Lúcas 2
2
Hesu onace
1Ha ojehu ningo Róma retã ruvicha Augústo árape, ha’e oipapauka opavavépe (cénso árape), opavave oikóva guive hetãguasuetépe, ohaiuka herakuéra peteĩ kuatiañe’ẽme ojepaga hag̃ua impuésto.
2Ko cénso peteĩha ojejapo Cirénio oiko ramoguare mburuvicha ramo Síria retãme.
3Upévare opavavete ohova’erã itavateépe ome’ẽ hag̃ua héra kuatiáre.
4Upévarehe Jose oho avei Nazaret, Galiléa peguágui, Belen, David távape, opytáva Juda departaméntope, ha’égui David ñemoñare ha Juda tribuguágui.
5María omendava’ekue Jose rehe omoirũ ichupe, mokõivéva ome’ẽ hag̃ua herakuéra; upejave María hasy imemby hag̃uáicha.
6Ha ojehu ningo ha’ekuéra oĩ jave Belénpe og̃uahẽma pe ára María imemby hag̃ua.
7Péva imemby kuimba’e peteĩha, ha omonde mitã aópe omoñeno hag̃ua peteĩ tymba karuhápe, ndaipórigui hendag̃ua mbohupa rógape.
Angelkuéra ojehechauka ovecha rerekuakuérape
8Upérupi oĩ umi ovecha rerekua oñangarekóva hymbakuéra rehe pe pyhare pukukuépe.
9Ha peteĩ ángel ojehechauka ichupekuéra, ha Ñanderuete reko jajaipa ohesape ijerekuévo ha okyhyjeiterei hikuái.
10Ha pe ángel he’i ichupekuéra: Ani pekyhyje, peikuaa porãke aju amombe’úvo peẽme mba’e ipyahúva ombohorýtava opaite tetãnguérape.
11 Onaceramoite peẽme g̃uarã pe salvador Hesu Crísto, David táva Belénpe.
12Ha pe techaukaha (señal) oñeme’ẽtavahína peẽme kóva: Peẽ pejohúta peteĩ mitãkuimba’e onaceramóvape tymba rógape, ha oñenóva peteĩ tymba karuhápe, ha oñeñu’ãva mitã ñu’ãháme.
13Ha upéicha háguinte sapy’aitépe oñembyaty ángel jerekuévo hetaiterei angelkuéra omomba’eguasúva Ñanderuetépe he’ívo:
14Toñemomba’eguasu Ñanderuetépe yvágape, ha tetãyguakuéra toiko py’aguapýpe.
15Ha ojehu umi ángel oho jevy rire yvágape, umi ovecha rerekua he’i joa ojupe: Jaha katu Belénpe, ha jahecha umi mba’e ojehúva ha Ñanderuete oikuaaukáva ñandéve.
16Ha oho hikuái pya’e, ha ojohu María, Jose ha pe mitãme oñenovahína tymba karuhápe.
17Ohecha rire umi mba’e oje’eva’ekue ichupekuéra pe mitã rehe oho omombe’u hetãyguakuérape.
18Ha opavave ohendúva guive umi ovecha rerekua ñe’ẽ ohecharamoite hikuái umi mba’e oje’éva guive.
19María katu oñongatupa umi ñe’ẽ ipy’apýpe ha ojepy’amongeta hesekuéra.
20Ha umi ovecha rerekua, ombotuicha ha omomba’eguasu Ñanderuetépe opaite mba’e ohendúva ha ohechava’ekue rehe ha ojehupa haguére hekoitépe oñemombe’u hagueichaite ichupekuéra.
21Ha Hesu onace haguépe 8 ára oñekytĩ’o ipire’i, ha oñembohéra ichupe Hesu, pe ángel he’i haguéicha Maríape.
Hesu ojegueraha Ñanderuete rogaguasúpe
22Ha opa rire umi arakuéra María ipotĩ jey hag̃ua, Moises rembiapoukapy ojapouka háicha, María ha Jose ogueraha Hesúpe Jerusalénpe ome’ẽ hag̃ua ichupe Ñanderuetépe.
