Yoáni 18
18
Ɓándungi Yéso
(Ɔna phɔtɔ Mat 26.47-56; Mkɔ 14.43-50; Lók 22.47-53)
1Mbusa á mɛma Abakɛ ɓó, Yéso áoga na ɓagoigi nɛkɛ, kubi á miki-iɓo moci, ina akɛ Kidɔɔ́ni#Ɔna Mkɔ 11.1. Wa, ɗátú na ciko moci, nnde yɛ na ɓagoigi nɛkɛ ɗáɓángi kau. 2Yúda, mmbé ɗátúɔntɔnga Yéso, ɗáoúba ɔma ndɔ nga, Yéso na ɓagoigi nɛkɛ, ɗáɓáodondanaga ɓei. 3Yúda áɔsɔndɔa mɔɔmba á ɓato émani na ɓaɓondigi nde ɓagbɛga á ɓatoɓeigi-phɛ́a na Ɓaphaisáyɔ ɗáɓěteki. Ɓáoga kó na ɓákúmbigi ɔbɛa, kapiki-piki na nkumba émani. 4Ɓî Yéso ɗáoúba kema bubui nde ankiɗianeande, áɔsɛkɛɗa kuɓî ɓáɔ, áǒúsia: «Ani mmbé ɓoonkaɓa?» 5Ɓáonsikisia gea: «Yéso, ɓa Najalɛ́ti.» Yéso áǒngoɗea: «Eme yɛ.» Yúda mmbɔ ɗátúɔntɔnga, ɗátú wa, kimoci na ɓɔ. 6Cɔ, ɓî Yéso ěgi: «Eme yɛ»: Ɓáoja mbusa, ɓáogua ka oɗo gbu!
7Yéso â goto ǒúsia: «Ani mmbé ɓoonkaɓa?» Ɓáonsikisia: «Yéso, ɓa Najalɛ́ti.» 8Yéso áǒgea: «Nenóngoɗi ye gea, eme yɛ. Ɓî eme aámbé ɓoomokaɓa, óɗeketani ɓakpa nde nena ɓɔ ɓágɛ nɛɓɔ.» 9Yéso ɗáyɔngi ɓó ka gea, nyɔngɔ nde ɗáyɔngi mosá, átɔtɔkɛanɛ. Nyɔngɔ ndɔ aungee: «Ɗékémɓungisi ka ɓakpa nde ɗómopi.»
10Cɔ, Simɔ́ni Pɛ́tɛɛ ɗátú na mɓɛngɛ, áophúia ú, áotena kecue á njaga á mǔku á mbɛɗanigi ndea ngbɛga á ɓatoɓeigi-phɛ́a cé! Ina á mbɛɗanigi ndɔ ɗátú Málkɔ. 11Yéso â gǎkɛ ongoɗea Pɛ́tɛɛ ɓe: «Sikisa mɓɛngɛ nɛkɔ suɓi á paaɓɔ. Kénóɛeka cǎ á tambaga nde Abɛ ɗámopi?»
Ɓánge na Yéso mɔtɛ á Anási
12Cɔ, ɓato émani, mɔkɔta nɛɓɔ, na ɓaɓondigi ndea Ɓayúda, ɓáondunga Yéso, ɓáomɓóaga. 13Ɓáonga phɔ́ ně mɔtɛ á Anási#Ɔna Lók 3.2. Ana ɗátú nyamɔtɔ akɛ na Kayápha ímbé mǒko. Kayápha ɗátú ngbɛga á ɓatoɓeigi-phɛ́a ka saga ndɔɔ. 14Kayápha aámbé ɗáɛ́phɛí ɓakɔta á Ɓayúda gea: «Akeni nkpa moci ákuwɛ ka nyɔngɔ á ɓakpa ɓɔbu#Ɔna Yoá 11.49-50.»
