Mapisarema 76
76
Kumutungamiriri wokuimba; nemitengeranwa. Pisarema raAsafi. Rwiyo.
1Mwari anozikanwa pakati paJudha;
Zita rake iguru pakati paIsiraeri.
2PaSaremiwo ndipo pane tabhenakeri yake,
NapaZioni ugaro hwake.
3Ndipo paakavhuna miseve youta;
Nenhoo, nomunondo, nokurwa.
4Imi munokubwinya, makanaka kwazvo,
Kupfuura makomo ezvakapambwa.
5Vakatsunga pamwoyo, vakapambwa,
vakavata hope dzavo;
Pakati pavarume vane simba hakuna akawana
maoko ake.
6Pakutuka kwenyu, Mwari waJakobho,
Ngoro nebhiza zvose zvinobatwa nehope dzorufu.
7Imi, iyemi, munofanira kutyiwa;
Ndianiko angamira pamberi penyu
kana matsamwa?
8Makanzwisa vanhu kutonga kwenyu
kuchibva kudenga;
Pasi pakatya, pakanyarara,
9Panguva yokumuka kwaMwari kuzotonga,
Kuti aponese vanyoro vose vapasi.
10Zvirokwazvo, kutsamwa kwavanhu kuchakurumbidzai;
Munozvisunga chiuno nokutsamwa kwakasara.
11Pikai, muripire Jehovha Mwari wenyu;
Vose vakamupoteredza ngavauye
nezvipo kuna iye anofanira kutyiwa;
12Iye achagura mweya yamachinda;
Anotyisa kwazvo madzimambo apasi.
Zvasarudzwa nguva ino
Mapisarema 76: SNA2002
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Shona Union Version 2002