23Moises rembiapoukapy he’i háicha: Opaite mitãkuimba’e oipe’a raẽva isy memby ryru oñeme’ẽva’erã Ñanderuetépe, (Éxodo 13,2.12).
24Ha oikuave’ẽva’erã Ñanderuetépe mokõi pyku’i térã mokõi pykasu ra’y, Moises rembiapoukapy he’i háicha (Levítico 12,8).
25Umi ára umívape oiko Jerusalénpe peteĩ kuimba’e hérava Simeon, ha upe kuimba’e upéva heko potĩva ha okyhyjéva Ñanderuetégui. Ha’e ningo oha’ãrõhína Israel Salvadorã ha pe Pytu Porãmbáva oiko ipy’apýpe.
26Ha ojehechaukáma Simeónpe Pytu Porãmbáva rupi, ha’e nomanomo’ãiha ohecha mboyve Hesu Crístope.
27Ha ou Ñanderuete rogaguasúpe, Pytu Porãmbávaoavisa haguére ichupe, ha ko Simeon og̃uahẽ Ñanderuete rogaguasúpe Jose, María ha Hesu ndive. Jose ha María oho ojapouka hag̃ua opaite mba’e Moises rembiapoukapy ojerure háicha.
28Simeon ohupi Hesúpe ijyva ári ha omomba’eguasu Ñanderuetépe he’ívo:
29Ko’ág̃a, che Ruete, Nde rehejakuaáma ne rembiguái omano py’aguapýpe,
30che resakuéra ohechágui Israel Salvador.
31Nde rembosako’íma opaite tetãnguérape g̃uarã.
32Ha ko Salvador kóva opyta hag̃ua tesape añeteguáva ramo, ojehechaukátava opaite tetãnguérape g̃uarã ha oguerovy’a hag̃ua ne retã Israélpe, (Isaías 42,6; 49,6).
33Jose ha María ohecharamoite ohendúvo umi mba’e oje’éva Hesu rehe.
34Ha Simeon ohovasa ichupekuéra ha he’i isy Maríape: Eikuaa porãke, ko mitã kóva oñemoĩma oity hag̃ua hetápe ñemanóme ndojeroviáigui pe techaukaha rehe, péva he’ise Hesu Crísto rehe, ha heta ambuekuérape omoingovéta Pytu Porãmbáva, ojeroviágui hese,
35ha peteĩ kyse puku ohasa asyva’erã ne ánga mbyte rupi, ojehechaukávo umi pensamiénto vai osẽva heta tapicha py’apýgui.
36Ha Ñanderuete rogaguasúpe oiko avei peteĩ kuñakarai, hérava Ána, Fanuel rajy, Aser tríbugui. Ha’e ig̃uaig̃uietéma, ha’e oiko 7 áño iména ndive, ikuñataĩha ára guive.
37Ha’e opytava’ekue viúda ha ohupitýma 84 áño. Ha’e ndojeivéi Ñanderuete rogaguasúgui, arakue ni pyharekuépe, oservi uvei ñande Ruetépe oñembo’évo ha ohasávo heta ára okaru’ỹre (ajúnope).
38Ha pe hóra pévape ha’e og̃uahẽ avei Hesu oĩháme, ha omomba’eguasu Ñanderuetépe ha oñe’ẽ Hesu rehe opavave oha’ãrõvape guive Jerusalen salvacion.
39Ha Jose ha María ojapopa rire Moises rembiapoukapykuéra he’íva guive, oho jevy hikuái itáva Nazarétpe, opytáva Galiléa departaméntope.
40Ha pe mitã Hesu okakuaa, imbareteve ha henyhẽve ohóvo arandúgui ha Ñanderuete pu’aka ha mborayhu omoirũ ichupe.
Hesu ha mbo’eharakuéra Ñanderuete rogaguasúpe
41Jose ha María ohómiva meme áñope páscua aretépe Ñanderuete rogaguasúpe oĩva Jerusalénpe.
