Lúcas 1
1
1Heta ningo oñeha’ãva’ekue omombe’u hag̃ua hekópe umi mba’e ojehuva’ekue ñande apytépe ha mba’éichapa Ñanderuete rembipota oikopa, Ha’e oprofetizauka haguéicha ymaguare guive.
2Umi mba’e rechahare ha apostolkuéra ombohasa oréve ohechava’ekue guive.
3Hi’ãite ningo chéve avei, aikuaa porãmba rire opaite mba’e ojehuva’ekue iñepyrũha guive ko’ág̃a peve, ahaipa hendaichaite ndéve g̃uarã karaiguasu Teófilo.
4Reikuaa hag̃ua hekopete umi mba’e añeteguáva oñembo’emava’ekue ndéve.
Juan Bautísta nacimiénto
5Oikova’ekue Heródes, Juda retã ruvicha árape, peteĩ pa’i hérava Zacarías, omba’apóva pa’i Abías atýpe, ha hembireko Elisabet, Aaron ñemoñaréva.
6Zacarías ha Elisabet heko potĩva Ñanderuete renondépe, oguata hekópe Ñanderuete rapére ha hembiapoukapýpe.
7Ha’ekuéra katu naiñemoñaréi, Elisabet ndaikatúigui imemby, ha’e ig̃uaig̃uíma ha iména itujáma.
8Ojehu ningo Zacarías omba’apo jave Ñanderuete rogaguasúpe, pa’i Abías atýpe.
9Pa’ikuéra ojepokuaa háicha, po’a rupi, ho’a ichupe oike hag̃ua Ñanderuete rogaguasúpe omohatatĩ hag̃ua mba’e ryakuã iporãitéva,
10ha upeaja hetãyguakuéra oñembyaty okápe oñembo’e hag̃ua.
11Ha peteĩ ángel, Ñandejára rembiguái, ojehechauka ichupe, oñembo’y pe kuave’ẽmby renda akatúape, oñemohatatĩháme pe mba’e hyakuã porãva.
12Ha Zacarías oñemondýi ohechávo peteĩ ángelpe, ha opyta okyhyjete.
13Pe ángel katu he’i ichupe: Ani rekyhyje Zacarías, pe mba’e rejeruréva ne ñembo’épe oñehendúma ha ne rembireko Elisabet imembýta, ha rehenoiva’erã pe mitãkuimba’épe Juan.
14Nde revy’áta ha nde py’arorýta, ha heta ovy’a joáta ha’e onace haguére.
15Ha’e ituichava’erã Ñanderuete renondépe, ha ndo’umo’ãi víno térã ambue koichagua mba’e. Ha’e henyhẽva’erã Pytu Porãmbávagui, isy rye guive.
16Ha’e ombojevyva’erã heta Israelguakuérape Ñanderuete rapére.
17Juan ohóta Hesu Crísto renonderãme Elías pytu porã ha ipu’aka reheve, ha’e omoĩ porãta tuvakuéra ita’yrakuéra ndive, ha umi iñe’ẽrendu’ỹva iñe’ẽrendu porã hag̃ua, ha ombosako’íta peteĩ tetã Ñanderuetépe g̃uarã.
18Ha Zacarías he’i pe ángelpe: Mba’éicha piko péva ikatu ojehu. Che ningo chetujáma ha che rembireko ig̃uaig̃uíma.
19Upérõ pe ángel ombohovái ichupe: Che ningo Gabriel, pe oñembo’ýmiva Ñanderuete renondépe. Ha’e chembou añe’ẽ ha agueru hag̃ua ndéve ko marandu iporãva.
20Eikuaa porã katu, ko’ág̃a guive nde neñe’ẽngúta ojehu peve che amombe’úva ndéve, nde nderegueroviái haguére che ñe’ẽ. Katuete ojehúta hi’araitépe umi mba’e che amombe’úva ndéve.
21Ha umi Israelgua oñembyatýva okápe ha oha’ãrõva Zacarías ou jevy hag̃ua, ohecharamoite hi’arete reiha Ñanderuete rogaguasupýpe.
22Ha Zacarías osẽvo ndaikatúi oñe’ẽ hetãyguakuérape, ha ohechakuaa hikuái Ñanderuete ojehechauka hague ichupe hogaguasupýpe. Ha Zacarías ipópe séña rupi ohechauka ichupekuéra iñe’ẽnguha.
23Ha opa rire hembiapo arakuéra Ñanderuete rogaguasúpe, oho jevy hógape.
