Halloo 12
12
Doono Yeeri Abraamin Ceego
1Ikke areddoon Doono Yeeri Abraamich ishichiye: āNe showoochee, ne xibeenaźo waanee, ne nihoo kexoochee keyiree, neech ta bekkiyemmi showooch hambe.
2āMeeti shiijjereenaźon neech ta imaa,
boonoshiyoo aricheti aagetoon tunemminaźone.
Neen diiremmo taane;
ne shigoonoo aricheto tuniyemmo taane.
Ebich meeti asheenaźo neenna diireyemminaźone.
3Neen diirimmon diiremmo taane;
neen uppimmon uppemmo taane;
showee toommooch beeti ashi yareenaźo bulli
neenna diireyemminaźoneā iye.
4Abraamiyoo Doono Yeeri biich bi gettitoommon, Karaanee tiyii hammiye; Looxiyoo biinna tookkii hammiye. Ebiyooba Abraami shabaa uuche nati ashoone. 5Abraamiyoo bi mechee Saarayin, bi manoochi bushoo Looxin, boonoshi gijjoonaa Karaanaa boonoshi daneti guuninaźo bulloshinon yechiźi tiyiye; boonoshiyoo Kanaanee showooch qaxiriyeete.
Kanaanee showooch shaggiźi, 6Abraami Shekeem beeti Mooreehi gorooch beddaahaa, besheźi hammiye. Ebiyooba Kanaaneenaźo ebi are showooch beeheete. 7Doono Yeeri Abraamich bekkeźi, āHini showoon ne yaroyich immemmo taaneā iye. Ebich Abraami biich bekketi Doono Yeerich goyinneya, are xaaźooch deejjee gudoon shuunehe.
8Aroochee tiyiźi, Beeteelaa aabi-keyo waan, guudinaźo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiźi, bi duukkaanoon xogiye. Aroochaanoo wotta deejjee gudoon shuuneźi, Doono Yeerich goyinnehe. 9Abraami aroochee tiyiźi qaxiriibee, Negeebi barahoo waan hammiye.
Abraami Gibits Hamo
10Arooba Kanaanee showooch shaacoo giyiye. Giidechi shaacoo giyitoyich, Abraami ebi shaacoo beshemmi wottoon koteya desh, Gibits hammiye. 11Gibitsee showooch giya katinniichii, bi mechee Saarayich ishichiye: āIkke mooyon neech getone; mallet gaawe ne tunoon ariibeeto taane. 12Gibitsee asheenaźo neen beegiree, āBi mecheeneā getiree taan wuxiichi kashoona ne beeyemmoyich neen tuniyemminaźone. 13Ebich ne naboona taach bi gaawemmonaa ta kasho wodemmonoyich, āBi manee taaneā geteā iye.
14Abraami Gibits bi shaggiyooba, Gibitsee asheenaźo Saarayi oogeton mallet gaawe ure bi tunoon beeggiyeete. 15Faroonichi iraasheenaźo beeggiźi, ureen Farooni aafoochaa worganee naadiyeete; ebina ureen taatoochi mechee bi tunemmoyich, bi kexooch daammiyeete. 16Taatoo ureechi naboona Abraamich gaawe mooyon tuniihe; biichoo bageenaźon, miiminaźon, kureenaźon, gaaleenaźon, wotta gonneenaźonaa guuninaźonon immiye.
17Tunebaani Doono Yeeri Abraami mechee Saarayichi naboyich Farooninaa bi kexeexi asheenaźo bullinon ooge naxoona yexxiye. 18Ebich Farooni Abraamin ceekkiiźi ishichiye: āEbi shaahe mooyon amoyich ta toommooch tuniinne? Ne mechee bi tunoon amoyich taach getaachine? 19āTa maneeneā iyaźa shaagga ta daammemmoyich amoyich tuniinne? And illa ebeege ne mechee; yeshi hambeā iye. 20Aroochee Farooni bi asheenaźo Abraamin boonoshi kichi daachiyemmoyich gettiye. Boonoshiyoo Abraamin, bi mecheenaa biich beeto bullinon Gibitsee kichii daachiiheete.
Zvasarudzwa nguva ino
Halloo 12: KBRC
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
SIM International, 2020.