Nziyo 113
113
Kurumbidza Mwari wakanaka
1Areruya.
Imi varanda vaTENZI rumbidzai,
rumbidzai zita raTENZI.
2Zita raTENZI ngarirumbidzwe
kubvira zvino kusvikira nokusingaperi.
3Kubvira pakubuda kwezuva
kusvika pakudoka kwaro,
zita raTENZI ngarirumbidzwe.
4TENZI ari pamusoro pamarudzi ose
mbiri yake inorumbidzwa
kumusoro kwamatenga.
5Ndiani akaita saTENZI Mwari wedu
kumusoro ndokwaagere?
6Anotoita zvokukotamira pasi
kuti aone matenga napasi.
7Anobvisa varombo muhuruva
achisimudza vasina chavanacho kubva mudota
8achivagarisa namachinda,
namachinda avanhu vake.
9Anopa mudzimai asina mbereko musha
achimuita amai vavana vanofara.
Areruya.
Zvasarudzwa nguva ino
Nziyo 113: SCLB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Shona Common Language Bible © Bible Society of Zimbabwe, 2008.