Yoáni 19
19
1Mpɔ, Pilátɔ áososea gea, ɓángɛ na Yéso ka ɓinda akɛ. 2Ɓato émani ɓáooka kuku á ngenge, ɓáomakea ka mɔ̌ akɛ. Ɓâ phɔtɔ ɔmɔ́lisa bɔngɔ ánjɛ. 3Ɓáɔsɛkɛɗa bíbí akɛ, ɓáongoɗea: «Moamɛ ndea Ɓayúda, samba!» Ɓáontaiaga ka ngaga.
4Pilátɔ â goto ojuana, áǒngoɗea ɓakpa: «Cɔ, neonjuanisa Yéso ka úbisa anu gea, kɛɔni nyɔngɔ ájeɗe nde akeni ka tena á nyɔngɔ nɛkɛ akpɛ.» 5Mpɔ, Yéso áojuana n'aɔ́li kuku á ngenge phɔtɔ na bɔngɔ ánjɛ. Pilátɔ áǒngoɗea: «Nkpa ndɔ, a yɛ.» 6Ɓî ɓagbɛga á ɓatobeigi-phɛ́a na ɓabɛɗanigi nɛɓɔ ɓámɔni Yéso, ɓáɔyɔnga n'ɛsɔ akpɛ gea: «Nkɔkɛagani ka moyangɔ! Nkɔkɛagani ka moyangɔ!» Pilátɔ â gǎkɛ ǒgea: «Ngani ně ɓenu sasanu, ɓɔ́nkɔkɛɛgɛ ka moyangɔ. Nga, kɛ́ɔni nyɔngɔ ájeɗe nde akeni ka tena á nyɔngɔ nɛkɛ akpɛ.» 7Ɓayúda ɓáonsikisia: «Ɓesu, ɓena ɛɔphi. Ka ɓeana n'ɛɔphi ndɔ, akeni ákuwɛ ka nyɔngɔ nde agi te, ande Muna-Mokonga.»
8Ɓî Pilátɔ aɔ́ki ye nyɔngɔ ndɔ, â goto oɓá na kɔɓɔɓɔkɔ phɛɛ. 9Â goto ongia k'éndu, áomúsia Yéso: «Otókima wani?» Yéso kansikisiɛ gǎkɛ ka nyɔngɔ. 10Mpɔ Pilátɔ â goto omúsia: «Kóna ka nyɔngɔ á sikisia ani? Kóoúba gea, nena kɔkɔta á ɗeketa akɔ, ne phɔtɔ na kɔkɔta á kusa akɔ ka moyangɔ?» 11Yéso áonsikisia: «Kóná ka kɔkɔta gǔ ani, na nna tɔndɔ nnde ɓákophi ka toka na koba. Kaɓondɔ unge, nkpa nde amobisi ka njaga akɔ, ɓojeɗe ínɛkɛ anyɛ́nyɛi nɛkɔ.» 12Ka mbenɔ ndɔ tɔ, Pilátɔ áokaɓa ɗeketa á Yéso. Ɓayúda ɓâ gǎkɛ ɔyɔnga n'ɛsɔ akpɛ gea: «Aoɓá n'onɗeketi nkpa nde, kó gǎkɛ dakɛ na moamɛ á Ɓalɔ́ma. Nkpa buakɛ mmbé ěɗokomisi gea ande moamɛ, ande mɓiɓia á moamɛ á Ɓalɔ́ma.»
13Ɓî Pilátɔ aɔ́ki ye nyɔngɔ ndɔ, áonjuanisa Yéso, áoika ka kankaanga á nteni-nyɔngɔ, k'ɔ́ma nde ɓáɔɔphana ka Kiɛbulanía Gabata, ande gea, Mɓombe á ɛtɛ. 14Ɗátú esa á ɓɔngisiaga jaí á Pasáka, bíbí á kantende. Mpɔ Pilátɔ áǒngoɗea Ɓayúda: «Cɔ, Moamɛ nɛnu a yɛ.» 15Ɓâ gǎkɛ ɔyɔnga n'ɛsɔ akpɛ gea: «Ákuwɛ! Ákuwɛ! Nkɔkɛagani ka moyangɔ!» Pilátɔ áǒɓúsia: «Ande gea te, nɛ́nkɔkisɛgɛ moamɛ nɛnu ka moyangɔ?» Ɓagbɛga á ɓatoɓeigi-phɛ́a ɓáonsikisia te: «Ɓéké na moamɛ ɓaangbo, tɔndɔ moamɛ á Ɓalɔ́ma!» 16Pilátɔ áombisa Yéso ka njaga aɓɔ gea, ɓánkɔkɛɛgɛ ka moyangɔ. Mpɔ, ɓato émani ɓâ ye tɔ onga ně.
