Cakirok 5
5
Nyikway Adam
(1 Kigana 1:1-4)
1 #
Cak 1:27,28 Me nyingi nyikway Adam. (Munyo Were ocweyo nyatoro, ocweyo jo ma jocale go. 2#Mat 19:4; Mar 10:6Ocweyo jo ma cwo gi mon aka ocwoko jo ni ji). 3Munyo Adam jaoro 130 onywol rigo wode ma cale go, aka ocwoko nyinge ni Seth. 4Rumacen Adam okwo doko ma oro 800. Olimo nyithindho man 5aka otho munyo jaoro 930.
6Munyo Seth jaoro 105 onywol rigo wode Enos. 7Seth okwo doko ma oro 807. Olimo nyithindho man 8aka otho munyo jaoro 912.
9Munyo Enos jaoro piero abuŋwen, onywol rigo wode Kenan. 10Enos okwo doko ma oro 815. Olimo nyithindho man 11aka otho munyo jaoro 905.
12Munyo Enos jaoro piero abirio, onywol rigo wode Mahalalel. 13Kenan okwo doko ma oro 840. Olimo nyithindho man, 14aka otho munyo jaoro 910.
15Munyo Mahalalel jaoro piero aucel g'abic, onywol rigo wode Yared. 16Mahalalel doko okwo ma oro 830. Olimo nyithindho man 17aka otho munyo jaoro 895.
18Munyo Yared jaoro 162 onywol rigo wode Enoka. 19Yared doko okwo ma oro 800. Olimo nyithindho man 20aka otho munyo jaoro 962.
21Munyo Enoka jaoro piero aucel g'abic, onywol rigo wode Methusela. 22Enoka obedo iy'acel gi Were ma oro 300 aka olimo nyithindho man 23Go otundo oro 365 24#Ebu 11:5; Yud 1:14aka owotho gi Were to rwenyo, rupiri Were otero go.
25Munyo Methusela jaoro 187 onywol rigo wode Lamek. 26Methusela okwo doko ma oro 782. Olimo nyithindho man 27aka otho munyo jaoro 969.
28Munyo Lamek jaoro 182 onywol rigo wode 29aka owaco ni, “Wok i lowo ma Rwoth okwoŋo, nyathi me bino kelo riwan gonyirok wok kwoŋ tic mawan matek.” Ameno ocwoko nyinge ni Nowa.#5:29 Nowa Nyutho gonyirok 30Lamek okwo doko ma oro 595. Olimo nyithindho man 31aka otho munyo jaoro 777.
32Rumacen munyo Nowa jaoro 500 onywol rigo wote adek, Semu, Ham kodi Yafeth.
Zvasarudzwa nguva ino
Cakirok 5: DHOCDC
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dhopadhola DC Bible © Bible Society of Uganda, 2018.