Ʋatoŋgi 18
18
ƲaDani ʋanotorera Mika ʋamŋari ʋake.
1Ɀino namazuʋa iwayo kwakaŋga kusinamambo pakati paʋaIsraeri; namazuʋa iwayo ʋaDani ʋakaɀitȿakira nhaka yokugara’mo, nokuti kuȿikira paŋguʋa iyo ʋakaŋga ʋacigere kupiwa nhaka pakati pamarudzi aʋaIsraeri. 2Ɀino pakati paʋo ʋose ʋana ʋaDani ʋakatuma ʋarume ʋashanu ʋeimba yaʋo, ʋarume ʋoʋumhare, ʋakabva Zora neEshtaori, kuzoshora nyika, nokuitarisisa; ʋakati kwaʋari: Endai, mundotarisisa nyika; iʋo ʋakaȿika kunyika yamakomo yaEfraimi, kuimba yaMika, ʋakaʋata’po. 3Ɀino ʋakati ʋari paimba yaMika, ʋakaziʋa inzwi rejaya muRevi; ʋakatsaukira’ko, ʋakati kwaari: Ndianiko wakakuȿitsa pano? Unoɓatei pano? Unotȿakei pano? 4Iye akati kwaʋari: Mika wakandiitira ɀokuti neɀokuti, akandiripira, ndikaʋa muprista wake. 5Ʋakati kwaari: Ɀino citibvunzira hako Mŋari, tiziʋe kana ticafamba ɀakanaka panzira yeɗu yatinofamba nayo. 6Muprista akati kwaʋari: Endai norugare, nzira yenyu yamunofamba nayo inofadza Jehova.
7Ɀino ʋarume ʋashanu ʋakaenda, ʋakaȿika Raishi, ʋakaʋona ʋanhu ʋakaŋga ʋari’mo, kuti ʋagere pasinenjodzi nomutoʋo waʋaZidoni, ʋakagarika, ʋanorugare; kwakaŋga kusinomunhu waiʋa nesimba rokuraira, waimanikidza ʋanhu pacinhu cipi necipi; ʋakaŋga ʋagere kure naʋaZidoni, ʋasiŋgafambidzani naʋamŋe ʋanhu. 8Ʋakaȿika kuhama dzaʋo paZora napaEshtaori; hama dzaʋo dzikati kwaʋari: Munoreʋeiko? 9Ʋakati: Simukai, tikwire, tindorwa naʋo; nokuti takatarira nyika, tikaʋona kuti yakanaka kwaɀo; munogara seiko musiŋgaiti cinhu? Musaʋa noʋusimbe bgokupinda, kuti nyika iʋe yenyu. 10Kana mucienda mucandoȿika kuʋanhu ʋagere pasinenjodzi, ʋuye nyika ihuru; nokuti Mŋari wakakupai iyo mumaʋoko enyu; apo hapashaikwi cinhu ciri panyika.
11Ipapo ʋarume ʋanamazana matanhatu ʋeimba yaʋaDani ʋakaŋga ʋakashoŋga nhumbi dzokurwa, ʋakaenda’ko, ʋacibva Zora neEshtaori. 12Ʋakakwira, ʋakandodzika matente aʋo paKiriati‐jearimi, paJuda; naiɀoɀo ʋakatumidza nɀimbo iyo Mahane‐dani kuȿikira zuʋa ranhasi; tarirai, riri shure kweKiriati‐jearimi. 13Ʋakabva’po, ʋakapfuʋura kuȿikira panyika yamakomo yaEfraimi, ʋakaȿika paimba yaMika. 14Ɀino ʋarume ʋashanu, ʋakaŋga ʋandoshora nyika yeRaishi, ʋakapindura, ʋakati kuhama dzaʋo: Munoziʋa here kuti mudzimba idzi muneefodi, neterafimi, nomufananidzo wakaʋezwa nomufananidzo wakaʋumbga? Saka ɀino fuŋgai ɀakanaka ɀamunofanira kuita. 15Ipapo ʋakatsaukira’ko, ʋakaȿika paimba yejaya muRevi, iyo imba yaMika, ʋakabvunza mufaro. 