Mavhesi emuBhaibheri Ane Mukurumbira kubva kuna JOŊ 6

Pakurirana nevamwe

A Yeesu ja bukul: “Nji n ci-un pëpom pi ka wël pi ubiira; nan bii tsi nji, yaas a në bonats; a na waki tsi nji, yaas a në lofënts.

Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

A Yeesu yank bukul aja: “Wi ci wun uleemp Nasien-batsi: ind pëwak tsi ni na yëlii.”

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

Nin ñaan yëlanats pëbi tsi nji, ucits ba Asin nji, na yëliini, tsijiul un. A nji, mee n natsaniul di pëcäts, tsi unu utuami.

Par pëpom Nasien-batsi, aci nan pëni unk di batsi awelee, a nu wël bañaan umundu ubiira.”

Nji n ci-un pëpom pi ka wël pi ubiira.

Din, a Yeesu jej upom abaran, na fa wul ban tsoar biki. A na ro unk buts ni ngëtsëb, aa ba liingan bi ba ŋal bi. Bi ba suets bi, a Yeesu ja bafetsul: “Nda bofëlani itawësar indukësa yi, pa ko tsë niam.”

Bi ba paat bi awokan ngënkilometar kañan pëya paaj, a ba win Yeesu kë yandaari tsi ruets mlik, awokani kanawa; a ba lënk. Maa a na ja bukul: “Aci nji, ind tsë lënk!”