42Ha Hesu oguerekórõ 12 áño omoirũ Jose ha Maríape ha oho hendivekuéra páscua arete jave Jerusalénpe.
43Ha opávo pe arete ou jevy hikuái, Hesu katu opyta Ñanderuete rogaguasúpe, Jose ha María oikuaa’ỹre.
44Ha’ekuéra oimo’ã Hesu ohóma iñirũnguéra ndive, ha oguata rire peteĩ ára pukukue ha oheka heta rire igénte ha ikuaahakuéra apytépe,
45ha ndojohúima ramo ichupe ijapytepekuéra oho jevy Jerusalénpe hekávo.
46Ha ojohu hikuái ichupe pe ára mbohapyhápe oguapy jave Ñanderuete rogaguasúpe ohendúvo ha oporandúvo umi mbo’ehárape.
47Ha opaite umi ohendúva guive ichupe ohecharamoite hikuái iñarandu ha umi mba’e he’íva guive.
48Jose ha María ohechávo ichupe ipy’andýi opytávo, ha isy he’i ichupe: Che memby, mba’érehe piko rejapo péicha orerehe, eikuaa porãke, heta jepy’apýpe ningo ore rohekaroína.
49Ha’e katu ombohovái ichupe: Mba’érehe piko peẽ cherekára’e. Ndapeikuaái piko che Ruete mba’évape che aĩva’erãha.
50Ichupekuéra nahesakã porãi iñe’ẽ ha’e he’íva ombohováivo.
51Ko’ã mba’e rire Hesu ojevy hendivekuéra Nazarétpe, ha oiko ipoguýpe. Isy katu oñongatu opaite mba’e ipy’apýpe.
52Hesu okakuaave ha iñaranduve ohóvo, ha Ñanderuete py’aporã oĩ hendive, ha hetãyguakuéra oñe’ẽ porãmba hese.
Zvasarudzwa nguva ino
Lúcas 2: ÑÑP2015
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Lúcas 2
2
Hesu onace
1Ha ojehu ningo Róma retã ruvicha Augústo árape, ha’e oipapauka opavavépe (cénso árape), opavave oikóva guive hetãguasuetépe, ohaiuka herakuéra peteĩ kuatiañe’ẽme ojepaga hag̃ua impuésto.
2Ko cénso peteĩha ojejapo Cirénio oiko ramoguare mburuvicha ramo Síria retãme.
3Upévare opavavete ohova’erã itavateépe ome’ẽ hag̃ua héra kuatiáre.
4Upévarehe Jose oho avei Nazaret, Galiléa peguágui, Belen, David távape, opytáva Juda departaméntope, ha’égui David ñemoñare ha Juda tribuguágui.
5María omendava’ekue Jose rehe omoirũ ichupe, mokõivéva ome’ẽ hag̃ua herakuéra; upejave María hasy imemby hag̃uáicha.
6Ha ojehu ningo ha’ekuéra oĩ jave Belénpe og̃uahẽma pe ára María imemby hag̃ua.
7Péva imemby kuimba’e peteĩha, ha omonde mitã aópe omoñeno hag̃ua peteĩ tymba karuhápe, ndaipórigui hendag̃ua mbohupa rógape.
Angelkuéra ojehechauka ovecha rerekuakuérape
8Upérupi oĩ umi ovecha rerekua oñangarekóva hymbakuéra rehe pe pyhare pukukuépe.
9Ha peteĩ ángel ojehechauka ichupekuéra, ha Ñanderuete reko jajaipa ohesape ijerekuévo ha okyhyjeiterei hikuái.
10Ha pe ángel he’i ichupekuéra: Ani pekyhyje, peikuaa porãke aju amombe’úvo peẽme mba’e ipyahúva ombohorýtava opaite tetãnguérape.
11 Onaceramoite peẽme g̃uarã pe salvador Hesu Crísto, David táva Belénpe.
12Ha pe techaukaha (señal) oñeme’ẽtavahína peẽme kóva: Peẽ pejohúta peteĩ mitãkuimba’e onaceramóvape tymba rógape, ha oñenóva peteĩ tymba karuhápe, ha oñeñu’ãva mitã ñu’ãháme.
13Ha upéicha háguinte sapy’aitépe oñembyaty ángel jerekuévo hetaiterei angelkuéra omomba’eguasúva Ñanderuetépe he’ívo:
14Toñemomba’eguasu Ñanderuetépe yvágape, ha tetãyguakuéra toiko py’aguapýpe.
15Ha ojehu umi ángel oho jevy rire yvágape, umi ovecha rerekua he’i joa ojupe: Jaha katu Belénpe, ha jahecha umi mba’e ojehúva ha Ñanderuete oikuaaukáva ñandéve.
16Ha oho hikuái pya’e, ha ojohu María, Jose ha pe mitãme oñenovahína tymba karuhápe.
17Ohecha rire umi mba’e oje’eva’ekue ichupekuéra pe mitã rehe oho omombe’u hetãyguakuérape.
18Ha opavave ohendúva guive umi ovecha rerekua ñe’ẽ ohecharamoite hikuái umi mba’e oje’éva guive.
19María katu oñongatupa umi ñe’ẽ ipy’apýpe ha ojepy’amongeta hesekuéra.
20Ha umi ovecha rerekua, ombotuicha ha omomba’eguasu Ñanderuetépe opaite mba’e ohendúva ha ohechava’ekue rehe ha ojehupa haguére hekoitépe oñemombe’u hagueichaite ichupekuéra.
21Ha Hesu onace haguépe 8 ára oñekytĩ’o ipire’i, ha oñembohéra ichupe Hesu, pe ángel he’i haguéicha Maríape.
Hesu ojegueraha Ñanderuete rogaguasúpe
22Ha opa rire umi arakuéra María ipotĩ jey hag̃ua, Moises rembiapoukapy ojapouka háicha, María ha Jose ogueraha Hesúpe Jerusalénpe ome’ẽ hag̃ua ichupe Ñanderuetépe.
23Moises rembiapoukapy he’i háicha: Opaite mitãkuimba’e oipe’a raẽva isy memby ryru oñeme’ẽva’erã Ñanderuetépe, (Éxodo 13,2.12).
24Ha oikuave’ẽva’erã Ñanderuetépe mokõi pyku’i térã mokõi pykasu ra’y, Moises rembiapoukapy he’i háicha (Levítico 12,8).
25Umi ára umívape oiko Jerusalénpe peteĩ kuimba’e hérava Simeon, ha upe kuimba’e upéva heko potĩva ha okyhyjéva Ñanderuetégui. Ha’e ningo oha’ãrõhína Israel Salvadorã ha pe Pytu Porãmbáva oiko ipy’apýpe.
26Ha ojehechaukáma Simeónpe Pytu Porãmbáva rupi, ha’e nomanomo’ãiha ohecha mboyve Hesu Crístope.
27Ha ou Ñanderuete rogaguasúpe, Pytu Porãmbávaoavisa haguére ichupe, ha ko Simeon og̃uahẽ Ñanderuete rogaguasúpe Jose, María ha Hesu ndive. Jose ha María oho ojapouka hag̃ua opaite mba’e Moises rembiapoukapy ojerure háicha.
28Simeon ohupi Hesúpe ijyva ári ha omomba’eguasu Ñanderuetépe he’ívo:
29Ko’ág̃a, che Ruete, Nde rehejakuaáma ne rembiguái omano py’aguapýpe,
30che resakuéra ohechágui Israel Salvador.
31Nde rembosako’íma opaite tetãnguérape g̃uarã.
32Ha ko Salvador kóva opyta hag̃ua tesape añeteguáva ramo, ojehechaukátava opaite tetãnguérape g̃uarã ha oguerovy’a hag̃ua ne retã Israélpe, (Isaías 42,6; 49,6).