24Ko’ã ára rire Elisabet hyeguasu, ha ha’e oñemi 5 jasy aja, ha he’i:
25Péicha Ñanderuete ojapo, Ha’e oma’ẽgui cherehe anive hag̃ua añembyasy ha atĩ apytávo.
Pe ángel he’i Hesu onacetaha
26Ha pe jasy 6-hápe, (Elisabet hyeguasu aja) Ñanderuete ombou hi’ángel Gabriélpe Nazaret, Galiléa távape,
27peteĩ kuñataĩ imarã’ỹva rendápe hérava María, omendapotáva peteĩ kuimba’e hérava Jose rehe, ha’e peteĩ David ñemoñare.
28Ha pe ángel og̃uahẽ María rendápe ha he’i: Maiteípa, Ñanderuete ndeporavo, nde ningo hovasapyréva opaite kuña apytégui ha opytataha avei nendive.
29María ohendúvo pe ángel ñe’ẽ oñemondýi, ha ojepy’amongeta mba’épa he’iséne pe maitei péva.
30Ha pe ángel he’i ichupe: Ani rekyhyjétei, María, Ñanderuete jeporiahuvereko ningo oĩ nendive.
31Eikuaa porãke, nderyeguasúta ha nemembýta peteĩ kuimba’e ha rembohérava’erã ichupe Hesu.
32Ha’e mba’eguasu, ha oñehenóita Yvatevéva Ra’y, ha Ñanderuete, pe Jaraitéva ome’ẽta ichupe itúva David guapyhaguasu,
33oisãmbyhy hag̃ua Israel retãme, ha hetãguasu ndopaiva’erã araka’eve.
34Upérõ María he’i pe ángelpe: Mba’éicha piko péva ojehúta, ndaikói gueteri kuimba’e ndive.
35Ha pe ángel ombohovái Maríape he’ívo: Pe Pytu Porãmbáva oguejýta ndeári ha pe Yvatevéva Pu’aka nemo’ãta, ha upévare ne memby vove embohéra ichupe Heko Porãva ha Ñanderuete Ra’y.
36Ha eikuaa porãke, Elisabet, ne génte, hyeguasúma avei jasy 6-hápema, ig̃uaig̃uíma ramojepe imembýta avei peteĩ kuimba’e, oje’e ramojepe hese ikatu’ỹva imemby.
37Ñanderuetépe g̃uarã ndaipóri mba’eve ikatu’ỹva ojapo.
38Upérõ María he’i: Che ningo Ñanderuete rembiguái, tojehu chéve nde ere haguéicha. Ha pe ángel ojei upégui.
María oho Elisabet rendápe
39Umi árape María oñembosako’i ha oho pya’e peteĩ táva oĩva Juda cérrope.
40Ha og̃uahẽvo Zacarías rógape ha’e omomaitei Elisabétpe.
41Ha Elisabet ohendúvo María maitei imemby opopo hyépe, ha Elisabet oñemyenyhẽvo Pytu Porãmbávagui,
42hatã he’i: Ñanderuete ndeporavo ohechauka hag̃ua ipu’aka ha imborayhu nde ha ne memby rupi, oĩvahína nde ryépe.
43Ha ma’erãpa ojehu chéve péva, che Jára sy ningo ou che’andúvo.
44Ha ohendúvo ne maitei che memby opopo vy’águi che ryépe.
45Ha nde revy’aite, reguerovia haguére pe ñe’ẽ oñemombe’úmava ndéve, katuete oikopáta Ñanderuete he’iukava’ekue ndéve.
46Upérõ María he’i: Che ánga omomba’eguasu Ñanderuetépe.
47Ha che pytu porã henyhẽ vy’águi Ñanderuete chesalvaháre Hesu Crísto rupi.
48Ha’e oma’ẽ haguére hembiguái oñemomirĩva’ekue rehe ha águi rire Israel nẽmoñarenguéra ovy’aitéta chendive.
49Tuichaite mba’e Ñanderuete, pe Ipu’akapáva, ojapo cherehe, héra Teko Porãitéva.
50Ha’e ohechaukáta imborayhu ha ijeporiahuvereko opaite tetãyguakuérape g̃uarã, umi okyhyjéva guivépe ichugui.
51Ñanderuete ohechauka ipu’aka ijyva mbarete rupi ha omosarambiva’erã umi ipy’apýpe oñembotuichávape.
