Maku 15
15
Yesu kumesu aPilatu
(Mat 27:1-2; Luk 23:1; Yow 18:28)
1Henohu habudidi akulumpi jawatupristu, niakulumpi, nawansoneki, nichota chejima, hiyakukwata mpúŋa, hiyakumukasa Yesu, hiyakumutwala nakumwinkayi Pilatu.
2Pilatu hakumwihula nindi, Yeyi #Mat 27:11-14; Luk 23:2-3; Yow 18:33Mwanta wawaYudeya tahindi? Yena hakumwakula nindi, Mwomwenomu muwunahoshi.
3Akulumpi jawatupristu hiyakumwinka nyiloŋa yayivulu.
4Pilatu hakumwihula cheŋi nindi, Eyi kwakula nehi? Tiya nyiloŋa yidi nakukwinkawu kuvula!
5Ilaŋa Yesu haakwili cheŋuku; Pilatu ahayama nikuhayama.
6Ilaŋa hachawija wadiŋi nakuyisubwila #Mat 27:15-26; Luk 23:18-25; Yow 18:39-40muntu wamukaleya wumu akulombawu.
7Kwadiŋi muntu wamukaleya wumu ijina dindi Baraba, amushili mukaleya hamu nawantu aleteli njita yakulwa nawakwakuyuula ituŋa, hiyakujaha antu.
8Izaza hidikuya nakumulomba Pilatu kulonda ayilili mwayililaŋayi.
9Pilatu hakuyakula nindi, Munakeŋi niyisubwili Mwanta wawaYudeya, tahindi?
10Muloŋa yena welukili nindi akulumpi jawatupristu anamulubuli kudi yena hansaŋu yechima danatiyuwu.
11Ilaŋa akulumpi jawatupristu akanjikijili izaza dawantu nawu alombi kuyisubwila #Yil 3:14Baraba.
12Pilatu hakuyihula cheŋi nindi, Indi iwu mwatenaŋa nenu Mwanta wawaYudeya, nukumwila ŋahi?
13Ilaŋa wena hiyakubidika cheŋi nawu, Mupopelenu hakulusu.
14Pilatu hakuyila nindi, Muloŋanyi? Chuma chatama chanakoŋiyi chumanyi? Ilaŋa wena asweja nikubidika nawu, Mupopelenu hakulusu.
15Pilatu wakeŋeli kutiyisha izaza kuwaha, hakuyisubwila Baraba. Chanamuvupoliyi Yesu, hakumulubula nindi amupopeli hakulusu.
Mashidika hiyakumutaŋula Yesu
(Mat 27:17-31; Luk 23:11; Yow 19:2-3)
16Mashidika hiyakumutwala mwibulu dawu datenaŋawu nawu, Paretoriya. Hiyakutambika chendu chejima.
17Hiyakumuvwika ihina dawusombu, hiyakutuŋa chibaaba chanyiŋa, hiyakuchisha kumutu windi;
18hiyakutachika kumwimusha nawu, Kalombu, eyi Mwanta wawaYudeya!
19Hiyakumweta kumutu namutondu, hiyakumufwijila mazeŋi, hiyakufukama nakudifukula kudi yena.
20Chanamusehuwu, hiyakumuvuula odu ihina dawusombu, hiyakumuvwika cheŋi mahinindi. Hiyakumutwala amupopeli hakulusu.
Kumupopela Yesu haKulusu
(Mat 27:32-56; Luk 23:26-49; Yow 19:17-30)
21Hiyakukwata muntu wadiŋi nakuhita, yowu Shimona wakuKireni, tata yawaAlesanderi naRufusa, wadiŋi nakufuma mumpata, ayi nawu amusendeluku kulusu yindi.
22Hiyakumuleta kwatenaŋawu nawu kuGologota, chaya mukwila nawu Kuchaŋu.
23Hiyakumwinka vinyu yakubombashana nayihemba yamora; ilaŋa yena hayitambwiluku.
24Hiyakumupopela hakulusu; #Mas 22:18; Mat 27:35; Yow 19:24hiyakudipaŋila mahinindi nakudisakwila nachinjikijilu chakutambulawu nachu hamuntu hamuntu.
25Hamupopeleluwu hakulusu hadiŋi hampinji yamuchisatu (9:00 hrs).
26Mukanda wamuloŋa windi washiluwu hewulu, asonekeluhu nawu,
#
Mat 27:37
MWANTA WAWAYUDEYA.
