བཀོད་པ། 3
3
ལེའུ་གསུམ༌པ།
མེས་པོར་སྡིག་པ་བྱུང༌ཚུལ།
1དེ་ཡང་དཀོན་མཆོག་ཡ་ཝཱེས་མཛད་པའི་སྦྲུལ་#སྦྲུལ་ཞེས་པ་ནི་བདུད་སཱ་ཏན་ཞེས་པ་དེ་སྦྲུལ་གྱི་གཟུགས་སུ་སྤྲུལ་ནས་མི་ལ་ངན་སྐུལ་བྱེད་དུ་འོངས་པར༌གསུངས།ནི་ས་སྟེང་གི་སེམས་ཅན་ཐམས་ཅད་ལས་ཆེས་གཡོ་སྒྱུ་ཆེ་བ་ཞིག་ཡིན༌པས། སྦྲུལ་གྱིས་བུད་མེད་དེ་ལ་འདི་ལྟར་དྲིས༌པ། དཀོན་མཆོག་གིས་ལྡུམ་ར་ནང་གི་ལྗོན་ཤིང་ཐམས་ཅད་ཀྱི་ཤིང་ཏོག་བཟའ་མི་རུང་ཞེས་དངོས་གནས་བཀའ་གནང་ངམ་ཞེས་པ༌ལ། 2བུད་མེད་ན༌རེ། ངེད་གཉིས་ཀྱིས་ལྡུམ་ར་ནང་གི་ལྗོན་ཤིང་གི་ཤིང་ཏོག་བཟའ་རུང༌མོད། 3འོན་ཀྱང་ལྡུམ་རའི་དཀྱིལ་དུ་ཡོད་པའི་ལྗོན་ཤིང་དེའི་ཤིང་ཏོག་བཟའ་མི་རུང༌སྟེ། དཀོན་མཆོག་གིས་དེ་ནི་བཟའ་མི་རུང་ལ་རེག་ཀྱང་མི༌རུང༌། གལ་ཏེ་ཟོས་ན་འཆི་བར་འགྱུར་ཞེས་བཀའ་གནང་བའི་ཕྱིར་ཡིན་ཞེས་སྨྲས༌སོ།། 4ཡང་སྦྲུལ་ན༌རེ། ཁྱོད་ནི་ཅིས་ཀྱང་འཆི་མི་སྲིད༌དེ། 5ཁྱོད་ཀྱིས་དེ་ཉིད་ཟོས་པ་ཙམ་གྱིས་མིག་ཟུང་གསལ་པོར་གྱུར༌ཏེ། དཀོན་མཆོག་དང་འདྲ་བར་གྱུར་ནས་བཟང་ངན་ཤེས་པར་འགྱུར་བ་དཀོན་མཆོག་གིས་མཁྱེན་པ་ཡིན་ཞེས་སྨྲས༌སོ།། 6དེ་ནས་བུད་མེད་ཀྱིས་ལྗོན་ཤིང་དེའི་ཤིང་ཏོག་ནི་ཁ་ལ་ཞིམ་ཞིང་ལྟ་ན་སྡུག་པ༌དང༌། མཁས་པར་འགྱུར་ཆེད་ཡིད་དུ་འོང་བ་མཐོང་ནས། ཤིང་ཏོག་བཏོགས་ནས་ཟོས་ཤིང་རང་གི་ཁྱོ་ག་ལའང་སྤྲད་པ་དང་དེས་ཀྱང་ཟོས༌སོ།། 7དེར་ཁོ་གཉིས་ཀྱི་མིག་ཟུང་གསལ་པོར་གྱུར་ཏེ་རང་ལུས་གཅེར་བུ་ཡིན་པ་མཐོང༌བས། སེ་ཡབ་ཤིང་གི་ལོ་མ་བསླས་ནས་རང་ཉིད་ལ་སྨད་གོས་བཟོས༌སོ།།
8དེ་ནས་བསིལ་རླུང་ལྡང་བའི་དུས༌སུ། དཀོན་མཆོག་ཡ་ཝཱེ་ལྡུམ་རའི་ནང་དུ་ཕེབས་པ༌དང༌། སྐྱེས་པ་དེ་དང་ཁོའི་ཆུང་མ་གཉིས་ཀྱིས་ཁོང་ཉིད་ཕེབས་པའི་སྒྲ་ཐོས་ནས་སྡོང་གསེབ་ཏུ་ཁོང་ལ་གཡོལ་བ༌རེད། 9དཀོན་མཆོག་ཡ་ཝཱེས་སྐྱེས་པ་དེ་ལ་ཁྱོད་གང་དུ་ཡོད་ཅེས་དྲིས་པ༌ན། 