52Ñanderuete oity umi tetã ruvicha oñembotuichávape, ha omopu’ã hendaguépe umi oñemomirĩvape.
53Umi iñembyahýivape Ha’e omyenyhẽ mba’eporãgui, ha umi heta mba’e oguerekóvape katu Ha’e omosẽ po nandi reheve.
54Ñanderuete oñangareko hembiguái Israel rehe, ha imandu’a oiporiahuverekoseha tapia g̃uarã.
55Abraham ha iñemoñarenguérape, ome’ẽgui ichupekuéra ipromésa.
56María opyta Elisabet ndive mbohapy jasy rupi, ha upéi ojevy hógape.
Juan Bautísta onace
57Ha og̃uahẽvo pe ára Elisabet imemby hag̃ua, ha’e imemby peteĩ kuimba’e.
58Hóga ypy peguakuéra ha heseguakuéra ohendúvo Ñanderuete oiporiahuverekoite hague ichupe, horyete hikuái hendive.
59Ha pe ára 8-hápe Juan Bautísta onace hague, og̃uahẽ hikuái oikytĩ’o hag̃ua ipire’i, ha omboherase pe mitãme Zacarías, itúva réraicha.
60Isy katu ojoko ichupekuéra ha he’i: Nahániri, che memby rerarã Juan.
61He’i hikuái ichupe pene génte apytépe avave noñehenóiri Juan.
62Upéramo ohenói hikuái itúvape, ha’e he’i hag̃ua ita’ýra réra, ha’e oipota háicha.
63Ha’e ojerure peteĩ yvyrape (tábla pehẽngue) ha ohai ipype: Juan hérata, che ra’y. Opavave oñembyatýva guive ohecharamoite hikuái ko’ã mba’e.
64Upevove Zacarías juru ojepe’a ha ikũ ojera, ha ha’e omomba’eguasu Ñanderuetépe.
65Hóga ypy pegua oñemondyipa joa ha Juda cérro rupi ojekuaauka ko’ã mba’e ko’ãva.
66Ha opaite ohendúva guive ko’ã mba’e oñongatu porã ipy’apýpe, ha he’i: Mba’épa oikóne ko mitã kóvagui. Ñanderuete po ningo oĩ ko mitã kóva ári.
Zacarías oprofetiza
67Ha Zacarías, Juan ru, henyhẽ Pytu Porãmbávagui, oprofetiza ha he’i:
68Toñemomba’eguasu Ñanderuetépe, Israel Jára, Ha’e oguejýma hetãme osalva hag̃ua.
69Ha’e omopu’ã peteĩ mburuvichaguasu ipu’akapáva osalva hag̃ua, ouhína Ñanderuete rembiguái David rógagui, péva he’ise Hesu oikoha David ñemoñare ramo.
70Oñemombe’u haguéicha yma guive iproféta heko potĩva juru rupi.
71Ko mburuvichaguasu kóva ñandepe’áta opaite ñanderehe ija’e’ỹva pógui ha umi oñemoĩva ñanderehe poguýgui.
72Oiporiahuverekóvo ñande ru ypykuérape ha Ñanderuete ndahesaráirigui pe ñe’ẽme’ẽ ome’ẽmava’ekue ichupekuéra.
73Ha’e omoañete iñe’ẽ ome’ẽmava’ekue Abraham, ñande rúpe, peteĩ juraménto rupi, ha Abrahámgui ohasa ñandéve g̃uarã.
74Ha iñe’ẽme’ẽme he’íma Ha’e ñandepe’ataha ñanderehe ija’e’ỹva poguýgui, ñande jaservi hag̃ua ichupe jakyhyje’ỹre,
75jaiko hag̃ua teko potĩme ha hekoitépe hesa renondépe ñande jaikove aja.
76Ha nde, che ra’y, rembohérata Ñanderuete proféta, reho hag̃ua Ñandejára renonderãme ha rembosako’i hag̃ua haperã.
77Ha reikuaauka hag̃ua Israel retãme Ñanderuete salvacion, pe angaipa perdon rupi.
78Péicha Ñanderuete py’aporiahuvereko ogueru ñandéve pe tesape yvatetégui.
79Ohesape hag̃ua umi oguapýva pytũháme ha umi oikóva ñemano rokẽme ojereraha hag̃ua py’aguapy rape rupi.
80Ha pe mitã okakuaa ha imbarete ohóvo ipytu porãme, ha oiko desiértope ojehechauka peve Israel retãyguakuérape.