33Jose ha María ohecharamoite ohendúvo umi mba’e oje’éva Hesu rehe.
34Ha Simeon ohovasa ichupekuéra ha he’i isy Maríape: Eikuaa porãke, ko mitã kóva oñemoĩma oity hag̃ua hetápe ñemanóme ndojeroviáigui pe techaukaha rehe, péva he’ise Hesu Crísto rehe, ha heta ambuekuérape omoingovéta Pytu Porãmbáva, ojeroviágui hese,
35ha peteĩ kyse puku ohasa asyva’erã ne ánga mbyte rupi, ojehechaukávo umi pensamiénto vai osẽva heta tapicha py’apýgui.
36Ha Ñanderuete rogaguasúpe oiko avei peteĩ kuñakarai, hérava Ána, Fanuel rajy, Aser tríbugui. Ha’e ig̃uaig̃uietéma, ha’e oiko 7 áño iména ndive, ikuñataĩha ára guive.
37Ha’e opytava’ekue viúda ha ohupitýma 84 áño. Ha’e ndojeivéi Ñanderuete rogaguasúgui, arakue ni pyharekuépe, oservi uvei ñande Ruetépe oñembo’évo ha ohasávo heta ára okaru’ỹre (ajúnope).
38Ha pe hóra pévape ha’e og̃uahẽ avei Hesu oĩháme, ha omomba’eguasu Ñanderuetépe ha oñe’ẽ Hesu rehe opavave oha’ãrõvape guive Jerusalen salvacion.
39Ha Jose ha María ojapopa rire Moises rembiapoukapykuéra he’íva guive, oho jevy hikuái itáva Nazarétpe, opytáva Galiléa departaméntope.
40Ha pe mitã Hesu okakuaa, imbareteve ha henyhẽve ohóvo arandúgui ha Ñanderuete pu’aka ha mborayhu omoirũ ichupe.
Hesu ha mbo’eharakuéra Ñanderuete rogaguasúpe
41Jose ha María ohómiva meme áñope páscua aretépe Ñanderuete rogaguasúpe oĩva Jerusalénpe.
42Ha Hesu oguerekórõ 12 áño omoirũ Jose ha Maríape ha oho hendivekuéra páscua arete jave Jerusalénpe.
43Ha opávo pe arete ou jevy hikuái, Hesu katu opyta Ñanderuete rogaguasúpe, Jose ha María oikuaa’ỹre.
44Ha’ekuéra oimo’ã Hesu ohóma iñirũnguéra ndive, ha oguata rire peteĩ ára pukukue ha oheka heta rire igénte ha ikuaahakuéra apytépe,
45ha ndojohúima ramo ichupe ijapytepekuéra oho jevy Jerusalénpe hekávo.
46Ha ojohu hikuái ichupe pe ára mbohapyhápe oguapy jave Ñanderuete rogaguasúpe ohendúvo ha oporandúvo umi mbo’ehárape.
47Ha opaite umi ohendúva guive ichupe ohecharamoite hikuái iñarandu ha umi mba’e he’íva guive.
48Jose ha María ohechávo ichupe ipy’andýi opytávo, ha isy he’i ichupe: Che memby, mba’érehe piko rejapo péicha orerehe, eikuaa porãke, heta jepy’apýpe ningo ore rohekaroína.
49Ha’e katu ombohovái ichupe: Mba’érehe piko peẽ cherekára’e. Ndapeikuaái piko che Ruete mba’évape che aĩva’erãha.
50Ichupekuéra nahesakã porãi iñe’ẽ ha’e he’íva ombohováivo.
51Ko’ã mba’e rire Hesu ojevy hendivekuéra Nazarétpe, ha oiko ipoguýpe. Isy katu oñongatu opaite mba’e ipy’apýpe.
52Hesu okakuaave ha iñaranduve ohóvo, ha Ñanderuete py’aporã oĩ hendive, ha hetãyguakuéra oñe’ẽ porãmba hese.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.