Pɛ́tɛɛ angani gea, nna ngoigi ndea Yéso
(Ɔna phɔtɔ Mat 26.69-70; Mkɔ 14.66-68; Lók 22.55-57)
15Cɔ, Simɔ́ni pɛ́tɛɛ na ngoigi ɓaangbo ɗáɓátú omɓea Yéso. Ngbɛga á ɓatoɓeigi-phɛ́a ɗáomúba ngoigi ɓaangbo ndɔɔ. Kaɓondɔ unge, yɛ ɗángí kimoci na Yéso suɓi á ɓogaɔ éndu ndea ngbɛga á ɓatoɓeigi-phɛ́a. 16Pɛ́tɛɛ gǎkɛ, áojiga bíbí á iso á mpume na ntanga. Ngoigi ɓaangbo ndɔ, mmbé ngbɛga á ɓatoɓeigi-phɛ́a ɗáomúba, áojuana, áɔyɔngaga na nke mɓondigi-kǐo, mpɔ áongisisa Pɛ́tɛɛ. 17Nke mɓondigi-kǐo ndɔ áomúsia Pɛ́tɛɛ: «Oɓɛ, kó phɔ́ ka ɓagoigi ndea nkpa ndɔ?» Yɛ áonsikisia te: «Ɓɛɛndɔ, ké ka ɓɔ.» 18Ɓî ɓabɛɗanigi na ɓaɓondigi ɗáɓátú na phiɔ, ɗáɓátoɓu nsa ka ɔta í. Pɛ́tɛɛ ɗátú phɔtɔ ɔɔ́ta na ɓɔ.
Tena á nyɔngɔ ndea Yéso mɔtɛ á Anási
(Ɔna phɔtɔ Mat 26.50-66; Mkɔ 14.55-64; Lók 22.66-71)
19Ngbɛga á ɓatoɓeigi-phɛ́a áomúsiaga Yéso ka nyɔngɔ á ɓagoigi nɛkɛ na nyɔngɔ nde ɗátú ogoisaga. 20Yéso áonsikisia: «Ɗɛ́yɔngi base mosá á ɓakpa ɓɔbu, néogoisaga k'éndu á madondanɔ ndea Ɓayúda ka nyɔngɔ á Mokonga na k'éndu á Mokonga, kuɓî Ɓayúda ɓɔbu ɓáodondanaga. Ɗékébuníígi ka nyɔngɔ mosá á ɓakpa. 21Cɔ, oomoúsiaga ka ɓo? Óúsiani ɓunde ɓátɔ́ɔ́ki nyɔngɔ nde netóengoɗi. Ɓɔ ɓáunge ɓáoúba nyɔngɔ nde nɛtɔ́yɔngi.» 22Ɓî Yéso ayɔngi ye ɓó, ka ɓaɓondigi moci, mmbé ɗátú bíbí akɛ, áomɓɛta ka ngaga, áongea: «Ɓondɔ unge oonsikisia ngbɛga á ɓatoɓeigi-phɛ́a?» 23Yéso áonsikisia ɓe: «Kaɓɛ na nɛtɔ́yɔngi ájeɗe, ósoúbisa ɓojeɗe kau. Kaɓɛ gǎkɛ na nɛtɔ́yɔngi ánjá, ɔmɔɓɛti ka ɓo?» 24Mpɔ, Anási áonteka Yéso na ɓámɓóege, mɔtɛ á Kayápha, ngbɛga á ɓatoɓeigi-phɛ́a.
Pɛ́tɛɛ angáni goto Yéso
(Ɔna phɔtɔ Mat 26.71-75; Mkɔ 14.69-72; Lók 22.58-62)
25Ka mbenɔ ndɔ, Simɔ́ni Pɛ́tɛɛ ɗá phɔ́tɔ ɔɔ́ta nsa. Wa, ɓáomúsia: «Ɔɓɛ kó phɔtɔ ka ɓagoigi ndea nkpa ndɔ?» Yɛ, áongána: «Ɓɛɛndɔ ké ka ɓɔ.» 26Mpɔ, ka ɓabɛɗanigi ndea ngbɛga á ɓatoɓeigi-phɛ́a, nto á k'ékombo ndea mmbé Pɛ́tɛɛ ɗánteni kecue, áomúsia: «Ɗɛ́kɛ́kɔɔni phɔ́ na Yéso ka ciko?» 27Pɛ́tɛɛ â goto ongána. Kɛ̌kɛndɔ tɔ, kɔkɔ áɔɔsa, kɔ́kɔ́kɔ́íkíɔɔ!