Ɓato émani ɓáɔnkɔkɛaga Yéso gǔ á moyangɔ
(Ɔna Mat 27.32-44; Mkɔ 15.21-32; Lók 23.26-43)
17Yéso áokumba moyangɔ nɛkɛ, áɔmɛa, áoga ɔma nde ɓáɔɔphana ka Kiɛbulanía Gɔlɔgɔta ande gea, Gangata. 18Ɔma ndɔ unge ɗáɓánkɔkɛigi Yéso ka moyangɔ. Ɓâ phɔtɔ ɔ̌kɔkɛaga ɓakpa ɓaɓɛ kimoci na yɛ, moci ka njaga á mǔku, ɓaangbo ka njaga á nkei. Yéso áoɓá sɔsɔɓɛ aɓɔ. 19Pilátɔ â phɔtɔ oɗundusa gǔ á gáo, áobisa ú ka moyangɔ. Ɗáɗundu gǎkɛ ɓe: YÉSO ƁA NAJALƐ́TI MOAMƐ NDEA ƁAYÚDA. 20Cɔ, Ɓayúda ɓásii ɓáotanga ɗundua ndɔ, ka nyɔngɔ nde ɔma nde ɗáɓánkɔkɛigi Yéso ɗátú bíbí á ntanga-nji na ɗáɓáɗundu gǔ á gáo ndɔ ka Kiɛbulanía, Kilatíni na Kigiíki. 21Cɔ, ɓagbɛga á ɓatobeigi-phɛ́a ndea Ɓayúda ɓáongoɗea Pilátɔ: «Kóɗunduɛmbɛ, Moamɛ ndea Ɓayúda.» Ɗundua ndiu: «Nkpa nde ɗági te, nende Moamɛ ndea Ɓayúda.» 22Pilátɔ â gǎkɛ ǒsikisia: «Nnde netóɗundu, ɓágoɓi ye na ɓáɗundu.»
23Ɓî ɓato émani ɓánkɔkɛigi ye Yéso ka moyangɔ, ɓáɔbɛɗa nkanjo nɛkɛ, ɓáokatisana ka phaeka gena. Ɓáogabeana ú, phaeka moci ka nkpa moci. Ɓâ phɔtɔ ɔbɛɗa bɔngɔ-éndǎ nɛkɛ, nnde ɗáɓáphophi tɔ gǔ na kusi, kángá á jukanisaga í. 24Kaɓondɔ, ɓato émani ɓáɔyɔngaga sɔsɔɓɛ aɓɔ te: «Ɓɛ́ɓɛtɛni ndiu ɓana-mɛlɔɛ ka phɔa nkanjo ndee, ka úba á nkpa sina abɛɗande.» Ka gea, nyɔngɔ nde a suɓi á Ɓuku á Mokonga átɔtɔkɛanɛ ɓe:
«Ɗáɓákatisanigi bɔngɔ nɛmɔ sɔsɔɓɛ aɓɔ,
ɓâ phɔtɔ ɔɓɛta ɓana-mɛlɔɛ ka phɔa bɔngɔ-éndǎ nɛmɔ#Ɔna Jab 22.19.»
Ɓondɔ unge ɓato émani ɗáɓági. 25Cɔ, amakɛ na Yéso, mɔtɔ-amakɛ, Malía nka Kleɔpási na Malía nseka á ka Magadála ɗáɓámamege bíbí á moyangɔ ndea Yéso. 26Yéso áɔmɔna amakɛ, â phɔtɔ ɔmɔna ngoigi nde ɗánkondi n'aiki bíbí á amakɛ, áongoɗea amakɛ: «Ayi, anakɔ aámbee.» 27Áongea ngoigi ndɔ: «Amakɔ aámbee.» Na ka kpanga á mbenɔ ndɔ tɔ, ngoigi ndɔ áonga ně mɔtɛ-akɛ.