16Ɀino ʋarume ʋanamazana matanhatu ʋakaŋga ʋakashoŋga nhumbi dzaʋo dzokurwa nadzo, ʋaiʋa ʋaʋana ʋaDani, ʋakamira panopindwa napo pasuʋo, 17ʋarume ʋashanu ʋakaŋga ʋandoshora nyika ʋakakwira, ʋakapinda’mo, ʋakatora mufananidzo wakaʋezwa, neefodi, neterafimi, nomufananidzo wakaʋumbga; muprista akamira panopindwa napo pasuʋo kuʋarume ʋanamazana matanhatu ʋakaŋga ʋakashoŋga nhumbi dzokurwa nadzo. 18Ɀino iʋo ʋakati ʋapinda mumba maMika, ʋakatora mufananidzo wakaʋezwa, neefodi, neterafimi, nomufananidzo wakaʋumbga, muprista akati kwaʋari: Munoiteiko? 19Ʋakati kwaari: Nyarara, fumbira muromo wako, uende nesu, uʋe ɓaɓa ʋeɗu nomuprista weɗu; ɀirinani kwauri ndeɀipi, kuti uʋe muprista paimba yomunhu mumŋe cete, kana kuʋa muprista worudzi rwose neimba yose yaʋaIsraeri here? 20Ɀino mŋoyo womuprista ukafara, akatora efodi, neterafimi, nomufananidzo wakaʋezwa, akapinda napakati paʋanhu. 21Ʋakatsauka, ndokuenda, ʋakatuŋgamidza ʋana ʋaɗuku, neɀipfuwo nenhumbi. 22Ɀino ʋakati ʋafamba runhambo kubva paimba yaMika, ʋarume ʋakaŋga ʋagere padzimba dzaiʋa pedyo neimba yaMika ʋakaʋuŋganidzwa, ʋakateʋera ʋaDani, ʋakaʋaɓata. 23Ʋakaɗanidzira kuʋana ʋaDani. Iʋo ʋakaceuka, ʋakati kunaMika: Unotȿakeiko, ɀawaʋuya neɓoka rakaɗai? 24Iye akati: Manditorera ʋamŋari ʋaŋgu ʋandakaŋga ndaita, nomuprista waŋgu, mukaenda naʋo, ɀino ini ndasarirwa neiko? Muŋgataura sei kwandiri, muciti: Unotȿakeiko? 25Ʋana ʋaDani ʋakati kwaari: Inzwi rako ŋgarirege kunzwika pakati peɗu, kuti ʋarume ʋaneshuŋgu ʋarege kukuwira, ukarashikirwa noʋupenyu bgako pamŋe cete noʋupenyu bgaʋamŋe ʋeimba yako. 26Ipapo ʋana ʋaDani ʋakaenda haʋo; ɀino Mika wakati aciʋona kuti simba raʋo rinokunda rake, akadzokera kumba kwake. 27Iʋo ʋakatora ɀakaŋga ɀakaitwa naMika, nomuprista waakaŋga anaye, ʋakaȿika Raishi, kuʋanhu ʋakaŋga ʋakagarika, ʋagere pasinenjodzi, ʋakaʋaʋuraya neminondo inopinza, ʋakapisa guta raʋo nomŋoto. 28Ʋakashaiwa unoʋarwira, nokuti ʋakaŋga ʋari kure neZidoni; ʋakaŋga ʋasiŋgafambidzani naʋamŋe ʋanhu; guta rakaŋga riri mumupata uri paBeti‐rehobi. Ʋakaʋaka guta, ʋakagara’mo. 29Ʋakatumidza guta zita rinonzi Dani, nezita raɓaɓa ʋaʋo Dani, wakaŋga akaɓerekerwa Israeri; asi zita reguta raiʋa Raishi pakutaŋga. 30Ʋana ʋaDani ʋakaɀimisira mufananidzo uyo wakaʋezwa; Jonatani, mŋanakomana waGershomi, mŋanakomana waMosesi, iye naʋana ʋake ʋakaʋa ʋaprista ʋorudzi rwaʋaDani, kuȿikira pazuʋa rokutapxa kwaʋanhu ʋenyika iyo. 31Ʋakaɀimisira mufananidzo wakaʋezwa waMika, waakaŋga aita, ukaʋa’po ŋguʋa yose yokugara kweimba yaMŋari paShiro.
Zvasarudzwa nguva ino
Ʋatoŋgi 18: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018