Yéso a mosá á mɔkɔta Pilátɔ
(Ɔna phɔtɔ Mat 27.1-2,11-14; Mkɔ 15.1-5; Lók 23.1-5)
28Ka mɔkɛsuɛ, ɓaamɛ á Ɓayúda ɓáonjuana na Yéso mɔtɛ á mɔkɔta Kayápha, ɓáonga ně k'éndu ndea moamɛ á ntanga-nji ndea Ɓalɔ́ma. Ɗáɓákángi gǎkɛ k'éndu ndɔ nga, ɗáɓákátúokonda ɓájɔɔkanɛ ka nyɔngɔ á ea á Pasáka. 29Kaɓondɔ, Pilátɔ áojuana kuɓî ɓáɔ, áǒúsia: «Ɓɔntɔngi nkpa nde ka ɓo?» 30Ɓayúda ɓáonsikisia te: «Atúoɓá na nna nkpa ajéde, ámbé ɓékémbisi ka njaga akɔ.» 31Mpɔ, Pilátɔ áǒngoɗea: «Cɔ, mbɛɗani tɔ sasanu, ɓótenɛ nyɔngɔ nɛkɛ ɓíndɔ ɛɔphi nɛnu asosi.» Ɓayúda ɓáongea: «Ɓéké na kɔkɔta á kusa nkpa.»
32Ande gea, yɔngaga nɛɓɔ ɗátɔtɔkisi ɓoabi nde Yéso ɗáabi ka phangia etéte á kukuwa akɛ. 33Cɔ, Pilátɔ â goto ongia k'éndu, áɔmɔphana Yéso, áomúsia: «Moko, onde moamɛ ndea Ɓayúda?» 34Yéso áonsikisia: «Músiɔ ndɔ atóki ka měma akɔ? Kaɓɛ na nna ɓó, ande gea te, ɓakpa ɓuangbo ɓáunge ɓáɔtɔ̌mi nyɔngɔ ani?» 35Pilátɔ áonsikisia: «Eme, nende Moyúda? A tɔ ɓato á k'ékuna nɛkɔ na ɓagbɛga á ɓatobeigi-phɛ́a ɓáunge ɓátɔ́ɔtɔngi mɔtɛ-amɔ. Cɔ, ekende otógi?»
36Yéso áonsikisia gea: «Koɓoamɛ nɛmɔ nna á ka mokonda ndee. Atúoɓá koɓoamɛ nɛmɔ n'ande á ka mokonda nde, ámbé ɓato á ka koɓoamɛ nɛmɔ ɗáɓámomanei gea, ɓákamobisɛmbɛ ka njaga á ɓaamɛ ndea Ɓayúda. Koɓoamɛ nɛmɔ nna gǎkɛ á wani.» 37Mpɔ, Pilátɔ áomúsia: «Ande gea te, opɛ moamɛ?» Yéso áonsikisia: «A ɓíndɔ otóki ka yɔnga í gea, nende moamɛ. Ɗébiki ka mokonda, nɛ́ɔɓɔkɔtɛana ka gea, nɛ́tɔ̌miɛ nyɔngɔ ɗoni. Nto á ɗoni buakɛ áɔ́kɛ ɛsɔ ani.» 38Pilátɔ áomúsia: «Ɗoni ande kema sina?» Mbusa á yɔnga akɛ ɓó, Pilátɔ â goto ojuana, áoga kuɓî Ɓayúda ɓáɔ. Áǒngoɗea: «Eme, kɛ́ɔni kema ájeɗe nde akeni tena á nyɔngɔ á nkpa nde akpɛ kau. 39Cɔ, ka ɓea asii nɛnu, neonkoɗa nto á mekakɔ moci, esa á Pasáka. Ɓokondi gǎkɛ nénkoɗɛ moamɛ ndea Ɓayúda?» 40Ɓâ gǎkɛ onkogea: «Hoo! Nna mmbee! Ɓe ndiu onkonda Baanába!» Baanába ɗátú nto á kaiso#Ɔna Eku 3.14.
Zvasarudzwa nguva ino
Yoáni 18: KMW
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.
