Laoidhean 15

LAOIDH 15

Ecles. 9.4,5,6,10

1'Se nis an t‑àm bhi réidh ri Dia;

'S e nis an t‑àm thòirt géill do'n Triath;

Am feadh a mhaireas là nan gràs;

Feudaidh gach neach dol as o'n bhàs.

2'S i so an uair a sheachnadh truaigh',

'S a thabhairt nèimh a mach le buaidh;

So cothrom àigh, ta dian‑dhol seach,

Deanar deadh bhuil dheth leis gach neach.

3Is fios do'n bheò gu faigh e bàs

Air dìchuimhn' tha gach marbh an tràs:

An cuimhne dh'fhalbh, is dh'fhalbh an ainm,

Cha‑n aithnich'r iad, 's cha'n aithne dhoibh.

4Theirig an gràdh, is sguir am fuath,

'S tha'm farmad sìnte leo san uaigh;

Cha‑n eòl doibh ni sam bith fo'n ghréin;

An saothair sguir maraon riu féin.

5Dean dìchioll uime sin 'n a thràth,

Crioch a chur air saothair do làmh:

Oir saothair, seòl, no obair ghlic,

Cha deanar leat gu bràth fo 'n lic.

6San uaigh, do'm bheil sinn uile triall,

Maith'neas cha'n fhaigh, 's cha d'fhuaradh riamh;

Gun chaochla' bithidh cor gach neach

Gu àm d'a bhinne teachd a mach.

Zvasarudzwa nguva ino

Laoidhean 15: LSN1987

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Mavhesi emuBhaibheri Ane Mukurumbira kubva kuna
Laoidhean 15