Jobhu 33
33
Erihu anotsoropodza zvaitaurwa naJobhu
Kutirira nhema kunorevei?
1“Zvino iwe Jobhu
chinzwa zvandava kutaura
uteere zvose zvandichareva.
2Hezvo ndava kuzarura muromo wangu
rurimi rwangu rwava kutaura mukanwa mangu.
3Zvandinotaura zvinobva mukutendeseka
kwemwoyo wangu.
Miromo yangu ichataura iri pachokwadi zvandinoziva
4nokuti Mweya waMwari ndiwo wakandisika
femo raSamasimba ndiro rakandipa upenyu.
5Kana muchikwanisa ndipindurei
nyatsondirongerai mashoko enyu.
6Chizvigadzirirai pana Mwari ndakangoitawo semi
kana neniwo ndaiumbwa nevhu.
7Saka hamuna chokunditya
uye kwandiri hapana chingakuremerei.
Kuzvipembedza imhosva
8“Ndakunzwai imi muchitaura ndichinzwa,
ndatonzwa ini maungira amazwi enyu
9muchiti ndakachena ini handina chikanganiso.
Ndakachena handina mhosva yandinayo
10asi Mwari anondipomera mhosva
anondiona semhandu yake.
11Anondisungirira makumbo mumatanda
achindigaririra munzira dzose.
12Mhinduro yandinokupai#33:12 Mhinduro yandinokupai: ChiHebheru mhinduro yenyu. ndeyokuti
munaizvozvi hamuna imi kururama
Mwari mukuru kune munhu wose.
13Munoitirei nharo naye muchiti
haasikupindura zvose zvandiri kutaura.
Matauriro aMwari
14“Mwari anomboti taurei odzokororazve kaviri kaviri
kunyange munhu asingazvioni.
15Anogona kutaura muchiroto
kana muchioneso chousiku
munhu akabatwa chaizvo nehope
achikotsira pauriri hwake.
16Ndipo paanozarura vanhu nzeve
obva aona kuti chaanoda kuti
vadziidze vachidzidza,
17kuti munhu apinduke pane zvaanenge achiita
uye kuti munhu arege kuzvikudza.
18Anodzivirira munhu kuwira mugomba
uye kubaiwa nepfumo.
19Mumwewo anomutsiura nokumurwadzisa pabonde
nemapfupa anoramba achingogweda
20zvokuti chokudya chinosvibisa mwoyo
uye anosema machikichori.
21Anoonda zvokusara asisaoneki nyama
mapfupa akanga asingaoneki
achiti pachena charavanda.
22Anenge oswedera kuguva
uye upenyu hwake hwoswedera kuna vanouraya.
23Dai kuri kuti pane mutumwa,
mumiriri kudivi kwake mumwechete pakati pechiuru,
kutsanangurira munhu zvakamunakira.
24Zvino anomunzwira urombo oti
mununurei arege kuwira mugomba,
ndawana chokumununura nacho.
25Nyama yake angaiite zvayo seyapauduku
adzokere kusimba rake rouduku.
26Ipapo munhu achanyengetera kuna Mwari
Mwari agofadzwa naye
munhu anouya kwaari norufaro
Mwari achimudzorera ururami hwake.
27Ndopaachaita zvokuimba kwazvo
kuvanhu achiti,
‘Ndakatadza ini ndikaipisa zvakarurama
asi handina kuzvirangirwa.
28Akandinunura kuti ndirege kuenda mugomba
upenyu hwangu huchaona chiedza.’
Chinangwa chaMwari
29“Chionaika kuti Mwari anoita izvozvi zvose
kumunhu kaviri kaviri kana katatu.
30Kuti adzose mweya wake
kugomba kuya kuti awane chiedza chavapenyu.
31Zvino iwe Jobhu teerera
undinzwe, umbonyarara nditaurewo.
32Kana une chokutaura ndipindure
taura nokuti
chandinoda kuti iwe unzi wakarurama.
33Kana pasina, wochimbonditeererawo
wombonyarara zvako ndimbokudzidzisa ungwaru.”
Zvasarudzwa nguva ino
Jobhu 33: SCLB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.