Yoáni 18
18
Ɓándungi Yéso
(Ɔna phɔtɔ Mat 26.47-56; Mkɔ 14.43-50; Lók 22.47-53)
1Mbusa á mɛma Abakɛ ɓó, Yéso áoga na ɓagoigi nɛkɛ, kubi á miki-iɓo moci, ina akɛ Kidɔɔ́ni#Ɔna Mkɔ 11.1. Wa, ɗátú na ciko moci, nnde yɛ na ɓagoigi nɛkɛ ɗáɓángi kau. 2Yúda, mmbé ɗátúɔntɔnga Yéso, ɗáoúba ɔma ndɔ nga, Yéso na ɓagoigi nɛkɛ, ɗáɓáodondanaga ɓei. 3Yúda áɔsɔndɔa mɔɔmba á ɓato émani na ɓaɓondigi nde ɓagbɛga á ɓatoɓeigi-phɛ́a na Ɓaphaisáyɔ ɗáɓěteki. Ɓáoga kó na ɓákúmbigi ɔbɛa, kapiki-piki na nkumba émani. 4Ɓî Yéso ɗáoúba kema bubui nde ankiɗianeande, áɔsɛkɛɗa kuɓî ɓáɔ, áǒúsia: «Ani mmbé ɓoonkaɓa?» 5Ɓáonsikisia gea: «Yéso, ɓa Najalɛ́ti.» Yéso áǒngoɗea: «Eme yɛ.» Yúda mmbɔ ɗátúɔntɔnga, ɗátú wa, kimoci na ɓɔ. 6Cɔ, ɓî Yéso ěgi: «Eme yɛ»: Ɓáoja mbusa, ɓáogua ka oɗo gbu!
7Yéso â goto ǒúsia: «Ani mmbé ɓoonkaɓa?» Ɓáonsikisia: «Yéso, ɓa Najalɛ́ti.» 8Yéso áǒgea: «Nenóngoɗi ye gea, eme yɛ. Ɓî eme aámbé ɓoomokaɓa, óɗeketani ɓakpa nde nena ɓɔ ɓágɛ nɛɓɔ.» 9Yéso ɗáyɔngi ɓó ka gea, nyɔngɔ nde ɗáyɔngi mosá, átɔtɔkɛanɛ. Nyɔngɔ ndɔ aungee: «Ɗékémɓungisi ka ɓakpa nde ɗómopi.»
10Cɔ, Simɔ́ni Pɛ́tɛɛ ɗátú na mɓɛngɛ, áophúia ú, áotena kecue á njaga á mǔku á mbɛɗanigi ndea ngbɛga á ɓatoɓeigi-phɛ́a cé! Ina á mbɛɗanigi ndɔ ɗátú Málkɔ. 11Yéso â gǎkɛ ongoɗea Pɛ́tɛɛ ɓe: «Sikisa mɓɛngɛ nɛkɔ suɓi á paaɓɔ. Kénóɛeka cǎ á tambaga nde Abɛ ɗámopi?»
Ɓánge na Yéso mɔtɛ á Anási
12Cɔ, ɓato émani, mɔkɔta nɛɓɔ, na ɓaɓondigi ndea Ɓayúda, ɓáondunga Yéso, ɓáomɓóaga. 13Ɓáonga phɔ́ ně mɔtɛ á Anási#Ɔna Lók 3.2. Ana ɗátú nyamɔtɔ akɛ na Kayápha ímbé mǒko. Kayápha ɗátú ngbɛga á ɓatoɓeigi-phɛ́a ka saga ndɔɔ. 14Kayápha aámbé ɗáɛ́phɛí ɓakɔta á Ɓayúda gea: «Akeni nkpa moci ákuwɛ ka nyɔngɔ á ɓakpa ɓɔbu#Ɔna Yoá 11.49-50.»
Pɛ́tɛɛ angani gea, nna ngoigi ndea Yéso
(Ɔna phɔtɔ Mat 26.69-70; Mkɔ 14.66-68; Lók 22.55-57)
15Cɔ, Simɔ́ni pɛ́tɛɛ na ngoigi ɓaangbo ɗáɓátú omɓea Yéso. Ngbɛga á ɓatoɓeigi-phɛ́a ɗáomúba ngoigi ɓaangbo ndɔɔ. Kaɓondɔ unge, yɛ ɗángí kimoci na Yéso suɓi á ɓogaɔ éndu ndea ngbɛga á ɓatoɓeigi-phɛ́a. 16Pɛ́tɛɛ gǎkɛ, áojiga bíbí á iso á mpume na ntanga. Ngoigi ɓaangbo ndɔ, mmbé ngbɛga á ɓatoɓeigi-phɛ́a ɗáomúba, áojuana, áɔyɔngaga na nke mɓondigi-kǐo, mpɔ áongisisa Pɛ́tɛɛ. 17Nke mɓondigi-kǐo ndɔ áomúsia Pɛ́tɛɛ: «Oɓɛ, kó phɔ́ ka ɓagoigi ndea nkpa ndɔ?» Yɛ áonsikisia te: «Ɓɛɛndɔ, ké ka ɓɔ.» 18Ɓî ɓabɛɗanigi na ɓaɓondigi ɗáɓátú na phiɔ, ɗáɓátoɓu nsa ka ɔta í. Pɛ́tɛɛ ɗátú phɔtɔ ɔɔ́ta na ɓɔ.
Tena á nyɔngɔ ndea Yéso mɔtɛ á Anási
(Ɔna phɔtɔ Mat 26.50-66; Mkɔ 14.55-64; Lók 22.66-71)
19Ngbɛga á ɓatoɓeigi-phɛ́a áomúsiaga Yéso ka nyɔngɔ á ɓagoigi nɛkɛ na nyɔngɔ nde ɗátú ogoisaga. 20Yéso áonsikisia: «Ɗɛ́yɔngi base mosá á ɓakpa ɓɔbu, néogoisaga k'éndu á madondanɔ ndea Ɓayúda ka nyɔngɔ á Mokonga na k'éndu á Mokonga, kuɓî Ɓayúda ɓɔbu ɓáodondanaga. Ɗékébuníígi ka nyɔngɔ mosá á ɓakpa. 21Cɔ, oomoúsiaga ka ɓo? Óúsiani ɓunde ɓátɔ́ɔ́ki nyɔngɔ nde netóengoɗi. Ɓɔ ɓáunge ɓáoúba nyɔngɔ nde nɛtɔ́yɔngi.» 22Ɓî Yéso ayɔngi ye ɓó, ka ɓaɓondigi moci, mmbé ɗátú bíbí akɛ, áomɓɛta ka ngaga, áongea: «Ɓondɔ unge oonsikisia ngbɛga á ɓatoɓeigi-phɛ́a?» 23Yéso áonsikisia ɓe: «Kaɓɛ na nɛtɔ́yɔngi ájeɗe, ósoúbisa ɓojeɗe kau. Kaɓɛ gǎkɛ na nɛtɔ́yɔngi ánjá, ɔmɔɓɛti ka ɓo?» 24Mpɔ, Anási áonteka Yéso na ɓámɓóege, mɔtɛ á Kayápha, ngbɛga á ɓatoɓeigi-phɛ́a.
Pɛ́tɛɛ angáni goto Yéso
(Ɔna phɔtɔ Mat 26.71-75; Mkɔ 14.69-72; Lók 22.58-62)
25Ka mbenɔ ndɔ, Simɔ́ni Pɛ́tɛɛ ɗá phɔ́tɔ ɔɔ́ta nsa. Wa, ɓáomúsia: «Ɔɓɛ kó phɔtɔ ka ɓagoigi ndea nkpa ndɔ?» Yɛ, áongána: «Ɓɛɛndɔ ké ka ɓɔ.» 26Mpɔ, ka ɓabɛɗanigi ndea ngbɛga á ɓatoɓeigi-phɛ́a, nto á k'ékombo ndea mmbé Pɛ́tɛɛ ɗánteni kecue, áomúsia: «Ɗɛ́kɛ́kɔɔni phɔ́ na Yéso ka ciko?» 27Pɛ́tɛɛ â goto ongána. Kɛ̌kɛndɔ tɔ, kɔkɔ áɔɔsa, kɔ́kɔ́kɔ́íkíɔɔ!