Yéso aku
(Ɔna phɔtɔ Mat 27.45-56; Mkɔ 15.33-41; Lók 23.44-49)
28Mbusa índɔ, Yéso áoengekisa gea, moangɔ bui así. Ka gea ɓoabi nde a suɓi á Ɓuku á Mokonga átɔtɔkɛanɛ, áogea: «Neku n'ɛnyɔta#Ɔna Jab 69.22; 22.16.» 29Wa, ɗátú gǎkɛ na ntuka n'atúmi na divai nde aángai-ngai#Ɔna Jab 69.22. Ɓato émani ɓáoubia siphɔngɔ suɓi í, ɓáokpatikisa ka sese á ntabi á me nde ɓaɔɔphana ka kisambaye isɔpɔ, ɓáotáisa bíbí á aphenɔkɔ á Yéso. 30Ɓî Yéso amúmi ye ú, áogea: «Cɔ, así.» Áɔtúmanisaga mɔ̌ akɛ, áɔɗɔɛa.
Nto émani antúmi Yéso n'ekonga ka mpambá
31Cɔ, esa ndɔ ɗátú esa á ɓɔngisiaga á saɓáto. Kaɓondɔ ɓakɔta á Ɓayúda ɗáɓákáokonda saɓáto ádondɛ mǒnda á ɓakpa ka moyangɔ nga, esa á saɓáto ndɔ, ɗátú esa ángbó phɛɛ. Wa, ɓáomɛma Pilátɔ gea, áesoseɛ ɓakpa ɓáɓunɛgɛ ecinji á ɓunde ɓá ka moyangɔ na ɓáephúiɛ. 32Ɓato émani ɓáoɓúnaga ecinji á nkpa á k'ama mosá-mosá, mpɔ nnde á mmbé á ko ɓaɓɛ ɓunde ɗáɓátú ka moyangɔ kimoci na Yéso. 33Ɓî ɓándondi gǎkɛ Yéso, ɓáɔɔna gea, a ye ku. Ɓákamɓunɛgɛ ye ecinji.
34Ka ɓato émani â gǎkɛ ontúma Yéso n'ekonga ka mpambá, mɔngɔ ímoci iɓo na magia áojuana. 35Nkpa nde ɗáɔni nyɔngɔ n'íso akɛ aámbé aɗigimisi nyɔngɔ ndɔ. Nyɔngɔ nde aɔtɔmia ande ɗoni. Yɛ, aoúba gea a tɔ ɔyɔnga ɗoni. A gǎkɛ ɔyɔnga ɓó ka gea ɓenu phɔtɔ ɓóɓeekeɛ. 36Cɔ, kema ndɔ bubui atɔtɔkɛani tɔ ɓíndɔ ɗáɓáɗundu suɓi á Ɓuku ndea Mokonga gea: «Ɓákáɓunɛeka ka nkua akɛ#Ɔna Jua 12.46; Mɔɔ 9.12; Jab 34.21.» 37Ɓáɗundu goto suɓi á ɓuku gea: «Ɓámɔnande mmbé ɗáɓántúmi#Ɔna Jak 12.10.»
Yɔsɛ́phu na Nikɔ́dɛ́mɔ ɓámúmbi Yéso
(Ɔna phɔtɔ Mat 27.57-61; Mkɔ 15.42-47; Lók 23.50-56)
38Mbusa índɔ, Yɔsɛ́phu, nto á ka Alimatɛ́a ɗátú ngoigi ndea Yéso ka ɓɔsɔmɛa nga, ɗáǒɓanga ɓakɔta á Ɓayúda. Yɛ ɗábiki ɔmɛma Pilátɔ gea, átokisɛ mǒnda á Yéso gǔ á moyangɔ. Pilátɔ áoɓeekea. Mpɔ, Yɔsɛ́phu áoga ophúia mǒnda akɛ. 39Nikɔdɛ́mu mmbé ɗábiki phɔ́ mɔtɛ á Yéso kǐpha, â phɔtɔ obika n'akumbi nkoki n'adaɗu na údi. Ɓoɗoko í n'aɓea nkama isaɔ (30). 40Cɔ, Yɔsɛ́phu na Nikɔdɛ́mu ɓáoɓóaga mǒnda á Yéso na sanda, ɓáoɗukiaga nkoki kau ɓíndɔ ɗátú asii ndea Ɓayúda ka úmba á ɓakpa. 41Ɔma nde ɗáɓánkɔkɛigi Yéso ka moyangɔ, ciko moci ɗátú wa. Suɓi á ciko ndɔ, bóta moci á kɛ̌kɛ ɗátú wa, na ɓákámúmbimbɛmɔnɔ nkpa kau. 42Ka nyɔngɔ á ɓɔngisiaga esa á saɓáto na ɓî bóta ɗátú bíbí, ɓáoúmba mǒnda á Yéso wa.
Zvasarudzwa nguva ino
Yoáni 19: KMW
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.