Zvasarudzwa nguva ino
Lúcas 1: ÑÑP2015
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Lúcas 1
1
1Heta ningo oñeha’ãva’ekue omombe’u hag̃ua hekópe umi mba’e ojehuva’ekue ñande apytépe ha mba’éichapa Ñanderuete rembipota oikopa, Ha’e oprofetizauka haguéicha ymaguare guive.
2Umi mba’e rechahare ha apostolkuéra ombohasa oréve ohechava’ekue guive.
3Hi’ãite ningo chéve avei, aikuaa porãmba rire opaite mba’e ojehuva’ekue iñepyrũha guive ko’ág̃a peve, ahaipa hendaichaite ndéve g̃uarã karaiguasu Teófilo.
4Reikuaa hag̃ua hekopete umi mba’e añeteguáva oñembo’emava’ekue ndéve.
Juan Bautísta nacimiénto
5Oikova’ekue Heródes, Juda retã ruvicha árape, peteĩ pa’i hérava Zacarías, omba’apóva pa’i Abías atýpe, ha hembireko Elisabet, Aaron ñemoñaréva.
6Zacarías ha Elisabet heko potĩva Ñanderuete renondépe, oguata hekópe Ñanderuete rapére ha hembiapoukapýpe.
7Ha’ekuéra katu naiñemoñaréi, Elisabet ndaikatúigui imemby, ha’e ig̃uaig̃uíma ha iména itujáma.
8Ojehu ningo Zacarías omba’apo jave Ñanderuete rogaguasúpe, pa’i Abías atýpe.
9Pa’ikuéra ojepokuaa háicha, po’a rupi, ho’a ichupe oike hag̃ua Ñanderuete rogaguasúpe omohatatĩ hag̃ua mba’e ryakuã iporãitéva,
10ha upeaja hetãyguakuéra oñembyaty okápe oñembo’e hag̃ua.
11Ha peteĩ ángel, Ñandejára rembiguái, ojehechauka ichupe, oñembo’y pe kuave’ẽmby renda akatúape, oñemohatatĩháme pe mba’e hyakuã porãva.
12Ha Zacarías oñemondýi ohechávo peteĩ ángelpe, ha opyta okyhyjete.
13Pe ángel katu he’i ichupe: Ani rekyhyje Zacarías, pe mba’e rejeruréva ne ñembo’épe oñehendúma ha ne rembireko Elisabet imembýta, ha rehenoiva’erã pe mitãkuimba’épe Juan.
14Nde revy’áta ha nde py’arorýta, ha heta ovy’a joáta ha’e onace haguére.
15Ha’e ituichava’erã Ñanderuete renondépe, ha ndo’umo’ãi víno térã ambue koichagua mba’e. Ha’e henyhẽva’erã Pytu Porãmbávagui, isy rye guive.
16Ha’e ombojevyva’erã heta Israelguakuérape Ñanderuete rapére.
17Juan ohóta Hesu Crísto renonderãme Elías pytu porã ha ipu’aka reheve, ha’e omoĩ porãta tuvakuéra ita’yrakuéra ndive, ha umi iñe’ẽrendu’ỹva iñe’ẽrendu porã hag̃ua, ha ombosako’íta peteĩ tetã Ñanderuetépe g̃uarã.
18Ha Zacarías he’i pe ángelpe: Mba’éicha piko péva ikatu ojehu. Che ningo chetujáma ha che rembireko ig̃uaig̃uíma.
19Upérõ pe ángel ombohovái ichupe: Che ningo Gabriel, pe oñembo’ýmiva Ñanderuete renondépe. Ha’e chembou añe’ẽ ha agueru hag̃ua ndéve ko marandu iporãva.
20Eikuaa porã katu, ko’ág̃a guive nde neñe’ẽngúta ojehu peve che amombe’úva ndéve, nde nderegueroviái haguére che ñe’ẽ. Katuete ojehúta hi’araitépe umi mba’e che amombe’úva ndéve.
21Ha umi Israelgua oñembyatýva okápe ha oha’ãrõva Zacarías ou jevy hag̃ua, ohecharamoite hi’arete reiha Ñanderuete rogaguasupýpe.
22Ha Zacarías osẽvo ndaikatúi oñe’ẽ hetãyguakuérape, ha ohechakuaa hikuái Ñanderuete ojehechauka hague ichupe hogaguasupýpe. Ha Zacarías ipópe séña rupi ohechauka ichupekuéra iñe’ẽnguha.
