Nziyo 23
23
Rwiyo rwaDhavhidhi.
Mufudzi wakanaka
1TENZI ndiye mufudzi wangu
hapana chandinoshaya
2anondirarisa mumafuro manyoro.
Achinditungamirira kumvura inozorodza.
3Anondimutsiridza mwoyo
achinditungamirira munzira dzoururami
pamusana pezita rake.
4Kunyange ndikafamba mumupata
werima rakati kwirindindi#23:4 Kwirindindi: Mupata werima rakati kwirindindi. Vamwe vanoti mumupata wemumvuri werufu.
handingatyi chakaipa
nokuti imi muneni.
Tsvimbo yenyu nomudonzvo wenyu
zvinondinyaradza.
5Munondigadzirira tafura pamberi pangu
vavengi vangu vachiona,
munozora musoro wangu mafuta,
mukombe wangu unotofashukira.
6Chokwadi kunaka kwenyu nomwoyochena wenyu
zvicharamba zvineni upenyu hwangu hwose
uye ndichagara mumba maTENZI nokusingaperi.
Zvasarudzwa nguva ino
Nziyo 23: SCLBD
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.