḻda ḵad imbilin ni ari nallibbatda woḵ baag-en amod pagay layadda te innilada bos ḵasin bituwone innilada si damu. Ummun-una nu dida inggana'ḵ niduum atte lap-at ni boḻoye inggawan ni abeng woḵ gumminoḵ.

Pune sadi, impain-inop Apudyus ḵan dida woḵ binilinna dida ta adida ogon mipauli ḵan Ari Herod. Pun siya innoyda sabali ye daḻane mipauli'tte ilida. Napuswidda ḵad, baag-en nampaila anghel Apudyus ḵan Joseph atte in-inop woḵ ḵanana, “Bumangonḵa! Aḻam da an-ina ta umawid ḵayu'd Egypt. Ḵad inggaw ḵayu sidi inggana'ḵ ibagaḵ te annat da ibuun Ari Herod we angngit si abeng ta pagongatna.”