ꓟ˗ꓗꓴ ꓟꓮꓴ ꓢꓮꓴ 3
3
ꓡꓳ ꓙꓴꓟ ꓫꓲ ꓰ ꓐꓬꓴ ꓡꓰ ꓡꓳ ꓖꓰ ꓐꓲ ꓰ
1ꓧꓮꓴ ꓘꓴꓠ ꓔ ꓣ ꓙꓳꓥ ꓟ ꓬꓥ ꓓꓴꓟ ꓪꓥ ꓡꓪꓲ꓾ ꓧꓮꓴ ꓟ ꓡꓳ ꓙꓴꓟ ꓫꓲ ꓰ ꓐꓬꓴ ꓣ ꓬꓴ ꓠꓲ ꓔꓳ ꓣ꓿ 2ꓬꓴ ꓐꓠ ꓠꓲ ꓡꓰ ꓧꓮꓴ ꓬꓴ ꓡꓰ ꓡꓳ ꓖꓰ ꓐꓲ ꓣ ꓡꓴ꓾ ꓖ ꓡꓪꓲ꓾ ꓬꓰ˗ꓢꓴ ꓡꓰ ꓟʼꓣ ꓧꓳ ꓣ ꓬꓥ ꓟꓳ ꓖꓬꓟ ꓠꓲ ꓮ ꓗꓳ꓿ 3ꓧꓮꓴ ꓙꓥ ꓬꓥ ꓖꓶ ꓡꓳ ꓙꓴꓟ ꓫꓲ ꓢꓴ ꓡꓰ꓾ ꓮ ꓖꓴꓥ ꓟ ꓔꓳ ꓬꓑ ꓮ꓾ ꓖ ꓡꓪꓲ꓾ ꓔꓮꓲ ꓰ꓿ 4ꓬꓥ ꓖꓶ ꓬꓥ ꓟꓳ ꓡꓰ꓾ ꓬꓴ ꓐꓠ ꓠꓲ ꓟ ꓖꓰ ꓰ ꓮ ꓟꓴ ꓢꓮꓲ ꓣ꓾ ꓮ ꓖꓰ ꓰ ꓮ ꓟꓴ ꓢꓮꓲ ꓣ꓾ ꓐꓬꓴ ꓮ ꓢꓗ ꓡꓰ ꓘꓲ ꓬꓴ ꓣ꓾ ꓮ ꓥꓴꓔ ꓙꓥ ꓢꓔ ꓑꓬꓟ ꓣ ꓖꓶ꓾ ꓘ ꓡꓴꓟ ꓖꓰ ꓗꓴꓔ ꓣ ꓡꓴ꓾ ꓖ ꓔꓮꓲ ꓰ꓿ ꓬꓥ ꓟꓳ ꓗꓴꓟ ꓖꓶ ꓙꓲꓔ ꓡꓰ ꓮ ꓖ ꓗꓳ꓿ 5ꓧꓮꓴ ꓢꓴ ꓟꓴ ꓬꓥ ꓟꓳ ꓲ ꓟꓲꓔ ꓕꓠ ꓰ ꓟ ꓙꓳ ꓬꓥ ꓟꓲꓔ ꓬꓳꓠ ꓡꓪꓲ ꓠꓲꓗ ꓬꓳ ꓲ ꓚꓥ ꓬꓥ ꓟꓳ ꓡꓰ ꓘꓬꓴ ꓫꓳ ꓡꓲꓥ ꓪꓴ ꓡꓪꓲ꓾ ꓠꓥ ꓰ ꓡꓳ ꓡꓟ ꓮ꓾ ꓖ ꓡꓪꓲ꓾ ꓧꓮꓴ ꓬꓴ ꓡꓰ ꓔꓮꓲ ꓰ꓿ ꓧꓮꓴ ꓬꓴ ꓡꓰ ꓡꓳ ꓡꓟ ꓡꓪꓲ꓾ ꓬꓥ ꓡꓳ ꓖꓰ ꓐꓬꓴ ꓐꓰ꓿ 6ꓧꓮꓴ ꓟꓴ ꓡꓪꓲ ꓒ˗ꓣꓲ˗ꓫꓰ ꓑꓰ ꓕꓳ ꓡꓪꓲ꓾ ꓬꓥ ꓡꓰ ꓘ ꓢꓴ ꓗꓴꓔ ꓢꓔ ꓑꓬꓟ ꓣ꓾ ꓖ ꓡꓪꓲ꓾ ꓧꓰ˗ꓣꓳ˗ꓓꓲ ꓥꓴ ꓐꓥ ꓰ ꓧꓮꓴ ꓙꓥ ꓐꓳꓥ ꓠꓲ ꓮ ꓗꓳ꓿
