Mavhesi emuBhaibheri Ane Mukurumbira kubva kuna Matyu 5

Pakurirana nevamwe

Aghago, enembo eini avona jo nanefa dungea bua, ovumi afuregambi aita rouvie. Tago, aná nanefa dungea bua, unda nanefa jirari sinakefiva itota, aná kambova enembo nanjogodu unana utaita rouvie. Gari dabako aghago, nímanda ari taubana manenu gerurota, Afa uutuva vitia-nu raga regegari-du rirota, do-gea, nímanda unana enemboda dibeva janimboe!”

Bogu naa ooto itiva dighiaveta, enembo gigigeta rousua aghago, nímane ená endava vitia enemboda unana aghago ea vitera-du, nímandava unana bubugaita rousue.

Neno roo simbugea vitia enembodu rere. Númane ambova God da dibeva jiria, umó dibe mokomi gigigaita rousua-du, gangoro egegari-du rere.

God da uno egegaita baimana itatama eta rousua enembodu rere. God na númandu taubana jojabe utota bubugaita rousua-du, gangoro egegari-du rere.

Tago, amó nímandu eghá rere. Nímanda gitofo neno rururota, nímandu bouvu mema ututuradua enembodu, benunu egege!

“Dibe durumugari enembonu God kaifa eta rouvia-du, gangoro egegari-du rere.

Siriri utari kakatodu rere, ambova God na númandu, ‘Anda sasingu re,’ raita rouvia-du, gangoro egegari-du rere.

Jii rirota vitia enembodu rere, God na númane tavo tatau aita rouvia-du, gangoro egegari-du rere.

God da uno eta rousua enembodava gitofomi mema bouvu ututa rousua-du rere. God na númane kaifa eta rouvia-du, gangoro egegari-du rere.

Kokomanami mema bouvu utota nundubea gia doadua enembodu rere. Irurari feferava God na númanda dinunu beago, nundubea gia doa sonembaita rouvia-du, gangoro egegari-du rere.

Nímane avona amó gaabee egegadora-du, natofomi nímandu tauga kavavana dibe beva regegadua o mema bouvu nímandava utadua o nímanda tamova gaga gavera regegadua-du, gangoro egegadi rere! Feroveta seibe nímanda dibe kena fufuguturia-dava beago, mema bouvu dabako aghagonu ututurie. Tago, nímanda mino jojabe uutuva vitia-nu utota baita rosora-du gangoro egegadi rere.

Durumugea vitia enembodu rere. God donu be gajiturota utaita riria-nu ambova baita rousua-du, gangoro egegari-du rere.

Nímane ená endava vitia enemboda ireri aghago re. Tago, ireri musisi ea, sororo ea ya vivi sidara adua mo, daiyagha ata-gea, unda vivi rekago siroradu? Umó rekago eini-eini dumeniva jijimu ari jo inono irambi re. Amindu fugota, enemboda ekami fatia dasaita rouvie.

Nímanda Afa uutuva vitia-dava dinunu eini tefo bee tefo re. Amindu rea, nímane beago aghagonu egegadi rere!”

Avoreta, tumanadu gaa bee nuenembo rege, enembo imó gaabee egegoe! Amindu ‘Avore’ radora mo, aghá ege! O ‘Tefo’ radora mo, mania aghá ata! Enembo inda gaga gaabee ari-du, avoda ragarova be anogha gajeta rora-da nundubari, aná Satan davareta futa rouvie.

God na gaga seibe riria-nu, nímane tanana ea vitera, aná evere: ‘Avona unda komanada dibe ga soiki adua, mino unda ga soiki ege! Kotú avona unda komanada di data boradua, mino unda dege, boroe!’ Tago, amó nímandu eghá raita rore. Enembo avona indú sembago adua mo, mania mino ata! Enembo einimi imó ingo bee kena ofova dadua mo, kavere-gea, yoveniva beago dae!

Amindu inda dibe ingo bee kenami ata, imó ari sembago adora mo, gunjia bua doa fuge! Anada bee mo, inda tamoda fatu eini doadora, aná taubana re. O anami ata, inda tamo dano fugota, ivari akuagova voradua, aná akuago re. Dabako aghagonu, inda ingo beemi ata, imó ari sembago adora mo, tafugea fuge! Anada bee mo, inda tamoda fatu eini doadora, aná taubana re. O ingo anami ata, inda tamo dano fugota, ivari akuagova voradora, aná akuago re.