यूहन्ना म्हसीका
म्हसीका
यूहन्नां च्वःगु सुसमाचारय् येशू परमेश्वरयागु सदां दयाच्वनीगु वचन खः, अले वय्कः मनू जुयाः झीनाप च्वनादिल धकाः क्यनातःगु दु। थ्व सुसमाचारया सफू ब्वनीपिन्सं “येशू हे मुक्ति बीम्ह ख्रीष्ट खः” धकाः विश्वास याये फयेमा अले विश्वास यानाः वय्कःया नामय् अनन्त जीवन दयेमा धकाः च्वःगु खः।#यूह २०:३१
सफूया न्ह्यःनेया ब्वय् येशू परमेश्वरया सदां दयाच्वनीगु वचन खः धकाः क्यनातःगु दु। अले येशूं यानादीगु थीथी अजू चायापुगु ज्यां वय्कः परमेश्वरं ल्ययादीम्ह मुक्ति बीम्ह ख्रीष्ट परमेश्वरया काय् खः धकाः नं क्यनातःगु दु। सफूया दथुइ थ्व अजू चायापुगु ज्यां छु खँ सी दु धकाः ध्वाथुइक व ताःहाकय्क न्ह्यथनातःगु दु। अले येशूयात मनूतय्सं गुकथं विश्वास यानाः चेला जुल, गुकथं यहूदीतय् नायःतय्सं वय्कःयात विरोध यात धयागु खँ नं क्यनातःगु दु। १३ निसें १७ अध्यायतक ज्वंखुन्हु बहनिइ वय्कलं चेलातनापं छुत्काराया नखः हनाः प्रभु भ्वय् पलिस्था यानादिल। अले साहस मत्वःतेगु व पवित्र आत्मा छ्वयाहयेगु खँ स्यनेकने यानादीगु च्वयातःगु दु। दकलय् लिपा लिपायागु अध्यायलय् वय्कःयात ज्वंगु, महासभाय् थने यंकूगु, स्याःगु व हानं म्वानाझाःगु, चेलातय्थाय् खनेदय्कः झाःगु खँ च्वयातःगु दु।
ख्रीष्टपाखें अनन्त जीवनया वरदान दइ धइगु खँय् यूहन्नां बःब्यूगु दु। थ्व वरदान आः शुरु जुइ अले प्रभु येशूयात लँ, सत्य व जीवन खः धकाः मानय् याःपिन्त दइ। येशूं मनूतय्सं न्हियान्हिथं छ्यलेमाःगु वस्तुत चिंकथं कयाः आत्माया खँयात ध्वाथुइकेत स्यनेकने यानादीगु खः – गथे लः, मरि, जः, फैजवाः व वया फैचात, दाखमा व दाख। यूहन्नां थज्याःगु खँ बांलाक क्यनातःगु दु।
थ्व सफू ई.सं. ७० निसें ९० तकया दथुइ च्वःगु जुइफु।
धलः पौ
न्ह्यखँ १:१-१८
बप्तिस्मा बीम्ह यूहन्नां पश्चातापया खँ न्यंकाजूगु १:१९-३४
येशूं दकलय् न्हापांयापिं झिंनिम्ह चेलात ल्ययादीगु १:३५-५१
येशूयागु न्हय्गू अजू चायापुगु ज्या २:१–१२:५०
येशूयात स्यायेगु फैसला याःगु व क्रूसय् यख्खाःगु १३:१–१९:४२
येशू हानं म्वानाझाःगु व चेलातय्थाय् खनेदय्कः झाःगु २०:१-३१
गालीलय् येशू हाकनं खनेदय्कः झाःगु २१:१-२५
यूहन्ना
Zvasarudzwa nguva ino
यूहन्ना म्हसीका: NEW
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2024 Nepal Bible Society, Newa Christian
Literature Center and Wycliffe Bible Translators, Inc.