Ʋatoŋgi 20
20
ƲaBenjamini ʋanorwisa kuparadzwa.
1Ɀino ʋana ʋaIsraeri ʋose ʋakaɓuɗa, ʋuŋgano yose ikaʋuŋgana nomŋoyo mumŋe kubva paDani kuȿikira paBeeri‐sheba, pamŋe cete nenyika yeGireadi, kunaJehova paMizpa. 2Madzishe aʋanhu ʋose, iʋo ʋamarudzi ose aʋaIsraeri, ʋakandomira paʋuŋgano yaʋanhu ʋaMŋari, ʋakaŋga ʋaneɀuru ɀinamazana manna ɀaʋanhu ʋaifamba namakumbo, ʋaigona kurwa nomunondo. 3(Ɀino ʋana ʋaBenjamini ʋakaŋga ʋanzwa kuti ʋana ʋaIsraeri ʋakwira Mizpa.) Ʋana ʋaIsraeri ʋakati: Tiʋudzei kuti ɀakashata iɀi ɀakaitwa sei. 4Ɀino muRevi, murume womukadzi wakaŋga aʋurawa, akapindura, akati: Ndakaŋga ndaȿika paGibea raʋaBenjamini ndinomuroŋgo waŋgu, kuti tiʋate’po. 5Ʋarume ʋeGibea ʋakandimukira, ʋakakomba imba ʋusiku kuzorwa neni; ʋakaŋga ʋaciɗa kundiʋuraya ini, ʋuye muroŋgo waŋgu ʋakamucinya, akafa. 6Ipapo ndikatora muroŋgo waŋgu, ndikamuɗimuranya, ndikamutuma kunyika yose yenhaka yaIsraeri, nokuti ʋakaita ɀinonyaŋgadza neɀoʋupenzi pakati paIsraeri. 7Tarirai, imi ʋana ʋaIsraeri, imi mose, mutipei zano nomuraŋgariro wenyu pano. 8Ipapo ʋanhu ʋose ʋakasimuka nomŋoyo mumŋe, ʋakati: Hakunomumŋe weɗu uŋgaenda kutente rake, hakunomumŋe weɗu uŋgadzokera kumba kwake. 9Asi ticaitira ʋanhu ʋeGibea cinhu ici: Ticandorwa naʋo, seɀatinoratidzwa nemijenya. 10Ticatora ʋarume ʋanegumi pazana rimŋe nerimŋe ramarudzi ose aʋaIsraeri, naʋanezana pacuru cimŋe necimŋe, naʋanecuru paɀuru ɀinegumi ɀimŋe neɀimŋe, ʋandotorera ʋanhu mbuʋa, kuti kana ʋaciȿika paGibea raʋaBenjamini ʋaʋaitire ɀakaenzana noʋupenzi bgaʋakaita pakati paIsraeri. 11Naiɀoɀo ʋarume ʋose ʋaIsraeri ʋakaʋuŋgana paguta ʋanomŋoyo mumŋe.
12Ɀino marudzi aʋaIsraeri akatuma ʋarume kurudzi kwose rwaBenjamini, ʋakati: Iɀi ɀakashata ɀakaitwa pakati penyu ndeɀeiko? 13Saka ɀino tipei ʋarume aʋo, ʋanhu ʋakaiȿo‐ipa, ʋari paGibea, tiʋaʋuraye, tibvise ɀakaipa pakati paIsraeri; asi ʋana ʋaBenjamini ʋakaramba kuterera inzwi rehama dzaʋo, iʋo ʋana ʋaIsraeri. 14Ʋana ʋaBenjamini ʋakabva kumaguta ʋakaʋuŋgana paGibea, kuti ʋarwe naʋana ʋaIsraeri. 15Ʋana ʋaBenjamini ʋakaŋga ʋabva kumaguta ʋakaʋereŋgwa musi uyo ʋakaȿika ʋarume ʋaneɀuru ɀinamakumi maʋiri neɀitanhatu, ʋaigona kurwa nomunondo; ɀino ʋakaŋga ʋagere Gibea haʋana‐kuʋereŋgwa, iʋo ʋakaȿika ʋarume ʋanamazana manomŋe ʋakasanaŋgurwa. 16Pakati paʋanhu aʋa ʋose kwakaŋga kunaʋarume ʋanamazana manomŋe ʋakasanaŋgurwa, ʋakaŋga ʋaneziɓoshwe; mumŋe nomumŋe waʋo waigona kuroʋa ruvudzi nebge asiŋgaposhi.
