Aramid 3
3
To lugpi nga napadalan
1Iya isa nga algew itun, nawe̍ de̍ Pe̍dru nge̍ Juan iya Te̍mplu iya alas tre̍s iya gidam, ta itu ya uras nga panagkararag diya Hudyu. 2Uwed isa nga gagayangan niya Te̍mplu nga maawagan ka Napaw-is nga Gagayangan, ket itu ya edyan niya isa nga lalaki nga lugpi. Ket lugpi yani nanipud iya pannakaiyanac na. Naagtu nga inalgew nga naipen antuni tasun makilimus kadiya toley nga lumnec iya Te̍mplu. 3Ket ito nasingen nito lugpi de̍ Pe̍dru nge̍ Juan nga lumnec kuma iya Te̍mplu win, nakilimus ngarud igida. 4Ket de̍ Pe̍dru nge̍ Juan, binubuteg da to lugpi, nga kinunen ne̍ Pe̍dru igina, “Singen nakami kad,” kunen na.
5Ket simingen ngarud to lugpi igida, ta nipagarup na no e̍cdan da ka kuwarta. 6Ngem kinunen ne̍ Pe̍dru, “Awan met kuwartac. Ngem ya uwed iyaken, itu win ya itulung ku ikew. Ket gapu iya kinaturay ne̍ Je̍su Kristu nga iNasare̍t, manalan kan,” kunen na.
7Ket nicman ne̍ Pe̍dru ya diwanan nga ima nito lugpi, se̍ na pinasikad. Ket pagamwan nas nga bimileg met diya sacsaka nan. 8Simikad mettin se̍ nanalan, ket nakibulun pe̍ kade̍ Pe̍dru nga linumnec ito Te̍mplu win. Nanalan ngarud, se̍ naglagtulagtuc nga nagdaydayaw e̍ Apu Diyusin.
9Ket nasingen diya amin nga uwed antuni to lugpi nga manmanalan se̍ agdaydayaw e̍ Apu Diyusin. 10Ket nasdaaw se̍ nasikuran da, ta nailasin dan nga igina to nagtugtugew iya Napaw-is nga Gagayangan iya Te̍mplu, nga nakilimlimus, ket nakadalan met gayamin.
To panagpalawag ne̍ Pe̍dru enna Te̍mplu
11Ket to lalaki nga nalainganin, sike̍ke̍bey kade̍ Pe̍dru nge̍ Juan enna emwag niya Te̍mplu iya isa nga parte̍ nga maawagan ka Purtiku ne̍ Sulumun. Ket nanagtag diya toltoley nga nawe̍ nangsingen ito lalaki, ta nasdaaw da nga unayin. 12Ket ito nasingen ne̍ Pe̍dru dito toltoley nga aguurnungin, nagkagi ngarud igida, nga kinunen na, “Padac nga Israe̍lita, ape̍ kad nga nasdaaw kayu, se̍ ape̍ nga dakami ya singsingen nu? Bekken met nga dakami ya pakasdaawan nu, ta ya pannakapadalan nidi nga toley, ket bekken nga gapu ka napaw-is nga ugali mi iya imatang ne̍ Apu Diyus, winno ya kabucbukudan mi nga pannakabalin. 13E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma. 14Ngem madi nu nipalubus nga pinaruwar ne̍ Pilatu nge̍ Je̍sus, orey igina ya nalinteg nga awan pagkurangan na iya imatang ne̍ Apu Diyus. Ket ya isa nga pumapatey nga gennung ya inun-unay nu nga nipairuwar e̍ Pilatu. 15Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan. 16Ket gapu ka panamati iya kinaturay ne̍ Je̍sus, nakadalanin yani nga toley. Ta emmu nu nga tutu nga lugpi itun, ngem masingen nu met itan, nga nabileg gin gapu iya kinaturay ne̍ Je̍sus, se̍ iya panamati gapu igina. Itu ya nangpabileg idi nga toley nga masingen nu nga amin itan.
17“Ngem to winangel nu e̍ Je̍sus itun, kakabsat, emmuc met nga gapu ta madi kayu naawatan itun, agten pe̍ kadito pangpangulu nu. 18Ngem to napasamac e̍ Je̍sus itun, itu met ya panangipatungpal ne̍ Apu Diyus ito kinagi dito amin nga mammadtu itun. Ta nipaikagi met ne̍ Apu Diyus igida nga masapul nga agrigat ya Kristu nga ibon na. 19Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu. 20Ket iya agten iyan, uwed talna nga ipaay niya Apu kadiya panpanunut nun, se̍ ibon na manin nge̍ Je̍sus, nga itu ya Kristu nga sigud nga panggep na nga ibon dakayu itun. 21E̍ Je̍sus, aged-edyan pekkem ita ka langit patingga ka di pekkem pabaruwen ne̍ Apu Diyus diya amin nga banbanag, sigun ito nipaibaga ne̍ Apu Diyus kadito pinili na nga mammadtu itun. 22Agten ngarud ito kinunen nito Muyse̍s itun, nga kinunen na, ‘Uwed nad isa nga mammadtu nga ibon ne̍ Apu Diyus dakayu, nga pada tida nga Israe̍lita, nga agten mettas ito panangibon na iyaken. Ket masapul nga ipangag nu ngarud diya amin nga ibaga na nad dakayu. 23Ket no uwed toley nga madi mangipangag nad kadiya ibaga na, maisina kadiya toley ne̍ Apu Diyus, se̍ mapukaw,’ kunen nito Muyse̍s itun.
24“Ket orey pe̍ to Samwe̍l se̍ amin dito simarsarunu igina nga mammadtu, agpapada ya kinagi da pe̍ maipanggep kadiyan nga maar-ariman kadidi nga algew win. 25Ket dakayu itan, nairaman kayu pe̍ yin ito kinagi dito mammadtu kadiya am-ama tida itun, ta kapututan dactida nga nairaman pe̍ ito nipatulag ne̍ Apu Diyus igida. Ket to nikari ne̍ Apu Diyus ito am-ama tida nga Abraham, ket agten idi: Gapu iya putut na, matulungan nad diya amin nga toltoley kadiya il-ili iya lubung. 26Itu nga dactida nga Hudyu ya nona nga nangibonan ne̍ Apu Diyus e̍ Je̍sus nga eb-ebbonen na, tasun matulungan nactida nga amin, nga pagbabawiyen na ya tunggal isa dactida kadiya dake̍c nga wangwangel tida.” Amin diyan, kinagi ne̍ Pe̍dru itun.
Zvasarudzwa nguva ino
Aramid 3: YBT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.
Aramid 3
3
To lugpi nga napadalan
1Iya isa nga algew itun, nawe̍ de̍ Pe̍dru nge̍ Juan iya Te̍mplu iya alas tre̍s iya gidam, ta itu ya uras nga panagkararag diya Hudyu. 2Uwed isa nga gagayangan niya Te̍mplu nga maawagan ka Napaw-is nga Gagayangan, ket itu ya edyan niya isa nga lalaki nga lugpi. Ket lugpi yani nanipud iya pannakaiyanac na. Naagtu nga inalgew nga naipen antuni tasun makilimus kadiya toley nga lumnec iya Te̍mplu. 3Ket ito nasingen nito lugpi de̍ Pe̍dru nge̍ Juan nga lumnec kuma iya Te̍mplu win, nakilimus ngarud igida. 4Ket de̍ Pe̍dru nge̍ Juan, binubuteg da to lugpi, nga kinunen ne̍ Pe̍dru igina, “Singen nakami kad,” kunen na.
5Ket simingen ngarud to lugpi igida, ta nipagarup na no e̍cdan da ka kuwarta. 6Ngem kinunen ne̍ Pe̍dru, “Awan met kuwartac. Ngem ya uwed iyaken, itu win ya itulung ku ikew. Ket gapu iya kinaturay ne̍ Je̍su Kristu nga iNasare̍t, manalan kan,” kunen na.
7Ket nicman ne̍ Pe̍dru ya diwanan nga ima nito lugpi, se̍ na pinasikad. Ket pagamwan nas nga bimileg met diya sacsaka nan. 8Simikad mettin se̍ nanalan, ket nakibulun pe̍ kade̍ Pe̍dru nga linumnec ito Te̍mplu win. Nanalan ngarud, se̍ naglagtulagtuc nga nagdaydayaw e̍ Apu Diyusin.
9Ket nasingen diya amin nga uwed antuni to lugpi nga manmanalan se̍ agdaydayaw e̍ Apu Diyusin. 10Ket nasdaaw se̍ nasikuran da, ta nailasin dan nga igina to nagtugtugew iya Napaw-is nga Gagayangan iya Te̍mplu, nga nakilimlimus, ket nakadalan met gayamin.
