Mavhesi emuBhaibheri Ane Mukurumbira kubva kuna Luke 4

Pakurirana nevamwe

“ဖရောဆန်ယယ့်ညင်အလန်းတိုဟော် ငေါ်နောင့်အတူ ဆိနေတိုမူရယ်။ စော်ကျွောင့်လောဟန်ကော ဆားရားဆောမျောအတွ မန်ဂလော်ဆတန်းကွောင်းကွို ဟိုးကျောဖွို့ ဖရောဆန်ခေါ့ ငေါ့ကွို ယွီးကွောဂ်ထောတိုမူပွီး ဖေါင်းဆီးခေါင်နေယော့ရယ့်ဆူရယ်ကွို လွဂ်မွှောဂ်ခှန်းယော့ဖွို့၊ မျစိမမျိုရယ့်ဆူရယ်ကွို မျိုစေဖွို့နောင့် ဒုက်ခေါ့ဆားရားခေါင်စောနေ ယော့ဆူမျောကွို လွဂ်မွှောဂ်ယော်ကွို ကာတန်ဖွို့နောင့် ဟော်အခှိင်ကော်လော့ဟော် ဖရောဆန်ခေါ့ ဆူ့ယယ့်လူမျွိုးတွို့ကွို ဖရောဆန်ယယ့်ကျွီးမောရယ့်မေတ္တော်ဂရုနော် တိုကွို ပျော့မယ့်အခှိင်ကော်လော့ကွိုကျေညော်ဖွို့ ငေါ့ကွိုစေခွှဂ်တို မူပီဖှဂ်ရယ့်အတွကျွောင့်ဖှဂ်ရယ်” ဆွိုပွီးဖှဂ်ရယ်။

အယ်းအခေါ်မောင် ကွိုယ်တော်ယေရှုခေါ့ “နန့်ယယ့် အဆန်သခန်ဖှဂ်ရယ့် ဖရောဆန်တပေါထယ်းကွိုပယ်း ကွိုးကွာယော့မယ်၊ ဆူ့ယယ့်အမုတိုကွိုပယ်း ထောင်းဆွောင်ယော့မယ်လွို့ ကျောင်းစော်မောင် ဖိုပျော့ထောရယ်” လွို့ မာရ်နတ်ကွို ပှန်လည် ဖှေကျောလောဂ်ရယ်။

ဟော်ပေမယ့် ကွိုယ်တော်ယေရှုခေါ့ “လူဟော် အစောအစော်တခုထယ်းအတွနောင့် အဆဂ်ချန်နေခွမ် မဟွိဘူးလွို့ ကျောင်းစော်မောင် ဖိုပျော့ထောရယ်” လွို့ မိင့်တိုမူရယ်။

အယ်းနွောဂ်မောင် ကွိုယ်တော်ယေရှုဟော် ညင်အလန်းတိုနောင့်အတူဆိတိုမူပွီး ဂျော်ဒန်မှဂ်ခေါ့နေ ပှန်လော်ရယ့်အခေါ် ညင်အလန်းတိုဦးဆွောင်ရယ့်အတောင်း တိုးက‌န်တော်ရော့နောင်း ကျို့တိုမူရယ်။

အယ်းအခေါ် ကွိုယ်တော်ယေရှုခေါ့လယ်း “နန့်ယယ့် အဆန်ဖှဂ်ရယ့် ဖရောဆန်ကွို ဖျောယွောင်းဆွီးဆွောင်ခှန်း မလုတ်ဖွို့ ကျောင်းစော်မောင် ဖိုပျော့ထောရယ်” လွို့ပှန်လည်မိင့်ဆွိုလေရယ်။

မာရ်နတ်ဟော်လယ်း ကွိုယ်တော်ကွို အမျွိုးမျွိုးဖျောယွောင်းဆွီးဆွောင်ပွီးရယ့်အခေါ် ကွိုယ်တော်နောင်းခေါ့ ထွဆိုးပွီး နွောဂ်ထောဂ်အခွမ့်အခေါ်ကွောင်းကွို စွောင့်နေလေရယ်။

အယ်းယော်ပွီးယန် မာရ်နတ်ဟော် ကွိုယ်တော်ကွို ကော်တရော်မှင့်ရယ့်တွောင်ထိပိုကွိုခိုဆိုးပွီး ကဘော်ပိုမောင်ဆိရယ့် တင်းပှယ်အောလုန်းကွို တခနော့ခှန်းမောင်ပျော့လောဂ်ရယ်။ မာရ်နတ်ခေါ့ ကွိုယ်တော်ကွို “ငေါ့ကွို ပေးအောဂ်ထောရယ့် တခွိုးအော်နော်အောလုန်းနောင့် ကျွာဝို့ချောင်းဆော်မုရယ်ကွို ငေါ်ပေးခှန်ရယ့်လူကွိုပေးနောင်ရယ့်အတွ နန့်ကွိုငေါ်ပေးမယ်။ အယ်းယော်ကျွောင့် ငေါ့ကွို ချယ့်ခွိုးကွိုးကွာယန် ဟော်အယော်ရယ်အောလုန်းကွို နန့်ကွိုပေးမယ်” လွို့ဆွိုလေရယ်။ အယ်းအခေါ်မောင် ကွိုယ်တော်ယေရှုခေါ့ “နန့်ယယ့် အဆန်သခန်ဖှဂ်ရယ့် ဖရောဆန်တပေါထယ်းကွိုပယ်း ကွိုးကွာယော့မယ်၊ ဆူ့ယယ့်အမုတိုကွိုပယ်း ထောင်းဆွောင်ယော့မယ်လွို့ ကျောင်းစော်မောင် ဖိုပျော့ထောရယ်” လွို့ မာရ်နတ်ကွို ပှန်လည် ဖှေကျောလောဂ်ရယ်။

တဖန် မာရ်နတ်ဟော် ကွိုယ်တော်ကွို ဂျေရုဆလင်မွှို့မောင်ဆိရယ့် ဗိမာန်တိုယယ့် အမှင့်ဆုန်းနေယော်ကွိုခိုဆိုးပွီး “နန်ဟော် ဖရောဆောတိုမင်ယန် ဟော်နေယော်ခေါ့နေ ခွိင်ခှော့လောဂ်ပေါ်။ စော်ကျွောင့်လောဟန်ကော ဖရောဆန်ခေါ့ နန့်ကွိုစွောင့်ရွှောဂ်ဖွို့အတွ နတ်ဒေဝါရယ်ကွို မိင့်ထောခယ့်ရယ်လွို့ ကျောင်းစော်မောင် ဖိုပျော့ထောရယ့်အတွ နန့်ကွို ကော်ကွာလောဂ်မယ်။ နန့်ယယ့် ခှေထွောဂ်ရယ်ကွို ကွှောဂ်တုန်းရယ်နောင့် ထိပွီး မနော်ယော့အွောင် ဆူတွို့ယယ့် လဂ်ရယ်နောင့် မော့ထောလောဂ်မယ်” လွို့ ဆွိုလေရယ်။ အယ်းအခေါ် ကွိုယ်တော်ယေရှုခေါ့လယ်း “နန့်ယယ့် အဆန်ဖှဂ်ရယ့် ဖရောဆန်ကွို ဖျောယွောင်းဆွီးဆွောင်ခှန်း မလုတ်ဖွို့ ကျောင်းစော်မောင် ဖိုပျော့ထောရယ်” လွို့ပှန်လည်မိင့်ဆွိုလေရယ်။