Salmo 15
15
No ichahoho no Dios a kaparin no viay
Salmo ni David.
1Sino paro o tanggapen do templo mo as kano sino paro maparin a omdaday dimo, O Dios, do manamonamo aya a tokon mo do Sion.
2Sira o manganohed do Dios do atavo, sira o fermi a omparin so mayanong, sira o matalineng as ichasaray so vahevahey, 3sira o di maparahet so kadwan, sira o di makaraherahet dira do kayvan da as kabo no pawpiten da a iparahet so kadwan. 4No akmaya sia a tawo am pachivawan na sa o ichaskeh no Dios. Amna sincharan na sa onoran o manganohed do Dios. Patongtongen na o promisa na sa aran rakoh o pakasisian na nia. 5Mapavohod ya so di payganansian as makey ava pagan a maytestigo so daday dira do abo so gatos.
No akmaya sia a tawo am mahni o paytetnekan na.
Zvasarudzwa nguva ino
Salmo 15: VTSP
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2016, Wycliffe Bible Translators, Inc. All rights reserved.