Jobhu 33
33
Erihu anotsoropodza zvaitaurwa naJobhu
Kutirira nhema kunorevei?
1“Zvino iwe Jobhu
chinzwa zvandava kutaura
uteere zvose zvandichareva.
2Hezvo ndava kuzarura muromo wangu
rurimi rwangu rwava kutaura mukanwa mangu.
3Zvandinotaura zvinobva mukutendeseka
kwemwoyo wangu.
Miromo yangu ichataura iri pachokwadi zvandinoziva
4nokuti Mweya waMwari ndiwo wakandisika
femo raSamasimba ndiro rakandipa upenyu.
5Kana muchikwanisa ndipindurei
nyatsondirongerai mashoko enyu.
6Chizvigadzirirai pana Mwari ndakangoitawo semi
kana neniwo ndaiumbwa nevhu.
7Saka hamuna chokunditya
uye kwandiri hapana chingakuremerei.
Kuzvipembedza imhosva
8“Ndakunzwai imi muchitaura ndichinzwa,
ndatonzwa ini maungira amazwi enyu
9muchiti ndakachena ini handina chikanganiso.
Ndakachena handina mhosva yandinayo
10asi Mwari anondipomera mhosva
anondiona semhandu yake.
11Anondisungirira makumbo mumatanda
achindigaririra munzira dzose.
12Mhinduro yandinokupai#33:12 Mhinduro yandinokupai: ChiHebheru mhinduro yenyu. ndeyokuti
munaizvozvi hamuna imi kururama
Mwari mukuru kune munhu wose.
13Munoitirei nharo naye muchiti
haasikupindura zvose zvandiri kutaura.
Matauriro aMwari
14“Mwari anomboti taurei odzokororazve kaviri kaviri
kunyange munhu asingazvioni.
15Anogona kutaura muchiroto
kana muchioneso chousiku
munhu akabatwa chaizvo nehope
achikotsira pauriri hwake.
16Ndipo paanozarura vanhu nzeve
obva aona kuti chaanoda kuti
vadziidze vachidzidza,
17kuti munhu apinduke pane zvaanenge achiita
uye kuti munhu arege kuzvikudza.
18Anodzivirira munhu kuwira mugomba
uye kubaiwa nepfumo.
19Mumwewo anomutsiura nokumurwadzisa pabonde
nemapfupa anoramba achingogweda
20zvokuti chokudya chinosvibisa mwoyo
uye anosema machikichori.
21Anoonda zvokusara asisaoneki nyama
mapfupa akanga asingaoneki
achiti pachena charavanda.
22Anenge oswedera kuguva
uye upenyu hwake hwoswedera kuna vanouraya.
23Dai kuri kuti pane mutumwa,
mumiriri kudivi kwake mumwechete pakati pechiuru,
kutsanangurira munhu zvakamunakira.
24Zvino anomunzwira urombo oti
mununurei arege kuwira mugomba,
ndawana chokumununura nacho.
25Nyama yake angaiite zvayo seyapauduku
adzokere kusimba rake rouduku.
26Ipapo munhu achanyengetera kuna Mwari
Mwari agofadzwa naye
munhu anouya kwaari norufaro
Mwari achimudzorera ururami hwake.
27Ndopaachaita zvokuimba kwazvo
kuvanhu achiti,
‘Ndakatadza ini ndikaipisa zvakarurama
asi handina kuzvirangirwa.
28Akandinunura kuti ndirege kuenda mugomba
upenyu hwangu huchaona chiedza.’
Chinangwa chaMwari
29“Chionaika kuti Mwari anoita izvozvi zvose
kumunhu kaviri kaviri kana katatu.
30Kuti adzose mweya wake
kugomba kuya kuti awane chiedza chavapenyu.
31Zvino iwe Jobhu teerera
undinzwe, umbonyarara nditaurewo.
32Kana une chokutaura ndipindure
taura nokuti
chandinoda kuti iwe unzi wakarurama.
33Kana pasina, wochimbonditeererawo
wombonyarara zvako ndimbokudzidzisa ungwaru.”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.