လံာ်စီၤမိၤရှ့အခီၣ်ထံးတဘ့ၣ်. ၃
၃
1ဒီးတၢ်လၢဂုၢ်န့ၣ် ကူၣ်တၢ်သ့န့ၢ်ကယဲၢ်ဆၣ်ဖိကီၢ်ဖိ လၢပှၢ်လၢ်ကျါလၢကစၢ်ယွၤတ့လီၤအီၤန့ၣ်တက့ၢ်လီၤ. ဒီးစံးဘၣ်ပိာ်မုၣ်န့ၣ်, ကယဲၢ်သ့ၣ်အိၣ်လၢတၤသၣ်အ လီၢ်ပူၤတထံးလၢ်လၢ်န့ၣ်ယွၤမၤလိာ်သု, အီၣ်အီၤတဂ့ၤ န့ၣ်, သပှၢ်တၢၢ်ဧါ. 2ဒီးပိာ်မုၣ်စံးဘၣ်အီၤ, သ့ၣ်အ သၣ်လၢတၤသၣ်အလီၢ်ပူၤန့ၣ်, ပအီၣ်ဘၣ်သၢၣ်. 3မ့ မ့ၢ်သ့ၣ်အိၣ်လၢတၤသၣ်အလီၢ်အသးကံၢ်ပူၤတထံးန့ၣ်, ယွၤစံးဝဲဒၣ်, အီၣ်အီၤတဂ့ၤ, ထိးအီၤတဂ့ၤ, သုကသံ ဘၣ်ဖုးလီၤ.
4ဒီးဂုၢ်န့ၣ်စံးဘၣ်ပိာ်မုၣ်, သုတသံဒီးသုတသံဘၣ်ဘၣ် လီၤ. 5မ့ၢ်ယွၤသ့ၣ်ညါလၢမုၢ်တနံၤလၢသုအီၣ်အီၤန့ၣ် သုမဲာ်ကအိးထီၣ်အသး, ဒီးသုကလီၤဂာ်ဒီးယွၤ, ဒီး ကသ့ၣ်ညါတၢ်ဂ့ၤဒီးတၢ်အၢန့ၣ်လီၤ.
6ဒီးပိာ်မုၣ်န့ၣ်ထံၣ်ဘၣ်ဝဲလၢ သ့ၣ်တထံးန့ၣ်ဂ့ၤဝဲလၢ တၢ်အီၣ်အဂီၢ်, ဒီးဃံလၤဝဲလၢပမဲာ်အဂီၢ်, ဒီးတၢ်မုာ် လၤအသ့ၣ်တထံးလၢတၢ်ဒုးကူၣ်သ့တၢ်အဂီၢ်ဒီး, ဟံး န့ၢ်အသၣ်, ဒီးအီၣ်ဝဲ, ဒီးဟ့ၣ်စ့ၢ်ကီးအဝၤအိၣ်ဒီးအီၤ, ဒီးအဝဲဒၣ်အီၣ်ဝဲလီၤ. 7ဒီးပှၤခံဂၤန့ၣ်အမဲာ်အိးထီၣ်အ သး, ဒီးသ့ၣ်ညါလၢအအိၣ်ဘ့ၣ်ဆ့, ဒီးဆးပကိာ်ထီၣ် ချၢၣ်ဒၢအလၣ်, ဒီးမၤယီၢ်တကိးလၢအဂီၢ်လီၤ.
8ဒီးနၢ်ဟူကစၢ်ယွၤ အကလုၢ်ဟဲလၢတၤသၣ်အလီၢ်, လၢမုၢ်ခုၣ်လီၤအကတီၢ်, ဒီးပိာ်ခွါဒီးအမါပာ်တဒၢအ သးဒီးကစၢ်ယွၤအမဲာ်, လၢသ့ၣ်ကျါလၢတၤသၣ်အ လီၢ်အသးကံၢ်ပူၤန့ၣ်လီၤ.
9ဒီးကစၢ်ယွၤကိးထီၣ်ပိာ်ခွါ, ဒီးစံးဘၣ်အီၤ, နအိၣ်ဖဲ လဲၣ်ခီလဲၣ်. 10ဒီးအဝဲဒၣ်စံး, ယနၢ်ဟူနကလုၢ်လၢတၤ သၣ်အလီၢ်ပူၤန့ၣ်, ဒီးမ့ၢ်ယအိၣ်ဘ့ၣ်ဆ့ဒီး, ယပျံၤတၢ်, ဒီးယပာ်တဒၢယသးလီၤ.
11ဒီးအဝဲဒၣ်စံး, မ့ၢ်မတၤဒုးနဲၣ်နၤလၢနအိၣ်ဘ့ၣ်ဆ့တ ဂၤလဲၣ်. သ့ၣ်တထံးလၢယမၤလိာ်နၤ, အီၣ်အသၣ်တ ဂ့ၤန့ၣ်, နအီၣ်လံဧါ.
12ဒီးပိာ်ခွါန့ၣ်စံးဝဲဒၣ်, ပိာ်မုၣ်လၢနဟ့ၣ်အိၣ်ဒီးယၤတ ဂၤန့ၣ်ဟ့ၣ်ယၤလၢသ့ၣ်အသၣ်န့ၣ်,ဒီးယအီၣ်ဘၣ်လီၤ.
13ဒီးကစၢ်ယွၤစံးဘၣ်ပိာ်မုၣ်, တၢ်အံၤလၢနမၤန့ၣ်မ့ၢ်မ နုၤတမံၤလဲၣ်. ဒီးပိာ်မုၣ်စံးဝဲဒၣ်, မ့ၢ်ဂုၢ်လီန့ၢ်ယၤဒီး, ယအီၣ်ဘၣ်လီၤ.