To panagpalawag ne̍ Pe̍dru enna Te̍mplu
11Ket to lalaki nga nalainganin, sike̍ke̍bey kade̍ Pe̍dru nge̍ Juan enna emwag niya Te̍mplu iya isa nga parte̍ nga maawagan ka Purtiku ne̍ Sulumun. Ket nanagtag diya toltoley nga nawe̍ nangsingen ito lalaki, ta nasdaaw da nga unayin. 12Ket ito nasingen ne̍ Pe̍dru dito toltoley nga aguurnungin, nagkagi ngarud igida, nga kinunen na, “Padac nga Israe̍lita, ape̍ kad nga nasdaaw kayu, se̍ ape̍ nga dakami ya singsingen nu? Bekken met nga dakami ya pakasdaawan nu, ta ya pannakapadalan nidi nga toley, ket bekken nga gapu ka napaw-is nga ugali mi iya imatang ne̍ Apu Diyus, winno ya kabucbukudan mi nga pannakabalin. 13E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma. 14Ngem madi nu nipalubus nga pinaruwar ne̍ Pilatu nge̍ Je̍sus, orey igina ya nalinteg nga awan pagkurangan na iya imatang ne̍ Apu Diyus. Ket ya isa nga pumapatey nga gennung ya inun-unay nu nga nipairuwar e̍ Pilatu. 15Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan. 16Ket gapu ka panamati iya kinaturay ne̍ Je̍sus, nakadalanin yani nga toley. Ta emmu nu nga tutu nga lugpi itun, ngem masingen nu met itan, nga nabileg gin gapu iya kinaturay ne̍ Je̍sus, se̍ iya panamati gapu igina. Itu ya nangpabileg idi nga toley nga masingen nu nga amin itan.
17“Ngem to winangel nu e̍ Je̍sus itun, kakabsat, emmuc met nga gapu ta madi kayu naawatan itun, agten pe̍ kadito pangpangulu nu. 18Ngem to napasamac e̍ Je̍sus itun, itu met ya panangipatungpal ne̍ Apu Diyus ito kinagi dito amin nga mammadtu itun. Ta nipaikagi met ne̍ Apu Diyus igida nga masapul nga agrigat ya Kristu nga ibon na. 19Dikad pe̍ ita, agbabawi kayu kuma ngarudin, nga sumoli kayu iya Apu tasun mapunas diya basbasul nu. 20Ket iya agten iyan, uwed talna nga ipaay niya Apu kadiya panpanunut nun, se̍ ibon na manin nge̍ Je̍sus, nga itu ya Kristu nga sigud nga panggep na nga ibon dakayu itun. 21E̍ Je̍sus, aged-edyan pekkem ita ka langit patingga ka di pekkem pabaruwen ne̍ Apu Diyus diya amin nga banbanag, sigun ito nipaibaga ne̍ Apu Diyus kadito pinili na nga mammadtu itun. 22Agten ngarud ito kinunen nito Muyse̍s itun, nga kinunen na, ‘Uwed nad isa nga mammadtu nga ibon ne̍ Apu Diyus dakayu, nga pada tida nga Israe̍lita, nga agten mettas ito panangibon na iyaken. Ket masapul nga ipangag nu ngarud diya amin nga ibaga na nad dakayu. 23Ket no uwed toley nga madi mangipangag nad kadiya ibaga na, maisina kadiya toley ne̍ Apu Diyus, se̍ mapukaw,’ kunen nito Muyse̍s itun.
24“Ket orey pe̍ to Samwe̍l se̍ amin dito simarsarunu igina nga mammadtu, agpapada ya kinagi da pe̍ maipanggep kadiyan nga maar-ariman kadidi nga algew win. 25Ket dakayu itan, nairaman kayu pe̍ yin ito kinagi dito mammadtu kadiya am-ama tida itun, ta kapututan dactida nga nairaman pe̍ ito nipatulag ne̍ Apu Diyus igida. Ket to nikari ne̍ Apu Diyus ito am-ama tida nga Abraham, ket agten idi: Gapu iya putut na, matulungan nad diya amin nga toltoley kadiya il-ili iya lubung. 26Itu nga dactida nga Hudyu ya nona nga nangibonan ne̍ Apu Diyus e̍ Je̍sus nga eb-ebbonen na, tasun matulungan nactida nga amin, nga pagbabawiyen na ya tunggal isa dactida kadiya dake̍c nga wangwangel tida.” Amin diyan, kinagi ne̍ Pe̍dru itun.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1990 New Tribes Mission, Sanford, FL 32771-1487, USA.
Printed in the Philippines.