Jẹnẹsis 39
39
Josẹf kugbe Aye ri Potifa
1Vwẹ ọke nana a da reyọ Josẹf vwo kpo Ijipt, kọye Potifa, onotu ri Fero, olori rẹ ihwo re rhẹrẹ, okpuyovwi rọye ohwo rẹ Ijipt, da dẹ mie ihwo rẹ Ishmael ri ghoro rhe. 2Ọrovwohwo vi Josẹf herọ, ọ da rhe dia omamọ rẹ ohwo kẹ uwevwi rẹ onini rọye rẹ ohwo rẹ Ijipt na. 3Onini rọye da mrẹ vughe nẹ Ọrovwohwo vọye herọ, nẹ Ọrovwohwo re jabọ rẹ obo rọye ruẹ ejobi vwo yovwi kẹ. 4Kọye ọ da vwẹ aruesiri vwo ni Josẹf ọ da vwẹ ẹro te, o de vwo mu osun rẹ uwevwi rọye kugbe emu ro vwori ejobi. 5Ghwe ne ọke re vwo mu osun rẹ uwevwi rọye kugbe obo ro vwori ejobi, Ọrovwohwo de bruphihọ uwevwi rẹ ohwo rẹ Ijipt na fiki ri Josẹf, ebruphihọ rẹ Ọrovwohwo da enu rẹ emu ro vwori ejobi, te uwevwi te ẹghwa. 6Kọye ọ da yan jobo ro vwori ejobi vwo ki Josẹf, ro vwo jẹn ayen vwo kẹ nu ọ gbe ro ẹnwa rẹ emuọvo jokpa re obo rọ ria ọvo. Josẹf re dje na ohwo erhuvwu gangan. 7Ọmọke vwọ wan nure aye rẹ onini rọye na kọ vwẹ ẹro guọnọ Josẹf, ọ da ta, Mọ ra vwerhẹ. 8Ẹkẹvuọvo ọ da se ọ da ta kẹ aye rẹ onini rọye na, Nighe, Me vwọ herọ na onini mẹ gbe ro ẹnwa rẹ emuọvo-o, o de phi kemu kemu na ejobi phihọ ovwẹ obọ. 9Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ. 10Dede na ọ ta ki Josẹf kẹdẹ kẹdẹ na, jẹn ọ davwerhọ rọye-e, ro vwo nene shevwerhẹ eyẹ ro vwo si kẹrẹ-ẹ. 11Ẹkẹvuọvo ẹdẹ ọvo, ri Josẹf vwọ ro uwevwi re ru iruo re jẹn ohwo ọvuọvo uwevwi-i. 12O de shabọ phihọ ewun rọye, tanẹ, Mọ ra vwerhẹ Ẹkẹvuọvo ọ da djẹ je ewun rọye vwo kẹ, ọ da djẹ ro otafe nẹ evun rẹ uwevwi na. 13Rọ vwọ mrẹ nẹ Josẹf djẹ jẹ ewun rọye vwo kẹ rọ da dje ro otafe, 14o de se ihwo rẹ uwevwi na rhe ọ da ta kẹ ayen, No, ọshare mẹ reyọ ohwo ri Hibru rhe ohri rẹ avwanre re ọ rhe phọphọ avwanre; o de bru vwe rhe ri sherhẹ, Mi de kperi gangan, 15ọke ro vwo nyo nẹ mi bunu, ọ da yan jẹ ewun rọye vwo kẹ vwẹ, ọ da djẹ nẹ uwevwi ro otafe. 16O de si ewun na nu bẹsiẹ rẹ onini rọye vwọ rhe uwevwi, 17o de gbe ikun ọvuọvo na kẹ tanẹ, Odibo rẹ ohwo ri Hibru ru wọ reyọ rhe ohri rẹ avwanre, o de bru vwe rhe re phọphọ ovwẹ; 18Ẹkẹvuọvo Me ghwa vwọ kpare urhuru mi che vwo bunu, ọ da yan je ewun rọye vwo kẹ vwẹ, ọ da djẹ ruafe.
19Ọke rẹ onini rọye vwo nyo eta rẹ aye rọye ta kẹ, Ọnana obo rẹ odibo wẹn phọphọ ovwẹ, ophu de muo gangan. 20Onini ri Josẹf ghwa reyọ o de re muo phihọ uwodi, asan ra da karọ ekru rẹ ovie, kẹ Etiyin a kaerọ phihọ. 21Ẹkẹvuọvo Ọrovwohwo vi Josẹf herọ ivun rọye da vwerhọ, ọ da vwẹ aruesiri kẹ vwẹ obaro rẹ olori rẹ uwodi na. 22Olori rẹ uwodi na da vwi kemu kemu rẹ uwodi na ejobi te ihwo vwọ kẹ Josẹf yọnre, obo re ruru ejobi ọye ri ru ayen. 23Olori rẹ uwodi na rha davwerhọ rẹ obo ra vwọ kẹ Josẹf yọnre na-a, kidie Ọrovwohwo vọye herọ; kemu kemu ro ruru ejobi, Ọrovwohwo da nẹrhẹ oyovwi.
Zvasarudzwa nguva ino
Jẹnẹsis 39: UBV77
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible in Urhobo © United Bible Societies, 1977.
