Mavhesi emuBhaibheri Ane Mukurumbira kubva kuna Jhone 2

Pakurirana nevamwe

Thïs sign, at Cana ïn Galilee, wus tha furst that Jesus wrocht. In daein thïs, hïs glorie wus thair fer aa tae see, an hïs follaers believed ïn hïm.

“Wumman dear,” Jesus answert, “whut ir ye brïngin me ïntae ït fer? Ma oor ïsnae cum yit.”

Jesus toul tha sarvints, “Fïll tha crocks fu o wattèr”. Sae the' fïllt thaim fu tae tha lïp. Then he toul thaim, “Noo lave a drap oot an tak ït tae tha heid sarvint.” Sae the' daen as the' wur bïd.

Jesus gien thaim tha answer, “Fletten thïs temple, an ïn thrie days A wull rise ït agane.”

Sae he püt thegither a whup o coards, an driv tha hale lock oot o tha Temple gruns, alang wi sheep an kye; he skailt tha siller o tha money changers an coupt thair tables. Tae thaim that soul doos he saed, “Tak aa thïs awa oot o here! Hoo dar yis mak a margymore oot o ma Faither's hoose!”