Mavhesi emuBhaibheri Ane Mukurumbira kubva kuna Romans 1

Pakurirana nevamwe

Nasyanjisya nkaninye mwi Landwe Zima; amuno amaka yakwe Leza ayaku­tula wonsi wano wasuwila, pakutalika awa Yuda nga pakonka amakandi.

Amuno Ilandwe Zima alino likanena awantu vino Leza akawalungamika awawa apaliponga nawe, chino chiku­londwa kwakwe woliwo alisuwilo ampe­la. Ndimuno amawaliko Matele yavwa­njila yati, Wensi wino wawa nisuwilo, Leza wamulungamika alilandila.

Ukufumilila pane Leza walile ayele­wulila insi, awantu wangamanya ichete­nye kuno amaka yakwe yasi ninsilo, nakuno molimonye weni we Leza chingatenga ivintunye vyovyo vitanga vilolwe; lelo vikamanyikwa. Awantu wangamanya ivyakwe Leza pakulola vino welewula. Achaleka wasi naka­pemezyo kamwi!

Wamarrya Leza ukuwa wasimuchindika ndimuno wawe­la, nanti akumusalifya wasimusalifya, ukuwa amana yawo yavulunganika yawa ayavye-yavye winjila mumfinzi, watanga wamanye ichizima nanti achi­wipe.

Amuno wakana ukupechela Leza wakusimichila, wakonka uwufi; wakapakata nukuwombela ivintu vino Leza welewula wasya ukuti wapakata umwenechonye Umwelewuzi, wino wa­zipila ukumutumvya penye! Amen.

Amuno ukuvitwa kwakwe Leza kwawumbulika ukufuma mwiyulu ku­kwiza ponela awawipe wonsi nawawe­mbu wonsi wano imilimo yawo imiwipe ikafundichila ukusimichila ukuti kutize kumanyikwe.

Achaleka muno awantu wakachita wonye-woo, Leza wawalechelezya wale­ka ukuti wachita imyata yawukwele­ngusi. Awanachi nawo wapilula imiwele yawanachi wali ninyengwa yakulonda­na awanachi watupu. Nawonsinye wasilonda ukupalamana nawanachi ukuwa inyengwa yawo ayakulondana awonsi watupu. Awonsi wakachita ivintu vyansoni ivyakulondana awonsi watupu, achaleka wasundwa ndimuno imiwele yamilimo yawo imiwipe yawela. Muno awantu watapechela e Leza wakusimichila, nu Leza-nye nawe wa­walechelezya waleka amana yawo yavu­lunganika, ukuti wachita vino vitazipila ukuvichita.

Wakutanji wali namano, napa­no aviwelewele; wafuntuka kukupepa Leza wino asifwa, waya mukupepa amakolania yano yakaloleka ngati amu­ntu wino akafwa, pamwi ndivino inyu­nyi nanti anyama nanti avikulisi.