Mavhesi emuBhaibheri Ane Mukurumbira kubva kuna San Juan 2

Pakurirana nevamwe

Haꞌ xin bey yul con̈ob Caná ayco yul ismajul Galilea, haꞌ bey tuꞌ isye Comam Jesús babel cꞌaybalcꞌule. Hac tuꞌ yu isyeni Comam ishelanil yip, wal ebnaj chicuywi yinta Comam xin, caw yacanayto ebnaj yul yanma yin̈ Comam.

Istakꞌwi Comam xin: —¿Tzet yin̈ wetan chawal huneꞌ tiꞌ, miꞌ? Wal xin maẍto chiapni istiempohal inyenilo wipan tet anma, ẍi Comam.

Yalni Comam tet ebnaj chejab yin̈ kꞌin̈ tuꞌ: —Nohtzewe huntekꞌan moc tiꞌ yu ha haꞌ, ẍi Comam tet ebnaj. Hac tuꞌ xin yu yoc ebnaj isnohtzenoj. Yet nohnaxa huntekꞌan chꞌen moc tuꞌ xin, yalni Comam tet ebnaj: —Iwelti haꞌ yul moc tuꞌ tinan̈, cat xin heyinito tet naj chiꞌilni yoc anma sat meẍa, ẍi Comam. Hac tuꞌ yute ebnaj.

Istakꞌwi Comam tet ebnaj: —Uchcꞌaweyo huneꞌ yatut Comam Dios tiꞌ, cat xin wahnican̈an selel yin̈ oxeb tzꞌayic, ẍi Comam tet ebnaj.

Hayet yilni Comam huneꞌ tuꞌ, iswatxꞌenayo Comam huneꞌ tzꞌum yin̈ huntekꞌan lasu, yoc Comam istzumbenilti ebnaj txon̈om wacax yeb ebnaj txon̈om meꞌ. Istiẍnipaxcanto Comam ismelyu ebnaj helom melyu. Ispacꞌchancanocan̈ Comam ismeẍa ebnaj. Yalni xin Comam tet ebnaj txon̈om palamuch hacaꞌ tiꞌ: —Iwelto huntekꞌan noꞌ chꞌic tiꞌ bey tiꞌ, mach chu heyakꞌaco yatut Inmaman txon̈balil, ẍi Comam tet ebnaj.