Иона 2

О Иона мангэлпэ Дэвлэс

1О РАЙ бишалдя барэ мащес, тэ накавэл лэ Ионас. О Иона сас трин дес и трин ратя андо йило лэ мащеско. 2Анда йило лэ мащестар о Иона ля тэ мангэлпэ лэ РАЕСТИ, пэстерэ Дэвлэсти. 3О Иона пхэндя:

— Пала мэрни бида акхаравас мэ лэ РАЕС,

и Вов ашундя ман.

Анда машкар лэ мулэнго тхагаримос цыпияс,

и Ту ашундян мэрно гласо.

4Шувидян ман Ту само тэлэ,

андо ди лэ барэ паеско.

О паи заболдя ман,

понадэ мандэ прожылэ саворэ Терэ волнэ.

5Гындояспэ манди:

«Витрадян ман Терэ якхэндар.

Но най, мэ саекх дикхава Теро свынто Храмо».

6О паи ушарадя ман,

дур сым андэ барэ пая,

тай э чяр лэ паести заболдя манди о шэро.

7Само тэлэ, катар барён э плая, ужылэмтар мэ,

о засовуря ла пхувяти запхандадилэ пала мандэ пэ ся время.

Ай Ту РАЙ, мэрно Дэл,

вилян ман жундэс андай могыла!

8Кала мэрно жувимос мудардёлас андэр мандэ,

мэ гындояс пала РАЙ,

тай мэрно мангимос дожыля каринг Тутэ,

андэ Теро свынто Храмо.

9Кола, ко патял лэ хохавнэ дэвлэнди,

хасардэ о тынгимос, саво саслэ тэ лэн.

10Ай мэрни жэртва Тути — мэрнэ диля,

савэнца ашарав тут.

Мэ ся стерава, андэ со солахаем.

О РАЙ анэл фиримос!

11И припхэндя о РАЙ лэ мащести, тэ вишункардэл андар пэстэ лэ Ионас пэ пхув.

Zvasarudzwa nguva ino

Иона 2: СРБ

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Dzidza Zvakawanda Pamusoro Pe Библия пэ влахицко романи шыб