10ཁོ་ན༌རེ། ངས་ལྡུམ་རའི་ནང་ཁྱེད་ཀྱི་སྒྲ་ཐོས་པས་འཇིགས༌ཤིང༌། བདག་གི་ལུས་པོ་གཅེར་བུ་ཡིན་པས་སྦས་པ་ཡིན་ཞེས་སྨྲས༌སོ།། 11ཡང་ཁོང་གིས་འདི་སྐད༌དུ། ཁྱོད་ཀྱི་ལུས་གཅེར་བུ་ཡིན་པ་སུ་ཞིག་གིས་སྨྲས༌སམ། བདག་གིས་བཟའ་མི་རུང་བར་བཀའ་བསྒོས་པའི་ཤིང་ཏོག་དེ་ཟོས་སམ་ཞེས་དྲིས་པ༌ན། 12ཁོ་ན༌རེ། ཁྱེད་ཀྱིས་བདག་ལ་གནང་ཞིང་བདག་དང་འགྲོགས་པའི་བུད་མེད་དེས་ལྗོན་ཤིང་དེའི་ཤིང་ཏོག་བདག་ལ་སྤྲད་པས་ངས་ཀྱང་ཟོས་པ་ཡིན་ཞེས༌སྨྲས། 13དེ་ནས་དཀོན་མཆོག་ཡ་ཝཱེས་བུད་མེད་དེ་ལ་འདི་སྐད༌དུ། ཁྱོད་ཀྱིས་ཅི་ཞིག་བྱས་སམ་ཞེས་དྲིས་པ༌ལ། ཁོ་མོ་ན༌རེ། སྦྲུལ་གྱིས་བདག་ལ་བསླུ་བྲིད་བྱས་པས་བདག་གིས་ཟོས་པ་ཡིན་ཞེས་སྨྲས༌སོ།། 14དེ་ནས་དཀོན་མཆོག་ཡ་ཝཱེས་སྦྲུལ་ལ་འདི་སྐད༌དུ། ཁྱོད་ཀྱིས་ལས་དེ་བྱས་པའི་དབང་གིས་ཕྱུགས་ཟོག་དང་ས་སྟེང་གི་དུད་འགྲོ་ཐམས་ཅད་ལས་ཁྱོད་ལ་ལྷག་ཏུ་དམོད་པ་འཕོག་པ༌དང༌། ལྟོ་བས་འགྲོ་ཞིང་ནམ་ཡང་ས་རྡུལ་བཟའ་བར་གྱུར༌ཅིག 15བདག་གིས་ཁྱོད་དང་བུད་མེད་གཉིས༌དང༌། ཁྱོད་དང་བུད་མེད་གཉིས་ཀྱི་བུ་རྒྱུད་བར་ཕན་ཚུན་དགྲ་ཟླར་ལངས་པ༌དང༌། བུད་མེད་ཀྱི་བུ་རྒྱུད་དེས་#འདིར་བུད་མེད་ཀྱི་བུ་རྒྱུད་དེ་ཞེས་པ་ནི་དཀོན་མཆོག་གིས་མཛད་པའི་སྐྱེས་མ་ཧ་ཝཱའི་རིགས་རྒྱུད་ལས་འཁྲུངས་པའི་སྐྱབས་མགོན་གཙོ་བོ་ཡེ་ཤུ་ལ་གོ༌དགོས།ཁྱོད་ཀྱི་མགོ་བོ་རྨ་བར་བྱེད་པ༌དང༌། ཁྱོད་ཀྱིས་ཁོང་གི་རྐང་པའི་ཕྱི་རྟིང་རྨ་བར་བྱེད་ཅེས་གསུངས་པ༌དང༌། 16ཡང་ཁོང་གིས་བུད་མེད་ལ་འདི་སྐད༌དུ། བདག་གིས་ཁྱོད་ལ་མངལ་སྦྲུམ་པའི་སྡུག་བསྔལ་ཆེ་རུ་བསྐྱེད༌དེ། ཕྲུ་གུ་བཙའ་དུས་ཟུག་གཟེར་ཆེན་པོ་འབྱུང་བར་འགྱུར་ངེས༌སོ། །ཁྱོད་ནི་ཁྱོ་གར་ཞེན་ཅིང་ཆགས་པ༌དང༌། ཁྱོ་གས་ཁྱོད་ལ་དབང་བྱེད་པར་འགྱུར་ཞེས་གསུངས༌སོ།། 