Cenisihs 5
5
Aatam Opiiwesiima' Ehtashinsonitc
1 #
Gen 1.27,28. Mii hsa o'owe nahke eshi tashinsonitc Aatam (Adam) opiiwesiima'. Ahpii hsa Kishemanitoo kiioshi'aatc pemaatisinitc eshinaakositc ihsa kookii ishi'aa'. 2#Mat 19.4; Mrk 10.6. Okii oshi'aan ininiwan kaye ihkwewan citinowinitc. Miitahsh kaaishi shawenimaatc ekii ishinihkaanaatc Pemaatisitc. 3Ahpii hsa Aatam ninkotwaahk nihsimitana (130) kaatahso pipoonwetc okosihsan kiinihtaawikiwan ekii ishinaakosinitc mayaa eshinaakositc. Seht (Seth) ihsa okii ishinihkaanaan ini okosihsan. 4Keyaapi tahsh nihshwaahswaahk (800) tahso pipoon kiiani pimaatisi ahpii kii‑ishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 5Aatam hsa shaankahswaahk nihsimitana (930) kiihtahso pipoonwe miihsh kaaishi ishkwaa pimaatisitc.
6A'a hsa Seht ninkotwaahk naanan (105) ehtahso pipoonwetc mii hsa 'i kaakii okosihsitc, Iinaash (Enosh) ekii ishinihkaanaatc ini okosihsan. 7Keyaapi hsa nihshwaahswaahk niishwaahso (807) tahso pipoon Seht hsa kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 8Seht hsa shaankahswaahk mitaahshiniishin (912) kiihtahso pipoonwe, miihsh kaaishi ishkwaa pimaatisitc.
9A'a hsa Iinaash shaankasimitana (90) ehtahso pipoonwetc mii hsa 'i kaakii okosihsitc, Kiinan (Kenan) ekii ishinihkaanaatc. 10Keyaapi hsa nihshwaahswaahk mitaahshinaanan (815) tahso pipoon Iinaash kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 11A'a hsa Iinaash shaankahswaahk naanan (905) kiihtahso pipoonwe, miihsh kaaishi ishkwaa pimaatisitc.
12A'a hsa Kiinan niishwaasimitana (70) ehtahso pipoonwetc mii hsa 'i kaakii okosihsitc Mahelaliiyal (Mahalalel) ekii ishinihkaanaatc. 13Keyaapi hsa nihshwaahswaahk niimitana (840) tahso pipoon Kiinan kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 14A'a hsa Kiinan shaankahswaahk mitaahso (910) kiihtahso pipoonwe, miihsh kaaishi ishkwaa pimaatisitc.
15A'a hsa Mahelaliiyal ninkotwaahsimitanashinaanan (65) ehtahso pipoonwetc, mii hsa 'i kaakii okosihsitc, Ceret (Jared) ekii ishinihkaanaatc. 16Keyaapi hsa nihshwaahswaahk nihsimitana (830) tahso pipoon Mahelaliiyal kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 17A'a hsa Mahelaliiyal nihshwaahswaahk shaankahsimitanashinaanan (895) kiihtahso pipoonwe, miihsh kaaishi ishkwaa pimaatisitc.
18A'a hsa Ceret ninkotwaahk ninkotwaahsimitanashiniishin (162) ehtahso pipoonwetc, mii hsa 'i kaakii okosihsitc, Iinaahk (Enoch) ekii ishinihkaanaatc. 19Keyaapi hsa nihshwaahswaahk (800) tahso pipoon Ceret kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 20A'a hsa Ceret shaankahswaahk ninkotwaahsimitanashiniishin (962) kiihtahso pipoonwe, miihsh kaaishi ishkwaa pimaatisitc.
21A'a hsa Iinaahk ninkotwaahsimitanashinaanan (65) ehtahso pipoonwetc, mii hsa 'i kaakii okosihsitc Miihtoosala (Methuselah) ekii ishinihkaanaatc. 22Ahpii hsa kaaishkwaa ayaawaatc ini okosihsan, Iinaahk hsa kwayahk keyaapi okii ani wiiciiwaan Kishemanitoon nihswaahk (300) tahso pipoon minihk. Keyaapi hsa aaninta apinoonciisha' okiih pi ayaawaa'. 23Iinaahk hsa nihswaahk ninkotwaahsimitanashinaanan (365) maamaw kiihtahso pipoonwe. 24#Heb 11.5; Jud 14. Iinaahk hsa kwayahk okii wiiciiwaan Kishemanitoon, eshkwaac itahsh iko kaawiin kiionci kihkentaakosihsii, aaniihsh Kishemanitoon okii maaciinikoon.
25A'a hsa Miihtoosala ninkotwaahk nihshwaahsimitanashiniishwaahso (187) ehtahso pipoonwetc mii hsa 'i kaakii okosihsitc, Lemehk ekii ishinihkaanaatc. 26Keyaapi hsa niishwaahswaahk nihshwaahsimitanashiniinshin (782) tahso pipoon Miihtoosala kiiani pimaatisi kaaishkwaa ayaawaatc ini okosihsan. Keyaapi hsa aaninta apinoonciisha' okiih pi ayaawaa'. 27A'a hsa Miihtoosala shaankahswaahk ninkotwaahsimitanashishaankahso (969) kiihtahso pipoonwe, miihsh kaaishi ishkwaa pimaatisitc.
28A'a hsa Lemehk ninkotwaahk nihshwaahsimitanashiniishin (182) ehtahso pipoonwetc, mii 'i kaakii okosihsitc. 29Noowa (Noah) hsa okii ishinihkaanaan ini okosihsan. Miihsh o'o kaaihkitotc, “I'iweni hsa Kishemanitoo ahkiini kaakii macakintank onci, mii hsa wa'a apinoonciish keonci minwentamaank o'o kaashi kihci anohkiiyaank.” 30Keyaapi hsa Lemehk naanwaahk shaankasimitanashinaanan (595) tahso pipoon kiiani pimaatisi kaaishkwaa nihtaawikinitc Noowawan. Keyaapi hsa aaninta apinoonciisha' okiih pi ayaawaa'. 31A'a hsa Lemehk niishwaahswaahk niishwaahsimitanashiniishwaahso (777) kiihtahso pipoonwe, miihsh kaaishi ishkwaa pimaatisitc.
32Ahpii hsa Noowa naanwaahk (500) ehtahso pipoonwetc, mii 'i kaakii ani okosihsitc. Miihsh o'o kaa‑ayishinihkaasonitc: Shem (Shem), Hem (Ham) kaye Cepat (Japheth).
Zvasarudzwa nguva ino
Cenisihs 5: OJBR
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Roman Script) © 2008 Canadian Bible Society