Luka 1
1
Kulumbulula
1Antu amavulu anakwati kumudimu wakusoneka nikushimuna nsaŋu yakutena yuma yitunakuhweleli chikupu mukachi ketu netu yalala;
2mwomwatulejeleluwu kudi #Heb 2:3ayinsahu #Yow 15:27; Yil 1:21-22; 1 Yow 1:1amweni namesu hatachikilili nsaŋu, adiŋi akwakukalakala mudimu wezu daNzambi.
3Dichi neli nami chachiwahi nikusonekeli nawa, eyi #Yil 1:1Tiyofwilu wasweja kulema, muloŋa nashinshiki dehi chakashinshi mwaya nsaŋu yejima hachuma hachuma, kufumisha hatachikilili nsaŋu;
4kulonda wiluki yuma yakulejeluwu, neyi akulejeli mwalala chikupu.
Kushimunaŋahu dehi kuvwalika kwaYowanu Njimiki
5Hadiŋi mwanta wawaYudeya #Mat 2:1Herodi kwadiŋi kapristu wumu, ijina dindi Zakariya, wakwizanvu #1 Kush 24:10daAbiya, iŋodindi wakudi anyana kaAroni, ijina dindi Elizabeta.
6Mwayedi wawu adiŋi antu #Kutach 7:1; Luk 2:25aloŋa kumesu aNzambi, endelaŋa mwaya nshimbi nimuyidika yaMWANTA yejima chakadi hakuyinkela muloŋa.
7Hiyadiŋi namwanaku, muloŋa Elizabeta wadiŋi nshinta, mwayedi wawu asweja dehi kukula.
8Chakoŋelaŋayi Zakariya mudimu windi wawupristu kumesu aNzambi, mwomwakalakelaŋa #1 Kush 24:19; 2 Kush 8:14; 31:2akwezanvu dindi,
9mwomuchaaku chamudimu wawupristu, chakwila kapristu wukwiŋila muTembeli yaMWANTA nakwocha #Kwi 30:7-8insensi, chiŋa yowu wakusakula nachinjikijilu chakusakula nachu hohu.
10Izaza dawantu dejima dadiŋi nakulombela hanzi hampinji yakwocha insensi.
11Kudi yena hikukumwekana #v26; 2:9; Kutach 16:7; Mat 1:20; Yil 5:19kaŋelu kaMWANTA nemani kukameŋa kakwochela insensi, kumbadi yachikasa chachidiilu.
12Zakariya chanamumoniyi hakwakama, #Dan 8:17; 10:7niwoma wumukwata nikumukwata.
13Kaŋelu hakumwila nindi, Eyi Zakariya, #v30; Kutach 15:1; Mat 14:27bayi wutiya womaku; kulembelela kweyi, anakutiyi, iŋodeyi Elizabeta wakakuvwela mwana weyala, wakamutumba ijina dindi neyi #v60, 63; Mat 3:1Yowanu.
14Eyi wakazaŋalala wakatiya kuwaha; amavulu akazaŋalala hakavwalikayi muloŋa akamumona kulema kudi MWANTA.
15Bayi akanwaŋa #7:33; Lev 10:9; Kuch 6:3; Ansomp 13:14vinyu hela walwa washetanaku; wakenzala naSpiritu Wajila kufumisha hakavwalikayi.
16Wakabalumuna anyana kaIsarela amavulu akatali kudi MWANTA Nzambi yawu.
17 # v76 Wakayaŋahu dehi kumbidi nimuSpiritu nimuŋovu yaElija,
#
Mat 11:14
Kulonda kubalumuna nyichima yawatata jawantu yakatali kudi anyanawu,
ájikwa akendi namaana awáloŋa; akamuloŋesheli MWANTA antu akawani amuloŋeshelawu dehi.
18Zakariya hakumwila kaŋelu nindi, Chumichi #v34; Kutach 15:8nukuchiluka ŋahi? Ami niipala deyala, niŋodami nasweji dehi kukula.
19Kaŋelu hakumwakula nindi, Ami yami #v26; Dan 8:16; 9:21Gabireli, nemanaŋa kumesu aNzambi; anantemeshi ninzi nihoshi neyi nikuleji nsaŋu iyi yayiwahi.
20Tiya, eyi wukwikala kamama, hiwukutwesha kuhoshaku, kushika nihamba kamwekana yumiyi, muloŋa wunabuli kukuhwelela mazu ami, akalumbuluka hakakweji kawu.
21Antu saŋa emenawu nakumuchiŋilila Zakariya, hiyakuhayama chadiŋi nakulabilayi muTembeli.
22Chanedikiyi kutwesha kuhosha nawu nehi, #v62kwakwinyeka namakasindi hohu, kukanwa chochikwamwena nzo-o. Eluka nikwiluka nawu namoni chuma muTembeli.
23Chelili mafuku indi akoŋelaŋayi mudimu anawanini dehi, hakuya kwitala dindi.
24Mafuku alondeli mumafuku owu, iŋodindi Elizabeta abaaba niivumu, hakudijinda tukweji tutanu,
25nindi, Dichi chanaŋiliyi MWANTA chanenziyi nakuntala mafuku anu, amfumishi #Kutach 30:23; Isa 4:1nsonyi yinatiyaŋa kudi akwetu antu.
Kushimunaŋahu dehi kuvwalika kwaYesu
26Hakakweji kamuchitanu nakamu, owu kaŋelu #v19Gabireli amutemesheli kudi Nzambi kumukala wamuŊaliliya wumu, ijina dawu #Mat 2:23Nazareta.
27Hakwinza kudi mumbanda wumu wakadi kudimonaŋahu dehi neyala, anakumini dakumwota kudi iyala ijina dindi #Mat 1:16, 18, 20; Luk 2:4Yosefu, wakumutaŋa waDavidi; ijina danowu mujiki diyi Mariya.
28Kaŋelu hakwiŋila mwadiŋiyi, hakumwila nindi, Kolaku, eyi anakutiyili luwi lwakubadika, MWANTA wudi naneyi; yeyi wunakooleki hakachi kawakwenu ambanda.
29Yena chanatiyiyi izu odu hakwakama nankashi, hakujinoka mumuchima windi nindi anaŋimushi ŋahi?
30Owu kaŋelu hakumwila nindi, Eyi Mariya, #v13; Mat 14:27bayi wutiya womaku; wunawani wuselewa kudi Nzambi.
31Tiya, wakabaaba ivumu, wakavwala mwana weyala, wakamutumba ijina dindi neyi #2:21; Mat 1:21, 25YESU.
32Yena wakekala muneni, akamutena nawu Mwana #v35, 76; Mak 5:7; Yil 7:48; 16:17; Heb 7:1kaMukwakubadika Mwiwulu, MWANTA Nzambi wakamwinka itanda dawanta datata yindi #Mat 1:1; Rom 1:3Davidi;
33wakekala mwanta wakumutaŋa waYakoba hayanyaka; #Mat 28:18wanta windi hiwamba kakumaku.
34Mariya hakumwila kaŋelu nindi, Chumichi chikutwesheka ŋahi, ichi chinabuli iyala?
35Kaŋelu hakumwakula nindi, #Mat 1:18, 20Spiritu Wajila wakenza hadeyi; ŋovu jaMukwakubadika Mwiwulu jakakuzeŋamina; dichi Ona Wajila iwakavwala, akamutena nawu hiMwana kaNzambi weyala.
36Tiya, nintaŋa yeyi Elizabeta niyena nawa nabaabi dehi ivumu damwana weyala muwushinakaji windi, mumbanda atenenaŋawu nawu nshinta; kakweji kanu diku kaneli dehi kamuchitanu nakamu.
37Muloŋa #Kutach 18:14; Yoba 42:2; Yer 32:17; Mat 19:26kwosi chuma chakukaŋanyayi Nzambuku.
38Mariya hakwila nindi, Tala ami kambuŋambala kaMWANTA; mwonsu muwunahoshi mumwekani kudami. Kaŋelu hakufuma kudi yena.
Mariya hakuhempula Elizabeta
39Wena mafuku owu Mariya hakunyamuka hakuya swayi kwiluŋa damapidi, kumukala wamuYuda wumu;
40hakwiŋila mwitala daZakariya, hakumwimusha Elizabeta.
41Elizabeta chanatiyiyi kwimusha kwamwimushiluwu kudi Mariya, mwana wadiŋi mwivumu dindi hakutuntoka. Elizabeta #v67hakwinzala naSpiritu Wajila.
42Hakubidika nezu daŋovu nindi, Yeyi #11:27-28; Ansomp 5:24wunakooleki hakachi kawakwenu ambanda, niwákafuma mwivumu deyi nakooleki.
43Ichi chanenziyi mama yaMwanta wami kudami chinafumi hanka?
44Talenu, izu diwunaŋimushi, chidineŋili mumatu ami, mwana wudi mwivumu dami hakutuntoka namuzaŋalu.
45Iwu mumbanda wakuhwelela nakooleki, muloŋa yuma yanamulejuwu kudi MWANTA yakamwekana.
Kamina kaMariya
46Mariya hakwila nindi,
#
1 Sam 2:1-10; Mas 34:2-3 Muchima wami hiwukumutohesha MWANTA.
47Spiritu yami #Mas 35:9; Isa 61:10yinazaŋalali naNzambi #Hab 3:18; 1 Tim 1:1; 2:3; Tit 1:3; 2:10; 3:4; Yuda 25Chamwinu chami.
48Muloŋa yena namoni chinabula kulema ami kambuŋindi.
Tiyenu, kufumisha kulelu makiŋu ejima amba kantenaŋa nawu wakooleka.
49Muloŋa mukwaŋovu naŋilili yuma yamaneni;
Niijina dindi dajila.
50Luwi lwindi lwamba kashikaŋa kumakiŋu ejima amba kamwakamaŋa.
51Namwekeshi ŋovu #Mas 98:1; 118:15-16; Isa 40:10nachikasa chindi;
Napalaŋeshi ádifuukwili nawu alema.
52Nafumishi anyanta hamatandawu awanta,
Natuumbakeshi akadi kulema.
53Nekutishi adiŋi nanzala nayuma yayiwahi,
Nahaŋi akwakuheta makasakasa.
54Nakwashi kambuŋindi Isarela aanuki luwi lwindi,
55Lwatiyililiyi #Mika 7:20Abarahama nianyanindi, #Kutach 17:19; 18:18; 22:17mwomwakanininiyi ankakulula jetu kufumisha kunyaka.
56Mariya hakushakama naElizabeta kafwampi neyi tukweji tusatu, hakufunta cheŋi kumukala wawu.
Kuvwalika kwaYowanu Njimiki
57Chawaninini mafuku akusampuluka; Elizabeta hakuvwala mwana weyala.
58Akwawu atuŋayi nindi kwakwihi, niantaŋa jindi, chanatiyuwu nawu MWANTA namutoŋi nankashi, hiyakuzaŋalala chimu nindi.
59Chelili ifuku damuchitanu nachisatu dinashiki dehi, hiyakwinza nawu #Kutach 17:12; Lev 12:3amwalamishi mwana; elili nawu amutumbi ijina datata yindi Zakariya.
60Kuchinka mama yindi nindi, Nehi, mutumbenu nenu #v13, 63Yowanu.
61Hiyakumwila nawu, Kwosi ntaŋa yeyi atumbawu dehi ijinoduku.
62Hiyakumukobola tata yindi kulonda ayileji danakeŋiyi kumutumba.
63Hakulomba ilola kulonda asonekuhu; hakusoneka nindi, Ijina dindi diyi Yowanu. Wejima wawu hiyakuhayama.
64Kanwa kindi kajikuka nihohenohu, niidimi dindi dilamuka nikulamuka, #v20hakuhosha mazu akumusakilila Nzambi.
65Woma wuyikwata niantu ejima atuŋili mbadi oyu; yumiyi yitiyakana nimwahita ituŋa daYudeya damapidi dejima ti-li-li.
66Antu ejima ayitiyili, hiyakuyisweka munyichima yawu nawu, Iwu mwana wamba kela ŋahi? Muloŋa #1 Anya 8:15; Yil 11:21chikasa chaMWANTA chadiŋi nayena.
Kamina kaZakariya
67Tata yindi Zakariya #v41hakwinzala naSpiritu Wajila, hakuprofweta, nindi,
68MWANTA Nzambi yaIsarela akiswilewi,
Muloŋa nenzi nakutala antu indi ayikuuli;
69Natunyamwini dehi #1 Sam 2:1, 10; Mas 18:1; 89:17; 132:17wamwinu waŋovu
Wakumutaŋa wakambuŋindi Davidi,
70Mwomwahosheliyi dehi kutunwa twawatuprofwetu twindi ajila kufumisha #Yil 3:21kunshankulu.
71Wamwinu wakutwamwina kudi akwankunyi netu,
Nikumakasa awantu ejima atuhelaŋa;
72kulonda akatiyili ankakulula jetu #Mika 7:20luwi
Hakwanuka #Mas 105:8-9; 106:45; Ezek 16:60kutiyaŋana kwindi kwajila.
73 #
Kutach 22:16-18
Kwokusanyika kwasanyikililiyi nkakulula yetu Abarahama;
74Kulonda chakutwamwinayi kumakasa awakwankunyi netu,
#
Heb 9:14
Twakamukalakelaŋa kumesu indi chakadi #1 Yow 4:18woma,
75 #
Efw 4:24
Nimukujila nimukuloŋa mafuku etu ejima.
76Nineyi mwana akakwilaŋa nawu wudi #Mal 4:5Kaprofwetu #v32kaMukwakubadika.
Wakatwaminaŋahu dehi kumbidi yaMWANTA, kulonda kumuloŋeshelaŋahu dehi njila jindi;
77Kulonda chiwakayitaŋisha neyi #Yer 31:34; Mak 1:4; Efw 1:7anayanakeni dehi nyiloŋa yenu,
Akeluki nawu anatuhandishi dehi,
78 #
Mukeŋa 3:22-24
naluwi lwaNzambi yetu lwawushona.
Naluwi olu twakamona nachu #Mal 4:2; 2 Pet 1:19kucha kwakufuma mwiwulu, kwakwinza nakututala;
79Kucha kwakutoŋekela ashakama #Mas 23:4; 107:14; Isa 9:2; Mat 4:16; Yil 26:18mumwidima nimuwulelu wakufwa,
Kwakalomboli nyendu yetu yakaholokeli munjila yakumona kuwunda.
80Mwana #2:40, 52wakulili, wakwatili ŋovu muspiritu, hakwikalaŋa muchinkalampata kushika nikwifuku damumwekesheluwu kudi aIsarela.
Zvasarudzwa nguva ino
Luka 1: MWW04
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Holy Bible in Lunda Ndembu © United Bible Societies, 2003.