Lukas 7:7-9

Nen, an nen, at oba lausak iluk apigidegat o. Erlok dek o. We, at ane anek umo nen, an natuaneke yi hano asigin o. An meneke, nougi koktek meke inapma dogolik, inane holhik, nen an nagarumi tentara meke iti an napma dogolik, an nane holhik, hagakhorethekma nogo nen, an nen, at ageikhe, Lan o, iluk yogokhe halok lagarek. Nen ageikhe. Eme, iluk yogokhe halok he, wagaregat o. Nen, natuaneke ageikhe, Yi hagasin, iluk yogokhe halok he, hagakheregat o, iluk yokhesuagaluk la'inani agama wago,” iluk yogokhukha. Yogokhukhama at Yesus nen, men isikhe, “Ap iti nayuk e,” iluk, hogoratluk nen, elokhe dagakhogon akhuni doalegat oporlik lagoukha meke emenogo men yogeisasikhe, “Ap iti etaiken an noba hakotdekhe iti hakene, it akhuni Israel meke ageikhe inetaiken itithogon hakotdisinem hisegerek dek meke nayuk e,” iluk isikhe.