Mavhesi emuBhaibheri Ane Mukurumbira kubva kuna मत्ती 2

Pakurirana nevamwe

थेमे थे खाम्‍बादु लेप्‍ला नाङने स्‍यूला ताजीन थेबेकी थेरू थे फिजाताङ आमाते मरियमला थोङसुङ। थेरूई थेबेकी गुर्बु खाईन मान खिन थे फिजाला से खासुङ। से खाईन च्‍याकीन थे फिजाला सिन खुलाबाते सेर, धूप थेमे आउदी स्‍यीम्‍बुज्‍यीक बास्‍ना चले खित्‍च्‍येते मूर्र सिराते केकातेबा खुर्बुदुई थेन्‍गीन थेला बिन्‍सुङ।

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ। थेमे थेबेकी थेरू मिओनला “ङ्योकोनचेन ख्‍योकोन यहूदीओन गेल्‍बो ओङाला केबाते फिजाला छोलाला वाबाप। च्‍यिला सासीन थे केसुङ सिन छ्या स्‍ये ज्‍युत्‍च्‍येते कार्मा थेन्‍दाते ङ्योकोनगी ङेराङ लुङबापेकी थोङसुङ। थोगी थेला ठेत्‍ला मान खिताप सिन ङ्योकोन दुरू वाबाते ईन। थे फिजा खापा दुका सिन ङ्योकोनला लाःप्‍ला नाङ,” सिन सासुङ।

थोक ओङजीन थेबा आउदी खाईन गा खासुङ।

थेमे परमेश्‍वरगी मिलामला थेबाला गेल्‍बो हेरोद ओत्‍सापा मोन्‍डोबा खाला खोपरोङ लुङबापा ग्‍युरला ग्‍युक साबेकी थेबा ज्‍येन लामलेई खाईन ग्‍युरगीन गाल्‍सुङ। थोक खाईन थे ज्‍योतिषीओन गाल्‍नामेकी थे छोमु ग्‍वासेराङ यूसुफकी मिलामला प्रभु परमेश्‍वर दूतज्‍यीकला थोङसुङ। थेमे थे दूतकी थेला “यूसुफ, खोक ल्‍वा थेमे दि फिजाताङ आमातेला टीला दुरूकी छिटो मिश्रे लुङबामा ग्‍युक। लोईन ङे छ्याःङ मासाथुपचेन थेमाराङ देत। च्‍यिला सासीन हेरोद गेल्‍बोकी दि फिजाला सेता चाल्‍ला दुक,” सिन बात खासुङ।