JONE 2
2
1 Oku liliu e Kalaisi ae vai koe uaine: 12 oku alu ia ki Kabancume mo Jelusalema, 14 oku ne fakamaa ae fale lotu lahi mei he kau fefakatauaki. 19 Oku ne tomua fakaha ene mate mo ene toetuu. 23 Oku tui ae toko lahi koe mea i he ene gaahi mana, ka nae ikai te ne faa faaki kiate kinautolu.
1BEA i hono tolu oe aho, nae ai ae taane i Kena i Kaleli; bea nae i ai ae fa‘e a Jisu: 2Bea nae tala ae taane kia Jisu, bea mo ene kau akoga. 3Bea i he toe jii ae uaine, bea behe e he fa‘e a Jisu kiate ia, Oku ikai haa nau uaine. 4Bea beheage e Jisu kiate ia, Fefine, koeha au kiate koe? oku heeki ai hokojia hoku aho. 5Bea behe e he ene fa‘e ki he kau tauhi, Koe mea kotoabe te ne fekau kiate kimoutolu, fai ai. 6Bea nae tuu i ai ae hina vai maka e ono, o fakatatau ki he aga oe fakamaa faka‐Jiu, koe bate e ua be tolu hono lahi. 7Bea behe e Jisu kiate kinautolu, Fakafonu ae gaahi hina vai i he vai. Bea naa nau fakabito gutugutu ia. 8Bea fekau eia kiate kinautolu, Fakatafe leva, o atu ki he bule oe katoaga. Bea naa nau atu ia. 9Bea kuo kamata e he bule oe katoaga ki he vai kuo liliu koe uaine, kae ikai ilo ia be koe mea meife: (ka nae ilo e he kau tauhi naa nau fakatafe ae vai;) bea ui ae bule oe katoaga ki he tagata taane, 10O ne behe ki ai, Oku tomua omi e he tagata kotoabe ae uaine lelei, bea ka lahilahiga lelei ae inu ae kakai, oku toki omi aia oku kovi: ka kuo ke tuku ae uaine lelei ki mui ni. 11Nae fai e Jisu ene fuofua mana ni i Kena i Kaleli, o ne fakaha ai hono nāunāu; bea nae tui ene kau akoga kiate ia.
12Hili eni, nae alu ia ki Kabaneume, aia, mo ene fa‘e, mo hono kaiga, mo ene kau akoga: bea nae ikai te nau aho lahi ai.
13Bea kuo ofi ae katoaga oe Lakaatu oe kakai Jiu, bea alu hake a Jisu ki Jelusalema, 14O ne ilo i he fale lotu lahi ae kau fakatau faga bulu moe sibi moe lube, bea moe nofo i ai ae kau fetogi baaga. 15Bea naa ne gaohi ha mea ta aki ae afo tuo iki, o ne kabuji akinautolu kotoabe mei he fale lotu lahi, moe faga sibi, moe faga bulu; o ne liligi ae gaahi baaga ae kau fetogi, bea fulihi ae gaahi balebale; 16Mo ne behe kiate kinautolu nae fakatau lube, Ave ae gaahi mea ni i heni: oua e gaohi ae fale o eku Tamai koe fale fakatau. 17Bea nae manatu ai ene kau akoga kuo tohi, Kuou ojiojiloto i he fai feiga ki ho fale.
18Bea leaage ae kau Jiu, o behe kiate ia, Koeha ae fakailoga oku ke fakaha kiate kimautolu, koeuhi i hoo fai ae gaahi mea ni? 19Bea leaage a Jisu, o behe kiate kinautolu, Veteki ae fale ni, bea teu fokotuu hake ia i he aho e tolu. 20Bea talaage e he kau Jiu, Koe ta‘u e fagofulu ma ono moe laga oe fale ni, bea te ke faa fokotuu hake ia i he aho e tolu? 21Ka nae lea ia ki he fale ko hono jino. 22Koia i he hili ene tuu hake mei he mate, nae manatu ene kau akoga, naa ne lea aki eni kiate kinautolu; bea ne nau tui ki he tohi, mo ia nae lea aki e Jisu.
23Bea i he ene i Jelusalema i he katoaga oe Lakaatu nae tui ae toko lahi ki hono huafa lolotoga ae katoaga, i he e nau mamata ki he gaahi mana naa ne fai. 24Ka nae ikai falala atu a Jisu kiate kinautolu, koeuhi naa ne ilo‘i akinautolu kotoabe. 25Bea nae ikai aoga ke fakailo e ha taha kiate ia ha mea i he tagata: he naa ne ilo‘i ae loto oe tagata.
Zvasarudzwa nguva ino
JONE 2: TWB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda