Mavhesi emuBhaibheri Ane Mukurumbira kubva kuna San Lucas 20

Pakurirana nevamwe

Jesúsñapaꞌ alla oterraneterr: —Ñeñthepñapaꞌ añ poktetsa oꞌch yaph amhchaꞌtareth ñeñth ño ñeñth ateth poktetsa gobiernokop; tharraña elloneth ñeñth Yomporo oꞌch yaph ñamha ñeñth ateth poktetsa ñokop.

Jesúsña attha kowanetpaꞌ ateth otanet: —Ñerraꞌm ama ateth poeperraꞌchepaꞌ esoꞌmareꞌtña otenña Yompor poꞌñoñ ñeñth anwareth awathotheñ, ñeñthpaꞌ eꞌñechkaꞌye poꞌñoxh ateth perra. Tharroꞌmar ñeñthpaꞌ ateth oten nokop, all atmaꞌntatarethen mapoeꞌ. Ñeñthpaꞌ eꞌñe ateth anwareth Yompor poꞌñoñ awathotheñ: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll.

—Amach semeñeꞌtapretatsche ommoñatheneshaꞌ pokthaphña ñeñthareta ñeñthet atarr etsotayenayeñ ñoñets ñeñth ateth anareth. Tharroꞌmar ñetpaꞌ añeꞌnaña atarr kowen entenet oꞌch chorrenet atarrom shetamoets oꞌch attha yormaꞌtatseꞌtenet paꞌshtam. Ñamha pommoꞌcheñothetpaꞌ atarrchaꞌ moeneñet oꞌch eꞌñe poemhchaꞌnaꞌteñoth eꞌñech kowen womhchaꞌtenanet acheñeneshaꞌ all chopeñeꞌchyenet. Ñamha ñetpaꞌ añeꞌnach atarr moenenet oꞌch anorrxhaꞌtyenet judioneshaꞌ poꞌprawo allekma anorryen ñeñth atarr amhchaꞌnaꞌtpoꞌ entyen allowen acheñeneshaꞌ ñamha eꞌñe atthekma penet ñamha all rrallmeꞌchapretenet. Tharraña ñetñapaꞌ rrethorrnaneshaꞌnaña poerratampesyenetña paꞌpakëll. Elloña eꞌñe pommoꞌcheñothetpaꞌ aña atarr moenenet oꞌch ateth penet ñerraꞌmrratheꞌ ñetpaꞌ atarroꞌ kowen acheñret ñeñthoꞌmarña arrchaꞌ maꞌyochenet all shontena acheñeneshaꞌ, amach thematenayaya maꞌyocheneto. Ñeñthoꞌmarña theꞌ napaꞌ oꞌch notas, ñeñth ateth petsa pommoꞌcheñothpaꞌ elloña atarrchaꞌ aꞌkoñchaꞌtarethterret.