14ဒီးကစၢ်ယွၤစံးဘၣ်ဂုၢ်န့ၣ်, မ့ၢ်နမၤတၢ်အံၤဒီး,နဘၣ် ဆိၣ်အၢနးန့ၢ်ဆၣ်ဧိၤကီၢ်ဧိၤအဒၢ, ဒီးဆၣ်ဧိၤကီၢ်ဧိၤအ မံၤလၢပှၢ်လၢ်ကျါခဲလၢာ်တက့ၢ်လီၤ. နဘၣ်ဟးလၢန ဟၢဖၢ, ဒီးနဘၣ်အီၣ်ဟီၣ်ခိၣ်အကမူၣ်မုၢ်နံၤလၢနမူခဲ လၢာ်လီၤ. 15ဒီးယကဒုးထီဒုၣ်ထီဒါလိာ်နသးဒီးပိာ်မုၣ်, ဒီးနချံနသၣ်ဒီးပိာ်မုၣ်အချံအသၣ်န့ၣ်လီၤ. အဝဲဒၣ်က မၤသဘှံးနခိၣ်, ဒီးနကမၤသဘှံးအခီၣ်နၢၣ်ခံလီၤ.
16ဒီးစံးဘၣ်ပိာ်မုၣ်န့ၣ်, နဒၢထီၣ်ဒီးတၢ်ဆိးကဲးန့ၣ်ယ ကမၤအါထီၣ်အါအါကလဲာ်, ဒီးနကဆံးစၢ်န့ၢ်နဖိဒီး နသူၣ်အုးသးအုးလီၤ. ဒီးနကသန့ၤနသးလၢနဝၤ, ဒီး အဝဲဒၣ်ကပၢနၤလီၤ.
17ဒီးစံးဘၣ်ပိာ်ခွါန့ၣ်, မ့ၢ်နဒိကနၣ်နမါအကလုၢ်ဒီး အီၣ်သ့ၣ်သၣ်လၢယမၤလိာ်နၤ အီၣ်အီၤတဂ့ၤန့ၣ်ဒီး, ဟီၣ်ခိၣ်ဘၣ်ဆိၣ်အၢလၢနဃိလီၤ. နကအီၣ်တၢ်ဘၣ် ဃးဒီးအီၤအိၣ်ဒီးတၢ်ဘၣ်ကိၢ်ဘၣ်ဂီၤ, မုၢ်နံၤလၢနမူခဲ လၢာ်လီၤ. 18တၤဆှုၣ်တၤမဲဒီးနီၣ်ဧိၤမံၤဧိၤန့ၣ်ကမဲထီၣ် န့ၢ်လၢနဂီၢ်, ဒီးနကအီၣ်ဘုဧိၤဟုဧိၤလၢတၢ်ပျီပူၤလီၤ. 19နကအီၣ်တၢ်ဒီးနမဲာ်ကပၢၤန့ၣ် တုၤနက့ၤက့ၤဆူဟီၣ် ခိၣ်လာ်လီၤ. အဂ့ၢ်ဒ်အံၤတၢ်ဟံးန့ၢ်နၤလၢအီၤလီၤ.အ ဂ့ၢ်ဒ်အံၤ, နမ့ၢ်ဟီၣ်ခိၣ်ကမူၣ်, ဒီးနကက့ၤဆူဟီၣ်ခိၣ် ကမူၣ်လီၤ.
20ဒီးစီၤအၤဒၣ်ယုၢ်အမါ အမံၤလၢနီၢ်အံၣ်အုလီၤ. အ ဂ့ၢ်ဒ်အံၤ, မ့ၢ်ကယဲၢ်ပှၤမူခဲလၢာ်အမိၢ်လီၤ. 21ဒီးကစၢ် ယွၤမၤဆ့တၢ်ဖံးလၢစီၤအၤဒၣ်အဂီၢ်, ဒီးလၢအမါအဂီၢ်, ဒီးဒုးကူဒုးသိးအီၤလီၤ.
22ဒီးကစၢ်ယွၤစံးဝဲဒၣ်, ကွၢ်ကွၢ်, ပှၤကညီကဲထီၣ်လံ ဒ်ပှၤတဂၤလၢပကျါအသိး, လၢအသ့ၣ်ညါတၢ်ဂ့ၤဒီး တၢ်အၢလီၤ. ဒီးခဲကနံၣ်အံၤကယူာ်ထီၣ်ဘၣ်ဖုးအစု,ဒီး ဟံးန့ၢ်စ့ၢ်ကီး သ့ၣ်မူအသၣ်, ဒီးမူဝဲလီၤထူလီၤယိာ် လီၤ. 23ဒီးကစၢ်ယွၤဒုးဟးထီၣ်ကွံာ်အီၤလၢဧ့ၤဒ့ၣ်တၤ သၣ်အလီၢ် ဒ်သိးအကမၤဟီၣ်ခိၣ်လၢတၢ်ဟံးထီၣ်အီၤ လၢအပူၤလီၤ.
24ဒီးဟီထီၣ်ကွံာ်ပှၤကညီ, ဒီးပာ်ခ့ရူာ်တဖၣ်လၢဧ့ၤဒ့ၣ် တၤသၣ်အလီၢ်မုၢ်ထီၣ်တခီ, ဒီးနးမ့ၣ်အူလၢအတရံး အသးကိးခီဒဲးဒ်သိးအကပၢၤသ့ၣ်တၢ်မူအကျဲလီၤ.
Zvasarudzwa nguva ino
လံာ်စီၤမိၤရှ့အခီၣ်ထံးတဘ့ၣ်. ၃: KSWM
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Sgaw Mason Bible © Bible Society of Myanmar, 1853.