17Ɀino ʋarume ʋaIsraeri, kunze kwaʋaBenjamini, ʋakaʋereŋgwa, ʋakaȿika ʋarume ʋaneɀuru ɀinamazana manna, ʋaigona kurwa nomunondo; aʋa ʋose ʋaiʋa ʋarwi. 18Ʋana ʋaIsraeri ʋakasimuka, ʋakaenda Beti‐eri, ʋakandobvunza zano kunaMŋari, ʋakati: Ndianiko kwatiri unofanira kutaŋga kundoʋamba ʋana ʋaBenjamini? Jehova akati: Juda ndiye unofanira kutaŋga. 19Ɀino ʋana ʋaIsraeri ʋakamuka maŋgwanani, ʋakandodzika matente aʋo kuzorwa naʋeGibea. 20Ʋarume ʋaIsraeri ʋakaɓuɗa kundorwa naʋaBenjamini; ʋarume ʋaIsraeri ʋakaroŋgedza hondo kuzorwa naʋo paGibea. 21Ʋana ʋaBenjamini ʋakaɓuɗa paGibea, ʋakaʋurayira pasi nomusi iwoyo ʋarume ʋaIsraeri ʋaneɀuru ɀinamakumi maʋiri neɀiʋiri. 22Ipapo ʋanhu, ʋarume ʋaIsraeri, ʋakaɀisimbisa, ʋakaroŋgedza ɀe hondo paʋakaŋga ʋairoŋgedza nezuʋa rokutaŋga. 23(Ʋana ʋaIsraeri ʋakakwira, ʋakandocema kunaJehova kuȿikira maɗekwana; ʋakabvunza Jehova, ʋakati: Tinofanira kusweɗera ɀe kundorwa nehama dzeɗu, ʋana ʋaBenjamini, here? Jehova akati kwaʋari: Kwirai, mundorwa naʋo.)
24Ɀino ʋana ʋaIsraeri ʋakasweɗera kuzorwa naʋana ʋaBenjamini nezuʋa repiri. 25ƲaBenjamini ʋakaɓuɗa paGibea kuzorwa naʋo nezuʋa repiri, ʋakaʋurayira pasi ʋarume ʋaʋana ʋaIsraeri ʋaneɀuru ɀinegumi neɀisere; aʋa ʋose ʋaigona kurwa nomunondo. 26Ɀino ʋana ʋaIsraeri ʋose naʋanhu ʋose ʋakakwira ʋakaȿika paBeti‐eri, ʋakacema, ʋakagara’po pamberi paJehova, ʋakaɀinyima ɀokudya zuʋa iro kuȿikira maɗekwana; ʋakaʋuya neɀipiriso ɀinopiswa neɀipiriso ɀokuyananisa kunaJehova. 27Ʋana ʋaIsraeri ʋakabvunza Jehova, (nokuti areka yesuŋgano yaMŋari yakaŋga iri’po pamazuʋa iwayo. 28NaPinehasi, mŋanakomana waEreazari, mŋanakomana waAroni, wakamira pamberi payo namazuʋa iwayo), ʋakati: Tinofanira kuɓuɗa ɀe kundorwa nehama dzeɗu, iʋo ʋana ʋaBenjamini, kana tirege here? Jehova akati: Kwirai, nokuti maŋgwana ndicaʋaisa mumaʋoko enyu. 29ƲaIsraeri ʋakaisa ʋanhu kuʋandira Gibea kunhiʋi dzose.
30Ʋana ʋaIsraeri ʋakandorwa naʋana ʋaBenjamini nezuʋa retatu, ʋakaɀiroŋgedza kundorwa neGibea sapanedzimŋe ŋguʋa. 31Ʋana ʋaBenjamini ʋakaɓuɗa kuzorwa naʋanhu, ʋakanyeŋgerwa ndokuɓuɗa kure neguta; ʋakataŋga sapanedzimŋe ŋguʋa kuɓaya nokuʋuraya ʋamŋe ʋanhu panzira huru mbiri, imŋe yaikwira icienda Beti‐eri, neimŋe Gibea, kusaŋgo, ʋakaʋuraya ʋarume ʋaIsraeri ʋaneŋge makumi matatu. 32Ɀino ʋana ʋaBenjamini ʋakati: Ʋakundwa nesu sapakutaŋga. Asi ʋaIsraeri ʋakati: Ŋgatitize, tiʋanyeŋgere ʋaɓuɗe kunzira huru dziri kure neguta. 33Ʋarume ʋose ʋaIsraeri ʋakasimuka kwaʋakaŋga ʋari, ʋakaɀiroŋgedza paBaari‐tamari; ʋuye ʋaIsraeri, ʋakaŋga ʋakaʋandira, ʋakakurumidza kuɓuɗa kwaʋakaŋga ʋari, paMaaregeba; 34ʋakaɓuɗa pakatarisana neGibea ʋaiʋa ʋarume ʋaneɀuru ɀinegumi ʋakaŋga ʋakasanaŋgurwa pakati paʋaIsraeri ʋose, kurwa kukanyanya kwaɀo; asi ʋakaŋga ʋasiŋgaziʋi kuti njodzi yaʋa pedyo. 35Ɀino Jehova akaparadza Benjamini pamberi paIsraeri, ʋana ʋaIsraeri ʋakaparadza nomusi iwoyo ʋarume ʋaBenjamini ʋakaȿika ɀuru ɀinamakumi maʋiri neɀishanu nezana rimŋe; aʋa ʋose ʋaigona kurwa nomunondo.