27Hiyakupopela #Mat 27:38; Luk 23:39; Yow 19:18atupondu ayedi hamakulusu hamu nayena; wumu kuchikasa chindi chachidiilu, mukwawu kuchimunswa.
28Nyikanda yajila yelawu nawu,
#
Isa 53:12
Amuchindilili kumu nawakwanyiloŋa,
yilumbuluka nikulumbuluka.
29Antu adiŋi nakuhita hiyakumutukola nakumulembola nanyitu yawu nawu, A-a! Eyi wasandaŋa #13:2; 14:58; Yow 2:19Tembeli, hiwukuyituŋa cheŋi mumafuku asatu,
30damwini, sulukaku hakulusu.
31Chochimu nawa niakulumpi jawatupristu amuseheli mukachi kawu hamu nawansoneki nawu, #Mas 22:7-8Waamwinini akwawu, yomweni hanatweshi kudamwinaku.
32Mulekenu Kristu Mwanta wawaIsarela #Mat 27:42-44; Luk 23:39-43asuluki hakulusu katataka, tumoni kulonda tukuhweleli. Ninawa apopeleluwu hamakulusu hamu nindi amuhosheli chatama.
Kufwa kwaYesu
(Mat 27:45-50; Luk 23:44-46; Yow 19:28-30)
33Chiyashikili mpinji yamuchitanu nayimu (12:00 hrs), mwikala nimwidima mwituŋa dejima, kushika nikumpinji yamuchitanu nachiwana (15:00 hrs).
34Hampinji yamuchitanu nachiwana (15:00 hrs) Yesu hakubilela nezu daŋovu nindi,
Eloyi, Eloyi, lama sabakatani,
chaya mukwila nawu,
#
Mas 22:1
Nzambi yami, Nzambi yami, wunanshiyilidi kankawami?
35Amakwawu emenuku chanachitiyuwu, hiyakwila nawu, Tiyenu, hakutambika Elija.
36Wumu hakuya lufuchi nakwinzesha sponji #Mas 69:21navinyu yabatuka hakuyisha kwiteti, hakumwinka anwi, nindi, Mulekenu tutali neyi Elija wukwinza nakumukulula.
37Yesu hakubidika nezu daŋovu, atula niwumi windi.
38 #
Mat 27:51; Luk 23:45; Heb 10:19-20 Ihina dakujika muTembeli mwajila ditabuka nihakachi, kufumisha kwiwulu ndo-o nikwishina.
39Mukulumpi wamashidika wemenuku hatalaŋana nayena, chamweniyi chanatuliyi wumi windi chochochu, hakwila nindi, Chalala iwu muntu wadiŋi #1:11; 9:7; Mat 27:54; Luk 23:47Mwana kaNzambi.
40Kwadiŋi nawa #Mat 27:55-56; Luk 23:49; Yow 19:25ambanda adiŋi nakutalila hahalehi; hadi wena hadiŋi niMariya Mandaleni, niMariya mama yaYakoba wakansi naYosesi niSalomi;
41wowu amulondelaŋa #Luk 8:1-3nakumukalakela hadiŋiyi muŊaliliya, niambanda amakwawu amavulu enjiliyi nawu kuYerusalema.
Kujiika kwaYesu
(Mat 27:57-61; Luk 23:50-56; Yow 19:38-42)
42Chelili kuneli dehi #Kuhit 21:22-23melela, nanochu chelili hiifuku dakuloŋesha, dodifuku datambikaŋa Sabata,
43hikukwinza Yosefu wakuAramateya, muntu walumbwa muchota, niyena wadiŋi #Luk 2:25, 38nakutalila wanta waNzambi; hakuya mwadiŋi Pilatu chakadi woma, hakulomba mujimba waYesu.
44Pilatu hakuhayama nindi, Nafwi dehi? Hakutambika owu mukulumpi wamashidika, hakumwihula nindi, Hanafwiyi hanalehi dehi tahindi?
45Chanatiyiyi kudi owu mukulumpi wamashidika, hakumwinka Yosefu mufu.
46Yena hakulanda ihina ditooka, hakumukulula, hakumujiŋajiŋa mwihinodu ditooka, hakumukamika mwijamu dapokolawu dehi mwilola, kuchisu chejamu hakukunkumwinaku ilola.
47Mariya Mandaleni niMariya mama yaYosesi amweni kwamukamikiluwu.
Zvasarudzwa nguva ino
Maku 15: MWW04
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Holy Bible in Lunda Ndembu © United Bible Societies, 2003.