Yéso a mosá á mɔkɔta Pilátɔ
(Ɔna phɔtɔ Mat 27.1-2,11-14; Mkɔ 15.1-5; Lók 23.1-5)
28Ka mɔkɛsuɛ, ɓaamɛ á Ɓayúda ɓáonjuana na Yéso mɔtɛ á mɔkɔta Kayápha, ɓáonga ně k'éndu ndea moamɛ á ntanga-nji ndea Ɓalɔ́ma. Ɗáɓákángi gǎkɛ k'éndu ndɔ nga, ɗáɓákátúokonda ɓájɔɔkanɛ ka nyɔngɔ á ea á Pasáka. 29Kaɓondɔ, Pilátɔ áojuana kuɓî ɓáɔ, áǒúsia: «Ɓɔntɔngi nkpa nde ka ɓo?» 30Ɓayúda ɓáonsikisia te: «Atúoɓá na nna nkpa ajéde, ámbé ɓékémbisi ka njaga akɔ.» 31Mpɔ, Pilátɔ áǒngoɗea: «Cɔ, mbɛɗani tɔ sasanu, ɓótenɛ nyɔngɔ nɛkɛ ɓíndɔ ɛɔphi nɛnu asosi.» Ɓayúda ɓáongea: «Ɓéké na kɔkɔta á kusa nkpa.»
32Ande gea, yɔngaga nɛɓɔ ɗátɔtɔkisi ɓoabi nde Yéso ɗáabi ka phangia etéte á kukuwa akɛ. 33Cɔ, Pilátɔ â goto ongia k'éndu, áɔmɔphana Yéso, áomúsia: «Moko, onde moamɛ ndea Ɓayúda?» 34Yéso áonsikisia: «Músiɔ ndɔ atóki ka měma akɔ? Kaɓɛ na nna ɓó, ande gea te, ɓakpa ɓuangbo ɓáunge ɓáɔtɔ̌mi nyɔngɔ ani?» 35Pilátɔ áonsikisia: «Eme, nende Moyúda? A tɔ ɓato á k'ékuna nɛkɔ na ɓagbɛga á ɓatobeigi-phɛ́a ɓáunge ɓátɔ́ɔtɔngi mɔtɛ-amɔ. Cɔ, ekende otógi?»
36Yéso áonsikisia gea: «Koɓoamɛ nɛmɔ nna á ka mokonda ndee. Atúoɓá koɓoamɛ nɛmɔ n'ande á ka mokonda nde, ámbé ɓato á ka koɓoamɛ nɛmɔ ɗáɓámomanei gea, ɓákamobisɛmbɛ ka njaga á ɓaamɛ ndea Ɓayúda. Koɓoamɛ nɛmɔ nna gǎkɛ á wani.» 37Mpɔ, Pilátɔ áomúsia: «Ande gea te, opɛ moamɛ?» Yéso áonsikisia: «A ɓíndɔ otóki ka yɔnga í gea, nende moamɛ. Ɗébiki ka mokonda, nɛ́ɔɓɔkɔtɛana ka gea, nɛ́tɔ̌miɛ nyɔngɔ ɗoni. Nto á ɗoni buakɛ áɔ́kɛ ɛsɔ ani.» 38Pilátɔ áomúsia: «Ɗoni ande kema sina?» Mbusa á yɔnga akɛ ɓó, Pilátɔ â goto ojuana, áoga kuɓî Ɓayúda ɓáɔ. Áǒngoɗea: «Eme, kɛ́ɔni kema ájeɗe nde akeni tena á nyɔngɔ á nkpa nde akpɛ kau. 39Cɔ, ka ɓea asii nɛnu, neonkoɗa nto á mekakɔ moci, esa á Pasáka. Ɓokondi gǎkɛ nénkoɗɛ moamɛ ndea Ɓayúda?» 40Ɓâ gǎkɛ onkogea: «Hoo! Nna mmbee! Ɓe ndiu onkonda Baanába!» Baanába ɗátú nto á kaiso#Ɔna Eku 3.14.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.