36Ipapo ʋana ʋaBenjamini ʋakaʋona kuti ʋakundwa; nokuti ʋarume ʋaIsraeri ʋakatiza pamberi paBenjamini, nokuti ʋakaŋga ʋaciʋimba naʋanhu ʋakaŋga ʋaiswa kuʋandira paGibea. 37Ɀino ʋaʋandiri ʋakakurumidza, ʋakamhanyira Gibea; ʋaʋandiri ʋakapfuʋura, ʋakaparadza guta rose neminondo inopinza. 38Ɀino ʋarume ʋaIsraeri naʋaʋandiri ʋakaŋga ʋatenderana pamsoro peciratidzo, kuti ʋacamutsa gore guru roʋutsi rinobva muguta. 39Ʋarume ʋaIsraeri ʋakatendeʋuka pakurwa kwaʋo, ʋaBenjamini ʋakataŋga kuɓaya nokuʋuraya ʋarume ʋaIsraeri ʋaneŋge makumi matatu; nokuti ʋakati: Ɀirokwaɀo, ʋakundwa nesu sapakurwa kwokutaŋga. 40Asi gore rakati rotaŋga kukwira ricibva muguta, seshoŋgwe yoʋutsi, ʋaBenjamini ʋakaceuka, ʋakaʋona guta rose ricipfuŋgairira kuɗeŋga. 41Ʋarume ʋaIsraeri ʋakadzoka, ʋarume ʋaBenjamini ʋakavunduswa, nokuti ʋakaʋona kuti ʋawirwa nenjodzi. 42Ipapo ʋakatiza pamberi paʋarume ʋaIsraeri, ʋakamhanya nenzira inoenda kurenje; asi hondo yakaʋateʋera, ʋuye ʋakaŋga ʋacibva mumaguta ʋakaʋaʋuraya pakati pawo. 43Ʋakakomba ʋaBenjamini kunhiʋi dzose, ʋakaʋadziŋga ndokuʋaɓata paʋakazorora kuȿikira pakatarisana neGibea kumabvazuʋa. 44Ʋaneɀuru ɀinegumi neɀisere ʋaBenjamini ʋakaʋurawa; aʋo ʋose ʋakaŋga ʋari ʋarume ʋoʋumhare. 45Ʋakatendeʋuka, ndokutizira kurenje kuɗombo reRimoni; ʋakaʋuraya ʋamŋe ʋaʋo panzira huru ʋarume ʋaneɀuru ɀishanu; ʋakaʋateʋera kuȿikira paGidomi, ʋakaʋuraya pakati paʋo ʋarume ʋaneɀuru ɀiʋiri. 46Naiɀoɀo ʋarume ʋaBenjamini, ʋakaʋurawa nezuʋa iro, ʋakaŋga ʋaneɀuru ɀinamakumi maʋiri neɀishanu, ʋarume ʋaigona kurwa nomunondo; aʋa ʋose ʋaiʋa ʋarume ʋoʋumhare. 47Asi ʋarume ʋanamazana matanhatu ʋakatendeʋuka, ʋakatizira kurenje kuɗombo reRimoni, ʋakagara paɗombo reRimoni mŋedzi minna. 48Ʋarume ʋaIsraeri ʋakadzokera ɀe kuʋana ʋaBenjamini, ʋakaʋaʋuraya neminondo inopinza, guta rose, neŋombe, neɀose ɀaʋakawana’po; ʋakapisa ʋo maguta ose aʋakawana.
Zvasarudzwa nguva ino
Ʋatoŋgi 20: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018