Dibandu 7
7
1Fumu amaruma Noe rie: Kotanu o dikumbi jenu na batu bagu botsu, mu mbari nyimalaba bu-ndeju usigama va gari batu batemu ejiji. 2Gukakotisa yigumi na bibulu bina bilioma biminongu na minongu: yisambuli yibalumi na yisambuali yibibusi; tumba bibulu abigaa bilioma gukakotisa bibeji buandi: mulumi na yibusi. 3Gukakotisa na batsoli wandi yisambuali yibalumi na yisambuali yibibusi yiri bigotsiemuga va butamba. 4Yisambuali yibilumbu binovioga mbana nyunoyisa mfula te na magumana manyangu na magumana mamikolu, mbana nyutsiemusa biotsu bibutamba abivu monyu abi nyimasala. 5Noe amadugusu motsu ama Fumu amamuruma.
Nyidu ubasa jibasi
6Ava nyidu jimabasila butamba, Noe amaba na kama yisiamunu tsibilima. 7Noe na baana bandi bababaala na mugatsi andi na bagatsi babaana bandi bamakota o dikumbi dimamba usuema nyidu. 8Na bibulu bilioma na abigaa bilioma na batsoli na bilandila, 9mulumi na yibusi bimunongu na munongu bimakota o dikumbi dimamba na baNoe nana Nsambi amamurumina. 10Yisambuali yibilumbu bino vioga nyidu jimabasa butamba.
11Yilima ayidugusu kama yisiamunu tsibilima biNoe mu yilumbu yimugumi na yisambuali, mu tsungi jimubeji muna yilumbu yieni bileka biotsu abimaba o tsi butamba bimafutsanga na julu jimapubuga. 12Mfula jimanoganga te na magumana manyangu na magumana mamikolu. 13Muna yilumbu yitega yiyisambuali yieni bamakotila o dikumbi dimamba: Noe na baana bandi bababaala, Sem na Cham na Japhet na mugatsi Noe na bagatsi barieru babaana bandi bababaala, 14na bibulu bimusiru bimunongu na munongu na biruitsi bimunongu na munongu na bilandila bimunongu na munongu, na batsoli botsu bageyi bamunongu na munongu. 15Biotsu abivumi bimakota bibeʼ bibeji o dikumbi dimamba na baNoe. 16Bimakota mulumi na yibusi bimunongu na munongunana Nsambi amarumina Noe. Mbana Fumu amamudibiyila diguyi.
17Nyidu jimabasa butamba te na magumana mabilumbu. Mamba mamabasa te na mamatsayiga dikumbi dimamba. 18Mamba mamaviolila ubasa levi-levi va butamba buotsu te na dikumbi dimamba dimayenapevanga yiari na yiari. 19Mamba mamaviolila ubasa te na mikongu miotsu misakama mimadiama. 20Mamte mamamata yisambuali yimetera na yibuku va julu tsimikongu mieni amimadiama. 21Biotsu abimalinganga va butamba bimafu: ne batsoli, ne biruitsi ne bibulu ne biiandila biotsu te na batu botsu. 22Biotsu abimalebanganga monyu va butamba bimafu. 23Anana Fumu amatsiemusiia biotsu abimaba monyu abimalebanganga va butamba ubandila na batu te na biniitsi na biiandila na batsoli: biotsu bimatsiemusu. Yika Noe amasiala na biotsu abimaba nandi o dikumbi dimamba.
Noe upala epati mu dikumbi dimamba
24Nyidu jimatsinga vaʼbutamba kama na magumaranu mabilumbu.
Zvasarudzwa nguva ino
Dibandu 7: PUU1992
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
La sainte Bible en langue Yipunu © Alliance Biblique du Cameroun, 1992.