Jẹnẹsis 39
39
Josẹf kugbe Aye ri Potifa
1Vwẹ ọke nana a da reyọ Josẹf vwo kpo Ijipt, kọye Potifa, onotu ri Fero, olori rẹ ihwo re rhẹrẹ, okpuyovwi rọye ohwo rẹ Ijipt, da dẹ mie ihwo rẹ Ishmael ri ghoro rhe. 2Ọrovwohwo vi Josẹf herọ, ọ da rhe dia omamọ rẹ ohwo kẹ uwevwi rẹ onini rọye rẹ ohwo rẹ Ijipt na. 3Onini rọye da mrẹ vughe nẹ Ọrovwohwo vọye herọ, nẹ Ọrovwohwo re jabọ rẹ obo rọye ruẹ ejobi vwo yovwi kẹ. 4Kọye ọ da vwẹ aruesiri vwo ni Josẹf ọ da vwẹ ẹro te, o de vwo mu osun rẹ uwevwi rọye kugbe emu ro vwori ejobi. 5Ghwe ne ọke re vwo mu osun rẹ uwevwi rọye kugbe obo ro vwori ejobi, Ọrovwohwo de bruphihọ uwevwi rẹ ohwo rẹ Ijipt na fiki ri Josẹf, ebruphihọ rẹ Ọrovwohwo da enu rẹ emu ro vwori ejobi, te uwevwi te ẹghwa. 6Kọye ọ da yan jobo ro vwori ejobi vwo ki Josẹf, ro vwo jẹn ayen vwo kẹ nu ọ gbe ro ẹnwa rẹ emuọvo jokpa re obo rọ ria ọvo. Josẹf re dje na ohwo erhuvwu gangan. 7Ọmọke vwọ wan nure aye rẹ onini rọye na kọ vwẹ ẹro guọnọ Josẹf, ọ da ta, Mọ ra vwerhẹ. 8Ẹkẹvuọvo ọ da se ọ da ta kẹ aye rẹ onini rọye na, Nighe, Me vwọ herọ na onini mẹ gbe ro ẹnwa rẹ emuọvo-o, o de phi kemu kemu na ejobi phihọ ovwẹ obọ. 9Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ. 10Dede na ọ ta ki Josẹf kẹdẹ kẹdẹ na, jẹn ọ davwerhọ rọye-e, ro vwo nene shevwerhẹ eyẹ ro vwo si kẹrẹ-ẹ. 11Ẹkẹvuọvo ẹdẹ ọvo, ri Josẹf vwọ ro uwevwi re ru iruo re jẹn ohwo ọvuọvo uwevwi-i. 12O de shabọ phihọ ewun rọye, tanẹ, Mọ ra vwerhẹ Ẹkẹvuọvo ọ da djẹ je ewun rọye vwo kẹ, ọ da djẹ ro otafe nẹ evun rẹ uwevwi na. 13Rọ vwọ mrẹ nẹ Josẹf djẹ jẹ ewun rọye vwo kẹ rọ da dje ro otafe, 14o de se ihwo rẹ uwevwi na rhe ọ da ta kẹ ayen, No, ọshare mẹ reyọ ohwo ri Hibru rhe ohri rẹ avwanre re ọ rhe phọphọ avwanre; o de bru vwe rhe ri sherhẹ, Mi de kperi gangan, 15ọke ro vwo nyo nẹ mi bunu, ọ da yan jẹ ewun rọye vwo kẹ vwẹ, ọ da djẹ nẹ uwevwi ro otafe. 16O de si ewun na nu bẹsiẹ rẹ onini rọye vwọ rhe uwevwi, 17o de gbe ikun ọvuọvo na kẹ tanẹ, Odibo rẹ ohwo ri Hibru ru wọ reyọ rhe ohri rẹ avwanre, o de bru vwe rhe re phọphọ ovwẹ; 18Ẹkẹvuọvo Me ghwa vwọ kpare urhuru mi che vwo bunu, ọ da yan je ewun rọye vwo kẹ vwẹ, ọ da djẹ ruafe.
19Ọke rẹ onini rọye vwo nyo eta rẹ aye rọye ta kẹ, Ọnana obo rẹ odibo wẹn phọphọ ovwẹ, ophu de muo gangan. 20Onini ri Josẹf ghwa reyọ o de re muo phihọ uwodi, asan ra da karọ ekru rẹ ovie, kẹ Etiyin a kaerọ phihọ. 21Ẹkẹvuọvo Ọrovwohwo vi Josẹf herọ ivun rọye da vwerhọ, ọ da vwẹ aruesiri kẹ vwẹ obaro rẹ olori rẹ uwodi na. 22Olori rẹ uwodi na da vwi kemu kemu rẹ uwodi na ejobi te ihwo vwọ kẹ Josẹf yọnre, obo re ruru ejobi ọye ri ru ayen. 23Olori rẹ uwodi na rha davwerhọ rẹ obo ra vwọ kẹ Josẹf yọnre na-a, kidie Ọrovwohwo vọye herọ; kemu kemu ro ruru ejobi, Ọrovwohwo da nẹrhẹ oyovwi.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible in Urhobo © United Bible Societies, 1977.