Yoáni 19
19
1Mpɔ, Pilátɔ áososea gea, ɓángɛ na Yéso ka ɓinda akɛ. 2Ɓato émani ɓáooka kuku á ngenge, ɓáomakea ka mɔ̌ akɛ. Ɓâ phɔtɔ ɔmɔ́lisa bɔngɔ ánjɛ. 3Ɓáɔsɛkɛɗa bíbí akɛ, ɓáongoɗea: «Moamɛ ndea Ɓayúda, samba!» Ɓáontaiaga ka ngaga.
4Pilátɔ â goto ojuana, áǒngoɗea ɓakpa: «Cɔ, neonjuanisa Yéso ka úbisa anu gea, kɛɔni nyɔngɔ ájeɗe nde akeni ka tena á nyɔngɔ nɛkɛ akpɛ.» 5Mpɔ, Yéso áojuana n'aɔ́li kuku á ngenge phɔtɔ na bɔngɔ ánjɛ. Pilátɔ áǒngoɗea: «Nkpa ndɔ, a yɛ.» 6Ɓî ɓagbɛga á ɓatobeigi-phɛ́a na ɓabɛɗanigi nɛɓɔ ɓámɔni Yéso, ɓáɔyɔnga n'ɛsɔ akpɛ gea: «Nkɔkɛagani ka moyangɔ! Nkɔkɛagani ka moyangɔ!» Pilátɔ â gǎkɛ ǒgea: «Ngani ně ɓenu sasanu, ɓɔ́nkɔkɛɛgɛ ka moyangɔ. Nga, kɛ́ɔni nyɔngɔ ájeɗe nde akeni ka tena á nyɔngɔ nɛkɛ akpɛ.» 7Ɓayúda ɓáonsikisia: «Ɓesu, ɓena ɛɔphi. Ka ɓeana n'ɛɔphi ndɔ, akeni ákuwɛ ka nyɔngɔ nde agi te, ande Muna-Mokonga.»
8Ɓî Pilátɔ aɔ́ki ye nyɔngɔ ndɔ, â goto oɓá na kɔɓɔɓɔkɔ phɛɛ. 9Â goto ongia k'éndu, áomúsia Yéso: «Otókima wani?» Yéso kansikisiɛ gǎkɛ ka nyɔngɔ. 10Mpɔ Pilátɔ â goto omúsia: «Kóna ka nyɔngɔ á sikisia ani? Kóoúba gea, nena kɔkɔta á ɗeketa akɔ, ne phɔtɔ na kɔkɔta á kusa akɔ ka moyangɔ?» 11Yéso áonsikisia: «Kóná ka kɔkɔta gǔ ani, na nna tɔndɔ nnde ɓákophi ka toka na koba. Kaɓondɔ unge, nkpa nde amobisi ka njaga akɔ, ɓojeɗe ínɛkɛ anyɛ́nyɛi nɛkɔ.» 12Ka mbenɔ ndɔ tɔ, Pilátɔ áokaɓa ɗeketa á Yéso. Ɓayúda ɓâ gǎkɛ ɔyɔnga n'ɛsɔ akpɛ gea: «Aoɓá n'onɗeketi nkpa nde, kó gǎkɛ dakɛ na moamɛ á Ɓalɔ́ma. Nkpa buakɛ mmbé ěɗokomisi gea ande moamɛ, ande mɓiɓia á moamɛ á Ɓalɔ́ma.»
13Ɓî Pilátɔ aɔ́ki ye nyɔngɔ ndɔ, áonjuanisa Yéso, áoika ka kankaanga á nteni-nyɔngɔ, k'ɔ́ma nde ɓáɔɔphana ka Kiɛbulanía Gabata, ande gea, Mɓombe á ɛtɛ. 14Ɗátú esa á ɓɔngisiaga jaí á Pasáka, bíbí á kantende. Mpɔ Pilátɔ áǒngoɗea Ɓayúda: «Cɔ, Moamɛ nɛnu a yɛ.» 15Ɓâ gǎkɛ ɔyɔnga n'ɛsɔ akpɛ gea: «Ákuwɛ! Ákuwɛ! Nkɔkɛagani ka moyangɔ!» Pilátɔ áǒɓúsia: «Ande gea te, nɛ́nkɔkisɛgɛ moamɛ nɛnu ka moyangɔ?» Ɓagbɛga á ɓatoɓeigi-phɛ́a ɓáonsikisia te: «Ɓéké na moamɛ ɓaangbo, tɔndɔ moamɛ á Ɓalɔ́ma!» 16Pilátɔ áombisa Yéso ka njaga aɓɔ gea, ɓánkɔkɛɛgɛ ka moyangɔ. Mpɔ, ɓato émani ɓâ ye tɔ onga ně.