23Ha opa rire hembiapo arakuéra Ñanderuete rogaguasúpe, oho jevy hógape.
24Ko’ã ára rire Elisabet hyeguasu, ha ha’e oñemi 5 jasy aja, ha he’i:
25Péicha Ñanderuete ojapo, Ha’e oma’ẽgui cherehe anive hag̃ua añembyasy ha atĩ apytávo.
Pe ángel he’i Hesu onacetaha
26Ha pe jasy 6-hápe, (Elisabet hyeguasu aja) Ñanderuete ombou hi’ángel Gabriélpe Nazaret, Galiléa távape,
27peteĩ kuñataĩ imarã’ỹva rendápe hérava María, omendapotáva peteĩ kuimba’e hérava Jose rehe, ha’e peteĩ David ñemoñare.
28Ha pe ángel og̃uahẽ María rendápe ha he’i: Maiteípa, Ñanderuete ndeporavo, nde ningo hovasapyréva opaite kuña apytégui ha opytataha avei nendive.
29María ohendúvo pe ángel ñe’ẽ oñemondýi, ha ojepy’amongeta mba’épa he’iséne pe maitei péva.
30Ha pe ángel he’i ichupe: Ani rekyhyjétei, María, Ñanderuete jeporiahuvereko ningo oĩ nendive.
31Eikuaa porãke, nderyeguasúta ha nemembýta peteĩ kuimba’e ha rembohérava’erã ichupe Hesu.
32Ha’e mba’eguasu, ha oñehenóita Yvatevéva Ra’y, ha Ñanderuete, pe Jaraitéva ome’ẽta ichupe itúva David guapyhaguasu,
33oisãmbyhy hag̃ua Israel retãme, ha hetãguasu ndopaiva’erã araka’eve.
34Upérõ María he’i pe ángelpe: Mba’éicha piko péva ojehúta, ndaikói gueteri kuimba’e ndive.
35Ha pe ángel ombohovái Maríape he’ívo: Pe Pytu Porãmbáva oguejýta ndeári ha pe Yvatevéva Pu’aka nemo’ãta, ha upévare ne memby vove embohéra ichupe Heko Porãva ha Ñanderuete Ra’y.
36Ha eikuaa porãke, Elisabet, ne génte, hyeguasúma avei jasy 6-hápema, ig̃uaig̃uíma ramojepe imembýta avei peteĩ kuimba’e, oje’e ramojepe hese ikatu’ỹva imemby.
37Ñanderuetépe g̃uarã ndaipóri mba’eve ikatu’ỹva ojapo.
38Upérõ María he’i: Che ningo Ñanderuete rembiguái, tojehu chéve nde ere haguéicha. Ha pe ángel ojei upégui.
María oho Elisabet rendápe
39Umi árape María oñembosako’i ha oho pya’e peteĩ táva oĩva Juda cérrope.
40Ha og̃uahẽvo Zacarías rógape ha’e omomaitei Elisabétpe.
41Ha Elisabet ohendúvo María maitei imemby opopo hyépe, ha Elisabet oñemyenyhẽvo Pytu Porãmbávagui,
42hatã he’i: Ñanderuete ndeporavo ohechauka hag̃ua ipu’aka ha imborayhu nde ha ne memby rupi, oĩvahína nde ryépe.
43Ha ma’erãpa ojehu chéve péva, che Jára sy ningo ou che’andúvo.
44Ha ohendúvo ne maitei che memby opopo vy’águi che ryépe.
45Ha nde revy’aite, reguerovia haguére pe ñe’ẽ oñemombe’úmava ndéve, katuete oikopáta Ñanderuete he’iukava’ekue ndéve.
46Upérõ María he’i: Che ánga omomba’eguasu Ñanderuetépe.
47Ha che pytu porã henyhẽ vy’águi Ñanderuete chesalvaháre Hesu Crísto rupi.
48Ha’e oma’ẽ haguére hembiguái oñemomirĩva’ekue rehe ha águi rire Israel nẽmoñarenguéra ovy’aitéta chendive.
49Tuichaite mba’e Ñanderuete, pe Ipu’akapáva, ojapo cherehe, héra Teko Porãitéva.
50Ha’e ohechaukáta imborayhu ha ijeporiahuvereko opaite tetãyguakuérape g̃uarã, umi okyhyjéva guivépe ichugui.
51Ñanderuete ohechauka ipu’aka ijyva mbarete rupi ha omosarambiva’erã umi ipy’apýpe oñembotuichávape.
52Ñanderuete oity umi tetã ruvicha oñembotuichávape, ha omopu’ã hendaguépe umi oñemomirĩvape.
53Umi iñembyahýivape Ha’e omyenyhẽ mba’eporãgui, ha umi heta mba’e oguerekóvape katu Ha’e omosẽ po nandi reheve.
54Ñanderuete oñangareko hembiguái Israel rehe, ha imandu’a oiporiahuverekoseha tapia g̃uarã.
55Abraham ha iñemoñarenguérape, ome’ẽgui ichupekuéra ipromésa.
56María opyta Elisabet ndive mbohapy jasy rupi, ha upéi ojevy hógape.
Juan Bautísta onace
57Ha og̃uahẽvo pe ára Elisabet imemby hag̃ua, ha’e imemby peteĩ kuimba’e.
58Hóga ypy peguakuéra ha heseguakuéra ohendúvo Ñanderuete oiporiahuverekoite hague ichupe, horyete hikuái hendive.
59Ha pe ára 8-hápe Juan Bautísta onace hague, og̃uahẽ hikuái oikytĩ’o hag̃ua ipire’i, ha omboherase pe mitãme Zacarías, itúva réraicha.
60Isy katu ojoko ichupekuéra ha he’i: Nahániri, che memby rerarã Juan.
61He’i hikuái ichupe pene génte apytépe avave noñehenóiri Juan.
62Upéramo ohenói hikuái itúvape, ha’e he’i hag̃ua ita’ýra réra, ha’e oipota háicha.
63Ha’e ojerure peteĩ yvyrape (tábla pehẽngue) ha ohai ipype: Juan hérata, che ra’y. Opavave oñembyatýva guive ohecharamoite hikuái ko’ã mba’e.
64Upevove Zacarías juru ojepe’a ha ikũ ojera, ha ha’e omomba’eguasu Ñanderuetépe.
65Hóga ypy pegua oñemondyipa joa ha Juda cérro rupi ojekuaauka ko’ã mba’e ko’ãva.
66Ha opaite ohendúva guive ko’ã mba’e oñongatu porã ipy’apýpe, ha he’i: Mba’épa oikóne ko mitã kóvagui. Ñanderuete po ningo oĩ ko mitã kóva ári.
Zacarías oprofetiza
67Ha Zacarías, Juan ru, henyhẽ Pytu Porãmbávagui, oprofetiza ha he’i:
68Toñemomba’eguasu Ñanderuetépe, Israel Jára, Ha’e oguejýma hetãme osalva hag̃ua.
69Ha’e omopu’ã peteĩ mburuvichaguasu ipu’akapáva osalva hag̃ua, ouhína Ñanderuete rembiguái David rógagui, péva he’ise Hesu oikoha David ñemoñare ramo.
70Oñemombe’u haguéicha yma guive iproféta heko potĩva juru rupi.
71Ko mburuvichaguasu kóva ñandepe’áta opaite ñanderehe ija’e’ỹva pógui ha umi oñemoĩva ñanderehe poguýgui.
72Oiporiahuverekóvo ñande ru ypykuérape ha Ñanderuete ndahesaráirigui pe ñe’ẽme’ẽ ome’ẽmava’ekue ichupekuéra.
73Ha’e omoañete iñe’ẽ ome’ẽmava’ekue Abraham, ñande rúpe, peteĩ juraménto rupi, ha Abrahámgui ohasa ñandéve g̃uarã.
74Ha iñe’ẽme’ẽme he’íma Ha’e ñandepe’ataha ñanderehe ija’e’ỹva poguýgui, ñande jaservi hag̃ua ichupe jakyhyje’ỹre,
75jaiko hag̃ua teko potĩme ha hekoitépe hesa renondépe ñande jaikove aja.
76Ha nde, che ra’y, rembohérata Ñanderuete proféta, reho hag̃ua Ñandejára renonderãme ha rembosako’i hag̃ua haperã.
77Ha reikuaauka hag̃ua Israel retãme Ñanderuete salvacion, pe angaipa perdon rupi.
78Péicha Ñanderuete py’aporiahuvereko ogueru ñandéve pe tesape yvatetégui.
79Ohesape hag̃ua umi oguapýva pytũháme ha umi oikóva ñemano rokẽme ojereraha hag̃ua py’aguapy rape rupi.
80Ha pe mitã okakuaa ha imbarete ohóvo ipytu porãme, ha oiko desiértope ojehechauka peve Israel retãyguakuérape.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.