17ཡང་ཁོང་གིས་ཨ་དམ་ལ་འདི་སྐད༌དུ། ཁྱོད་ཀྱིས་བུད་མེད་ཀྱི་ངག་ལ་མཉན་པ༌དང༌། བདག་གིས་བཟའ་མི་རུང་ཞེས་སྨྲས་པའི་ལྗོན་ཤིང་དེའི་ཤིང་ཏོག་ཟོས་པའི༌ཕྱིར། ཁྱོད་ཀྱི་རྐྱེན་གྱིས་ས་སྟེང་དུ་དམོད་པ་འབྱུང༌ངོ༌། །ཁྱོད་ཀྱིས་ཇི་སྲིད་འཚོ་བའི་བར་དུ་ངལ་རྩོལ་བྱས་ན་ད་གཟོད་ས་ལས་ཁྱོད་ལ་ཁ་ཟས་འཐོབ་པར༌འགྱུར། 18ཁྱོད་ཀྱི་རྐྱེན་གྱིས་ས་གཞི་ལས་ཚེར་མ་དང་སྤྱང་ཚེར་སྐྱེ་བ༌དང༌། ཁྱོད་ཀྱིས་ས་ཞིང་གི་སྔོ་ཚལ་ཡང་བཟའ་བར༌འགྱུར། 19ཁྱོད་ཀྱིས་རང་ཉིད་ས་ལ་འཐིམ་པའི་བར་དུ་རྔུལ་ཆུ་མང་པོ་བཏོན་ན་ད་གཟོད་ལྟོ་བ་འགྲང་བར་འགྱུར༌ཏེ། ཁྱོད་ནི་ས་རྡུལ་ལས་བྱུང་བ༌དང༌། ཁྱོད་ས་རྡུལ་ཡིན་པས་སླར་ཡང་ས་རྡུལ་དུ་འགྱུར་བའི་ཕྱིར་ཡིན་ཞེས་གསུངས༌སོ།།
20དེ་ནས་ཨ་དམ་གྱིས་རང་གི་ཆུང་མའི་མིང་ལ་ཧ་ཝཱ་#ཧ་ཝཱ་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་སྐད་དོད་དེ་ཚེ་སྲོག་གི་དོན༌ཡིན།ཞེས་བཏགས༌སོ། །ཅིའི་ཕྱིར་ཞེ༌ན། ཁོ་མོ་ནི་མིའི་རིགས་ཀྱི་མ་ཡུམ་ཡིན་པའི་ཕྱིར༌རོ།། 21དེ་ནས་དཀོན་མཆོག་ཡ་ཝཱེས་ཨ་དམ་དང་ཁོའི་ཆུང་མ་གཉིས་ལ་ཀོ་བའི་གྱོན་པ་བཟོས་ནས་ལུས་ལ་བསྐོན༌ཏོ།། 22དཀོན་མཆོག་ཡ་ཝཱེས་འདི་སྐད༌དུ། ལྟོས༌དང༌། མི་དེ་ནི་ངེད་ཅག་དང་འདྲ་བར་གྱུར༌ཏེ་བཟང་ངན་ཤེས༌སོ། །ད་ལྟ་སླར་ཡང་ལག་པ་བརྐྱངས་ནས་ཚེ་སྲོག་གི་ལྗོན་ཤིང་གི་ཤིང་ཏོག་ཟོས༌ན། ནམ་ཡང་གསོན་པར་འགྱུར་ཞེས་གསུངས༌སོ།། 23དེའི༌ཕྱིར། དཀོན་མཆོག་ཡ་ཝཱེས་ཁོ་རང་ཨེ་དེན་ལྡུམ་ར་ནས་བཏོན༌ཏེ། སྔར་ཁོ་རང་མཛད་པའི་ས་དེ་རྨོ་བར་བཏང་བ༌དང༌། 24ཕྱིར་བསྐྲད་པའི་རྗེས༌སུ། ཨེ་དེན་ལྡུམ་རའི་ཤར་ཕྱོགས་སུ་ཀེ་རུབ་#ཀེ་རུབ་ཅེས་པ་ནི་དཀོན་མཆོག་གི་དྲུང་དུ་ཡོད་པའི་སེམས་ཉིད་ཀྱི་རིགས་ནུས་པ་ཁྱད་པར་ཅན་ཞིག༌ཡིན།མངགས་པ༌དང༌། ཕྱོགས་བཞིར་འཁོར་བའི་མེ་ཡི་རལ་གྲི་ཞིག་བཙུགས་པར་མཛད༌དེ། ཚེ་སྲོག་གི་ལྗོན་ཤིང་ཡོད་སར་འགྲོ་བའི་ལམ་དེ་བསྲུང་དགོས་པའི་ཕྱིར༌རོ།།
Zvasarudzwa nguva ino
བཀོད་པ། 3: NTB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.