Иона 3

О Иона пхэнэл о алав лэ Дэвлэско андэ Ниневия

1И сас о алав лэ РАЕСТАР каринг о Иона до дуйто:

2— Ущи, жа андо баро форо Ниневия тай роспхэн котэ о алав, саво Мэ дэм тути.

3О Иона жыля па дром андэ Ниневия кадя, сар припхэндя лэсти о РАЙ. Э Ниневия сас баро форо кай о Дэл, соп тэ пэрэжал лэс анда екх риг андэ авэр, сас трэбуй пэ када трин дес. 4О Иона зажыля андо форо и ся о дес пхирэлас и роспхэнэлас лэ манушэнди:

«Черэз э саранда деса о форо Ниневия авэла росшуто».

5Э мануша андэ Ниневия патяе лэ Дэвлэстерэ алавэнди. И саворэ вонэ, лэ цыкнэндар жы каринг э барэ, линэ нисо тэ на хан и тэ пэн, тай саворэ линэ пэр пэстэ лэ гонэстири йида.

6Кала дожыля о алав каринг о тхагар ла Ниневияко, вов ущиля па пэско троно, изля пар пэстэ э тхагарицко йида, ля пэр пэстэ лэ гонэстири йида тай бэшля по прахо. 7Тунче о тхагар искрисардя лил и розбишалдя лэс па ся форо Ниневия.

— Припхэнэн о тхагар и лэстерэ барэдэра:

Мэк э мануша нисо на хан и на пэн. Кадя жэ и гуруня, бакрэ тай э бузнэ, тэ на пхирэн пай маля, тэ на хан и тэ на пэн. 8Саворэ мануша тай сако хулаимос трэбуй тэ лэн пэр пэстэ лэ гонэстири йида. Мэк кажно анда ся зор мангэл лэ Дэвлэс. Мэк кажно обринпэ пэстерэ найлашэ дромэндар тай тэ на терэн холятерэ дила. 9Ко ганэн? Можэ, о Дэл улэла Пэсти холи, тай потынгоя амэн, тай на домэкэла тэ похасайвас.

10Сар о Дэл дикхля, кай вонэ парудилэ тай отжылэ пай пэсти бэзэхалэ дрома, тунче тынгосардя лэн и на бишалдя кодыя бида, сави пхэндя тэ бишалэл.

Zvasarudzwa nguva ino

Иона 3: СРБ

Sarudza vhesi

Pakurirana nevamwe

Sarudza zvinyorwa izvi

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Dzidza Zvakawanda Pamusoro Pe Библия пэ влахицко романи шыб