ꓮ ꓠ ꓮ ꓘꓬ ꓧꓪꓲ ꓐꓥ ꓡꓰ ꓡꓳ ꓖꓰ ꓐꓲ ꓰ
7ꓮ ꓘꓪꓲ ꓬꓰ˗ꓢꓴ ꓖꓶ ꓬꓥ ꓰ ꓡ ꓖꓬꓳ ꓪꓲ ꓰ ꓧꓮꓴ ꓠꓳꓥ ꓫꓴꓔ ꓕꓳꓔ ꓡꓳ ꓐ ꓗꓳ꓾ ꓖ˗ꓡꓲ˗ꓡꓰ ꓟꓶꓥ ꓟ ꓐꓬꓴ ꓣ ꓙꓴꓟ ꓣ ꓪꓲ ꓐꓴʼꓛꓥ ꓗꓳ ꓰ꓿ 8ꓧꓮꓴ ꓜ ꓮ ꓥꓴꓔ ꓬꓴ˗ꓓ ꓟꓶꓥ ꓰ ꓬꓰ˗ꓣꓴ˗ꓢ˗ꓡꓰꓟ ꓪ ꓟ ꓲ˗ꓓꓴ˗ꓟꓲ˗ꓮ ꓟꓶꓥ ꓰ ꓬꓳ˗ꓓꓠ ꓡꓥ ꓧꓰ ꓒꓳ ꓟ ꓐꓥ ꓰ ꓔꓴ˗ꓣꓴꓺ ꓰ ꓢꓲ˗ꓓꓴꓠ ꓡꓲꓥ ꓘꓬꓴ ꓑꓰ ꓟ ꓐꓬꓴ ꓣ ꓙꓴꓟ ꓣ ꓪꓲ ꓬꓥ ꓗꓴꓔ ꓗꓔ ꓰ ꓮ ꓟꓴ ꓘꓬꓳ ꓑꓰ ꓡꓰ ꓪꓳ ꓖꓬꓳ ꓡꓪꓲ꓾ ꓬꓥ ꓚꓥ ꓫꓴꓔ ꓙꓰ ꓡꓰ ꓐꓴꓟ ꓗꓳ ꓰ꓿ 9ꓫꓶʼꓪ ꓐꓬꓴ ꓑꓰ ꓬꓥ ꓡꓰ ꓮ ꓜꓥ ꓕꓴꓥ ꓣ ꓟ ꓔꓴ ꓡꓮꓲ ꓜꓳ ꓣ ꓡꓴꓟ ꓬꓥ ꓰ ꓟ ꓔꓴ ꓧꓰꓠ ꓔꓳ ꓣ꓾ ꓬꓥ ꓰ ꓡ ꓖꓬꓳ ꓪꓲ ꓡꓰ ꓔꓮꓲ ꓔꓳ ꓐꓰ꓿ 10ꓘ ꓢꓴ ꓟꓴ ꓖ ꓡꓰ ꓐꓬꓴ ꓟꓬꓳ ꓫꓳ ꓡꓰ ꓬꓥ ꓡꓳ ꓖꓰ ꓐꓲ ꓰ ꓬꓠ ꓟꓮꓲ ꓮ ꓠ ꓮ ꓘꓬ ꓧꓪꓲ ꓐꓥ ꓡꓴꓥ ꓡꓥ ꓐꓥ ꓬꓥ ꓡꓰ ꓪꓳ ꓜꓥ ꓕꓴꓥ ꓫꓳ ꓖ ꓡꓪꓲ꓾ ꓬꓥ ꓚꓥ ꓚꓴꓠ ꓪꓥ ꓡꓳ ꓗꓳ ꓰ꓿ 11ꓮ ꓢꓠ ꓰ ꓠꓔ ꓑꓰ ꓡꓰ ꓘ ꓬꓟ ꓬꓥ ꓡꓰ ꓟꓬꓥ ꓗꓳ ꓡꓥ ꓬꓥ ꓰ ꓧꓶ ꓟ ꓥꓳꓟ ꓡꓪꓲ꓾ ꓠꓥ ꓖꓶ ꓗ˗ꓣꓮꓲ ꓗ˗ꓢꓥ ꓰ ꓬꓥ ꓜꓳ ꓥꓴꓔ ꓔꓳ ꓣ꓾ ꓖ ꓡꓪꓲ꓾ ꓑꓴꓗ ꓗꓳ ꓰ꓿ 12ꓬꓥ ꓡꓰ ꓮ ꓡꓳ ꓓꓠ ꓫꓲꓔ ꓫꓥ ꓖ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓖꓬꓮꓲ ꓖꓬꓮꓲ ꓔꓠ ꓔꓳ ꓡꓰ꓿
ꓡ ꓖꓬꓳ ꓣ ꓞꓰ ꓲ ꓬꓴ ꓡꓰ ꓪꓴꓔ ꓬꓴ ꓰ
13ꓓꓴꓟ ꓧꓮꓴ ꓐꓴꓟ ꓫꓴꓔ ꓬꓥ ꓓꓳ ꓡꓳ ꓡꓪꓲ꓾ ꓬꓥ ꓳ ꓰ ꓐꓥ ꓳ ꓡꓰ ꓥꓴꓔ ꓗꓳ ꓡꓥ ꓪꓴꓔ ꓬꓴ ꓰ ꓟꓴ ꓡꓪꓲ꓾ ꓬꓥ ꓟꓳ ꓬꓥ ꓚꓥ ꓫꓴꓔ ꓙꓰ ꓡꓰ ꓐꓴꓟ ꓗꓳ ꓰ꓿ 14ꓧꓮꓴ ꓟꓴ ꓡꓪꓲ ꓬꓥ ꓰ ꓣ ꓧ ꓠꓲ ꓠꓲ ꓣ ꓰ ꓓꓥ ꓠꓬꓳ ꓟꓳ ꓣ ꓟ ꓔꓴ ꓠꓥ ꓗꓔ ꓡꓪꓲ꓾ ꓠꓔ ꓑꓰ ꓡꓰ ꓪꓳ ꓘꓔ ꓑꓬꓟ ꓣ ꓮ ꓘꓥ ꓪꓳ ꓬꓴ ꓫꓥ ꓖ꓾ ꓖ ꓡꓪꓲ꓾ 15ꓐꓬꓴ ꓣ ꓞꓰ ꓲ ꓬꓴ ꓡꓰ ꓘꓲꓠ ꓬꓴ ꓡꓪꓲ꓾ ꓬꓥ ꓟꓳ ꓡꓰ ꓡ ꓖꓬꓳ ꓖ ꓡꓪꓲ ꓟꓲꓥ ꓔꓳ ꓐꓰ꓿ 16ꓧꓮꓴ ꓣ ꓞꓰ ꓲ ꓬꓴ ꓟ ꓰ ꓢꓲ˗ꓟꓴꓠ ꓡꓰ ꓑꓰ˗ꓔꓣꓴ ꓖ ꓡꓪꓲ꓾ ꓟꓲꓥ ꓥꓰ ꓟꓲꓥ ꓐꓰ꓿ 17ꓜꓰ˗ꓐꓰ˗ꓓꓲ ꓰ ꓬꓥ ꓜꓳ ꓬ˗ꓗꓴ ꓰ ꓬ˗ꓗꓴ ꓰ ꓬꓥ ꓖꓴ ꓬꓳ˗ꓧꓠ ꓠꓲꓗ ꓔꓥ ꓡꓰ ꓐꓴ˗ꓠꓲ˗ꓖ꓾ ꓖ ꓡꓪꓲ꓾ ꓟꓲꓥ ꓥꓰ ꓟꓲꓥ ꓐꓰ꓾ ꓧꓮꓴ ꓖꓶ ꓟꓮꓴ ꓟꓲꓥ ꓰ ꓬꓥ ꓜꓳ ꓠꓲꓗ ꓖ ꓰ ꓥꓴꓔ ꓡꓰ꓿ 18ꓮꓠ˗ꓓꓣꓰ꓾ ꓒꓲ˗ꓡꓲꓑ꓾ ꓐ˗ꓕꓳ˗ꓡꓳ˗ꓟꓰ꓾ ꓟ˗ꓕꓰ꓾ ꓕꓳ˗ꓟ꓾ ꓮ˗ꓡ˗ꓒ ꓰ ꓬꓮ ꓜꓳ ꓬ˗ꓗꓴ꓾ ꓕ˗ꓓꓰ꓾ ꓗ˗ꓠ˗ꓠꓲ ꓐꓬꓴ ꓢꓲ˗ꓟꓴꓠ ꓰ 19ꓬꓥ ꓡꓰ ꓮꓑ ꓑꓬꓟ ꓣ ꓢꓴ ꓬꓴ˗ꓓ ꓲꓢ˗ꓘ˗ꓣꓴꓔ ꓥꓴꓔ ꓮ ꓗꓳ꓿ 20ꓧꓮꓴ ꓕꓥ ꓡꓰ ꓬꓥ ꓖꓶ ꓬꓴꓟ ꓘꓮꓴ ꓫꓴꓔ ꓪꓥ ꓡꓪꓲ꓾ ꓬꓥ ꓟꓳ ꓜꓥ ꓡꓥ ꓮ ꓪꓳ ꓜꓳ ꓡꓳ ꓫꓳ ꓫꓶʼꓪ ꓐꓬꓴ ꓜꓴꓑ ꓟꓶꓥ ꓠꓲ ꓮ ꓗꓳ꓿ 21ꓬꓥ ꓰ ꓐꓪꓲ ꓠꓴꓟ ꓪꓲ ꓧꓮꓴ ꓘꓬꓳ ꓡꓰ ꓪꓳ ꓖꓬꓳ ꓙꓥ꓾ ꓬꓥ ꓲ ꓟꓲꓔ ꓮ ꓖꓲꓥ ꓡꓳ꓾ ꓖ ꓡꓪꓲ꓾ ꓬꓥ ꓡꓰ ꓚꓴꓑ ꓬꓴ ꓣ ꓕꓳ ꓰ ꓡꓳ ꓗꓳ ꓰ꓿ 22ꓧꓮꓴ ꓕꓳ ꓟ ꓬꓰ˗ꓣꓴ˗ꓢ˗ꓡꓰꓟ ꓟꓮꓲ ꓖꓬꓳ ꓡꓳ ꓰ ꓟꓮꓴ ꓢꓮꓴ ꓗ ꓢ ꓣ ꓑꓰ ꓡꓰ꓾ ꓬꓥ ꓖꓶ ꓐꓰ˗ꓜꓰ˗ꓐꓴ˗ꓡ ꓐꓳ ꓰ ꓢꓴ ꓥꓴꓔ ꓔꓳ ꓡꓰ꓿ ꓠꓔ ꓑꓰ ꓮ ꓖꓲ ꓰ ꓬꓥ ꓠꓔ ꓑꓰ ꓡꓰ ꓘꓔ ꓑꓬꓟ ꓣ꓾ ꓖ ꓡꓪꓲ꓾ ꓔꓮꓲ ꓗꓳ ꓰ꓿ 23ꓧꓮꓴ ꓟꓴ ꓬꓥ ꓖꓶ꓾ ꓬꓥ ꓟꓳ ꓡꓰ ꓪꓴꓔ ꓬꓴ ꓡꓪꓲ꓾ ꓓꓥ ꓗꓰ ꓓꓳꓥ ꓔꓮꓲ ꓰ ꓖꓶ꓾ ꓢ˗ꓔꓠ ꓖꓶ ꓢ˗ꓔꓠ ꓡꓰ ꓘ ꓢꓴ ꓗꓴꓔ ꓪꓳ ꓘꓔ ꓑꓬꓟ ꓣ ꓡꓴ꓿ 24ꓟꓶꓥ ꓣ ꓟꓶꓥ ꓟ ꓰ ꓐꓥ ꓐꓳꓥꓺ ꓮ ꓝꓴꓥꓽ ꓡꓰ ꓖꓶ꓾ ꓧꓮꓴ ꓟꓶꓥ ꓪꓳ ꓙꓳ ꓠꓲ ꓣ ꓮ ꓥꓴꓔ꓿ 25ꓬꓴꓟ ꓣ ꓡꓴꓟ ꓰ ꓲ ꓗꓴꓠ ꓐꓬꓳ ꓐꓬꓴ ꓡꓰ ꓖꓶ ꓧꓮꓴ ꓬꓴꓟ ꓲ ꓗꓴꓠ ꓪꓳ ꓓꓴꓔ ꓣ ꓮ ꓥꓴꓔ꓿ 26ꓧꓮꓴ ꓰ ꓣ ꓙꓴꓥ ꓜ ꓢ˗ꓔꓠ ꓬꓥ ꓬꓴꓟ ꓢꓶꓥ ꓰ ꓬꓴꓟ ꓢꓶꓥ ꓐꓬꓳ ꓖꓥ ꓡꓴꓟ ꓡꓳ ꓚꓥ ꓖꓶ꓾ ꓬꓥ ꓮ ꓪꓳ ꓠꓲ ꓠꓲ꓾ ꓕꓴꓟ ꓐꓬꓴ ꓣ ꓜ ꓥꓴꓔ ꓔꓳ ꓡꓰ꓿ 27ꓧꓮꓴ ꓕꓳ ꓟ ꓪꓴꓟ ꓐꓳ ꓢꓴ ꓡꓰ ꓧꓶ ꓮ ꓔꓪꓲ ꓡꓰ ꓖꓶ꓾ ꓬꓥ ꓰ ꓬꓴꓟ ꓘꓮꓴ ꓟ ꓪꓥ ꓡꓪꓲ ꓰ꓾ ꓬꓥ ꓰ ꓜꓰ ꓡꓰ ꓡꓴ ꓬꓴ ꓰ ꓖꓶ꓾ ꓳ ꓮ ꓪꓳ ꓗꓴꓔ꓿ ꓬꓥ ꓡꓰ ꓧꓶ ꓔꓪꓲ ꓡꓪꓲ ꓫꓰ ꓬꓥ ꓰ ꓜꓰ ꓡꓰ ꓪꓳ ꓬꓴ ꓣ ꓥꓴꓔ ꓡꓰ꓿ 28ꓥꓳ ꓠꓴꓥ ꓟꓳ ꓡꓰ ꓔꓰꓥ ꓔꓰꓥ ꓔꓮꓲ ꓗꓬꓳ ꓗꓳ ꓡꓰ꓾ ꓪʼꓞꓥ ꓐꓬꓴ ꓑꓰ ꓰ ꓬꓴ ꓐꓗ ꓡꓴꓥ ꓡꓥ ꓰ ꓬꓥ ꓟꓳ ꓰ ꓡꓴ ꓟꓴ ꓓꓥ ꓮ ꓟꓬꓴ ꓟꓬꓴ ꓡꓰ ꓘꓬꓴꓔ ꓑꓬꓟ ꓣ ꓮ ꓘꓥ ꓪꓳ ꓮ ꓗꓳ꓾ 29ꓥꓴꓔ ꓗꓳ ꓡꓥ ꓧꓮꓴ ꓚꓳꓲ ꓬꓴꓥ ꓪꓳꓲ ꓠꓲ ꓡꓰ ꓡꓴ ꓟꓴ ꓰ ꓐꓥ ꓳ ꓥꓴꓔ ꓗꓳ ꓡꓥ꓾ ꓣ ꓑꓬꓔ ꓣ ꓓꓮꓲ ꓪꓳ ꓘꓬꓴꓔ ꓑꓬꓟ ꓣ ꓮ ꓥꓴꓔ꓾ ꓧꓮꓴ ꓐꓬꓴ ꓖꓶ ꓣ ꓑꓬꓔ ꓣ ꓓꓮꓲ ꓬꓴ ꓐꓗ ꓪꓳ ꓢꓴ ꓥꓴꓔ ꓔꓳ ꓡꓰ꓾ ꓖ ꓮ ꓗꓳ꓿ 30ꓧꓮꓴ ꓢꓴ ꓖ ꓰ ꓖꓶ꓾ ꓬꓥ ꓡꓰ ꓮ ꓚꓳꓲ ꓮ ꓬꓴꓥ ꓰ ꓠꓔ ꓓꓑ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓔꓮꓲ ꓰ ꓓꓥ ꓟ ꓙꓳ ꓔꓮꓲ ꓰ ꓥꓴꓔ ꓡꓰ꓿
ꓡꓴꓟ ꓐꓥ ꓖꓶ ꓬꓰ˗ꓢꓴ ꓬꓥ ