Maraki Zviri mubhuku rino
Zviri mubhuku rino
Zita romuporofita Maraki rinoreva kuti “Mutumwa waMwari.” Maraki akanyora bhuku rake iri vanhu vadzoka kuutapwa kwavakanga vaendeswa naMwari. Rinoratidza kuti Temberi yomuJerusaremu yakanga yavakwa. Maraki aishandisa madzidzisiro ekatekisimo, yokubvunza mibvunzo achiipindura.
Chinangwa chikuru chaMaraki chaiva chokudzosera vapristi navanhu kuupenyu hwokutendeka kuna Mwari. Vapristi vakanga vasisaremekedzi Mwari. Vaipira kuna Mwari zvibayiro zvemhuka dzinorwara (1:8) nemipiro yezvinhu zvisina maturo (1:6–7) ndokusaka aiti chitendero chenyu chinorwara sokurwara kunoita mhuka dzamunopira kuna Mwari. Kuvanhu, Maraki anoti Mwari anovenga kurambana komurume nomukadzi wake (2:10; 15–16) uye haadi kuti muroorane nevechirudzi vanozokurasisai chitendero chenyu. Maraki ainge achiyeuchidza vanhu kudzokera kuchitenderano chavo naMwari. Kwokupedzisira anotsidzira vanhu kuti Mwari achavatumira Mesia (Kristu); asi asati avatumira Kristu, achatanga avatumira muporofita Eriya.
Aya ndiwo mamiriro akaita bhuku raMaraki
Chikomborero cheIsiraeri
Rudo rwaMwari kuvanhu vake (1:1–5)
Kuipa kworudzi (1:6—3:15)
Chitadzo chavapristi (1:6—2:9)
Chitadzo chavanhu (2:10—3:15)
Chitsidzo chaMwari (3:16—4:6)
Bhuku raMwari (3:16–18)
Kuuya kwaMesia (Kristu) (4:1–3)
Kuuya kwaEriya (4:4–6)
Zvasarudzwa nguva ino
Maraki Zviri mubhuku rino: SCLBD
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.