Ɓato émani ɓáɔnkɔkɛaga Yéso gǔ á moyangɔ
(Ɔna Mat 27.32-44; Mkɔ 15.21-32; Lók 23.26-43)
17Yéso áokumba moyangɔ nɛkɛ, áɔmɛa, áoga ɔma nde ɓáɔɔphana ka Kiɛbulanía Gɔlɔgɔta ande gea, Gangata. 18Ɔma ndɔ unge ɗáɓánkɔkɛigi Yéso ka moyangɔ. Ɓâ phɔtɔ ɔ̌kɔkɛaga ɓakpa ɓaɓɛ kimoci na yɛ, moci ka njaga á mǔku, ɓaangbo ka njaga á nkei. Yéso áoɓá sɔsɔɓɛ aɓɔ. 19Pilátɔ â phɔtɔ oɗundusa gǔ á gáo, áobisa ú ka moyangɔ. Ɗáɗundu gǎkɛ ɓe: YÉSO ƁA NAJALƐ́TI MOAMƐ NDEA ƁAYÚDA. 20Cɔ, Ɓayúda ɓásii ɓáotanga ɗundua ndɔ, ka nyɔngɔ nde ɔma nde ɗáɓánkɔkɛigi Yéso ɗátú bíbí á ntanga-nji na ɗáɓáɗundu gǔ á gáo ndɔ ka Kiɛbulanía, Kilatíni na Kigiíki. 21Cɔ, ɓagbɛga á ɓatobeigi-phɛ́a ndea Ɓayúda ɓáongoɗea Pilátɔ: «Kóɗunduɛmbɛ, Moamɛ ndea Ɓayúda.» Ɗundua ndiu: «Nkpa nde ɗági te, nende Moamɛ ndea Ɓayúda.» 22Pilátɔ â gǎkɛ ǒsikisia: «Nnde netóɗundu, ɓágoɓi ye na ɓáɗundu.»
23Ɓî ɓato émani ɓánkɔkɛigi ye Yéso ka moyangɔ, ɓáɔbɛɗa nkanjo nɛkɛ, ɓáokatisana ka phaeka gena. Ɓáogabeana ú, phaeka moci ka nkpa moci. Ɓâ phɔtɔ ɔbɛɗa bɔngɔ-éndǎ nɛkɛ, nnde ɗáɓáphophi tɔ gǔ na kusi, kángá á jukanisaga í. 24Kaɓondɔ, ɓato émani ɓáɔyɔngaga sɔsɔɓɛ aɓɔ te: «Ɓɛ́ɓɛtɛni ndiu ɓana-mɛlɔɛ ka phɔa nkanjo ndee, ka úba á nkpa sina abɛɗande.» Ka gea, nyɔngɔ nde a suɓi á Ɓuku á Mokonga átɔtɔkɛanɛ ɓe:
«Ɗáɓákatisanigi bɔngɔ nɛmɔ sɔsɔɓɛ aɓɔ,
ɓâ phɔtɔ ɔɓɛta ɓana-mɛlɔɛ ka phɔa bɔngɔ-éndǎ nɛmɔ#Ɔna Jab 22.19.»
Ɓondɔ unge ɓato émani ɗáɓági. 25Cɔ, amakɛ na Yéso, mɔtɔ-amakɛ, Malía nka Kleɔpási na Malía nseka á ka Magadála ɗáɓámamege bíbí á moyangɔ ndea Yéso. 26Yéso áɔmɔna amakɛ, â phɔtɔ ɔmɔna ngoigi nde ɗánkondi n'aiki bíbí á amakɛ, áongoɗea amakɛ: «Ayi, anakɔ aámbee.» 27Áongea ngoigi ndɔ: «Amakɔ aámbee.» Na ka kpanga á mbenɔ ndɔ tɔ, ngoigi ndɔ áonga ně mɔtɛ-akɛ.
