Mavhesi emuBhaibheri Ane Mukurumbira kubva kuna Luca 20

Pakurirana nevamwe

Tawamhã Zezusi hã te duré asa tãma nharĩ za'ra: — Roma ãma danhib'apito ma, te za isimiwada'uri zarina rob'uiprazé hã tãma 're i'arĩ za'ra wa'aba mo apâ, ite wa. Tane duré, 'Re ihâimana u'âsi mono ma, te za marĩ hã isimiwada'uri zarina tãma 're isõmri za'ra wa'aba mo apâ, ite wa.

Tawamhã Zezusi te da'ab'madâ'â pese. Tahawa te dama tinha, ãne: — Ẽtẽ wasu'u na rob'ui'éré hã, ãne: “Ẽtẽ tomhâpâ wẽ 'ri na'ratazéb da, wẽ uptabi nherẽ, wasété newa, 'ri'wa norĩ te te siwi iwẽ'õ hã te oto tô taré nherẽ pire na hã, 're sa'wari u'âsi.” Ãne, ẽtẽ wasu'u na rob'ui'éré, ibaihâ na hã.

— Ma'ãpé, rowahutu'wa norĩ hã waihu'u za'ra wa'aba, ihâimanazém na hã. Ta norĩ hã uza pa ré, 're nomro mono da si, tãma iwẽ za'ra hã. Duré 'ri nhi'riti wa, da te dasina 're i'ubumroi mono zéb ãma dama pire wa, da te 're wazéb za'ra mono da, ma tô te te sima 're wẽ za'ra. Duré dama ipire norĩ simasisizém na 're isi'ubumroi mono da si, tãma iwẽ za'ra hã, rowahutuzéb ãma duré 'ri para dasiré 're idasaihuri mono zéb ãma hã. Rowahutu'wa zahã, te za pi'õi mrotõ norĩ wi, isibro hã te te tiwi 're uprosi za'ra. Tane nherẽ, te ta norĩ hã danho'a 'Re ihâimana u'âsi mono ma, 're mreme zusi hâ, 're hâimana wẽ uptabi za'ra mono newa. Tahawa, te te dama 're i'arob'manharĩ mono zém nhipai u, te za 'Re ihâimana u'âsi mono hã te te tãma 're rob'manharĩ za'ẽtẽ za'ra.