Yéso aku
(Ɔna phɔtɔ Mat 27.45-56; Mkɔ 15.33-41; Lók 23.44-49)
28Mbusa índɔ, Yéso áoengekisa gea, moangɔ bui así. Ka gea ɓoabi nde a suɓi á Ɓuku á Mokonga átɔtɔkɛanɛ, áogea: «Neku n'ɛnyɔta#Ɔna Jab 69.22; 22.16.» 29Wa, ɗátú gǎkɛ na ntuka n'atúmi na divai nde aángai-ngai#Ɔna Jab 69.22. Ɓato émani ɓáoubia siphɔngɔ suɓi í, ɓáokpatikisa ka sese á ntabi á me nde ɓaɔɔphana ka kisambaye isɔpɔ, ɓáotáisa bíbí á aphenɔkɔ á Yéso. 30Ɓî Yéso amúmi ye ú, áogea: «Cɔ, así.» Áɔtúmanisaga mɔ̌ akɛ, áɔɗɔɛa.
Nto émani antúmi Yéso n'ekonga ka mpambá
31Cɔ, esa ndɔ ɗátú esa á ɓɔngisiaga á saɓáto. Kaɓondɔ ɓakɔta á Ɓayúda ɗáɓákáokonda saɓáto ádondɛ mǒnda á ɓakpa ka moyangɔ nga, esa á saɓáto ndɔ, ɗátú esa ángbó phɛɛ. Wa, ɓáomɛma Pilátɔ gea, áesoseɛ ɓakpa ɓáɓunɛgɛ ecinji á ɓunde ɓá ka moyangɔ na ɓáephúiɛ. 32Ɓato émani ɓáoɓúnaga ecinji á nkpa á k'ama mosá-mosá, mpɔ nnde á mmbé á ko ɓaɓɛ ɓunde ɗáɓátú ka moyangɔ kimoci na Yéso. 33Ɓî ɓándondi gǎkɛ Yéso, ɓáɔɔna gea, a ye ku. Ɓákamɓunɛgɛ ye ecinji.
34Ka ɓato émani â gǎkɛ ontúma Yéso n'ekonga ka mpambá, mɔngɔ ímoci iɓo na magia áojuana. 35Nkpa nde ɗáɔni nyɔngɔ n'íso akɛ aámbé aɗigimisi nyɔngɔ ndɔ. Nyɔngɔ nde aɔtɔmia ande ɗoni. Yɛ, aoúba gea a tɔ ɔyɔnga ɗoni. A gǎkɛ ɔyɔnga ɓó ka gea ɓenu phɔtɔ ɓóɓeekeɛ. 36Cɔ, kema ndɔ bubui atɔtɔkɛani tɔ ɓíndɔ ɗáɓáɗundu suɓi á Ɓuku ndea Mokonga gea: «Ɓákáɓunɛeka ka nkua akɛ#Ɔna Jua 12.46; Mɔɔ 9.12; Jab 34.21.» 37Ɓáɗundu goto suɓi á ɓuku gea: «Ɓámɔnande mmbé ɗáɓántúmi#Ɔna Jak 12.10.»
Yɔsɛ́phu na Nikɔ́dɛ́mɔ ɓámúmbi Yéso
(Ɔna phɔtɔ Mat 27.57-61; Mkɔ 15.42-47; Lók 23.50-56)
38Mbusa índɔ, Yɔsɛ́phu, nto á ka Alimatɛ́a ɗátú ngoigi ndea Yéso ka ɓɔsɔmɛa nga, ɗáǒɓanga ɓakɔta á Ɓayúda. Yɛ ɗábiki ɔmɛma Pilátɔ gea, átokisɛ mǒnda á Yéso gǔ á moyangɔ. Pilátɔ áoɓeekea. Mpɔ, Yɔsɛ́phu áoga ophúia mǒnda akɛ. 39Nikɔdɛ́mu mmbé ɗábiki phɔ́ mɔtɛ á Yéso kǐpha, â phɔtɔ obika n'akumbi nkoki n'adaɗu na údi. Ɓoɗoko í n'aɓea nkama isaɔ (30). 40Cɔ, Yɔsɛ́phu na Nikɔdɛ́mu ɓáoɓóaga mǒnda á Yéso na sanda, ɓáoɗukiaga nkoki kau ɓíndɔ ɗátú asii ndea Ɓayúda ka úmba á ɓakpa. 41Ɔma nde ɗáɓánkɔkɛigi Yéso ka moyangɔ, ciko moci ɗátú wa. Suɓi á ciko ndɔ, bóta moci á kɛ̌kɛ ɗátú wa, na ɓákámúmbimbɛmɔnɔ nkpa kau. 42Ka nyɔngɔ á ɓɔngisiaga esa á saɓáto na ɓî bóta ɗátú bíbí, ɓáoúmba mǒnda á Yéso wa.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021, Wycliffe Bible Translators, Inc.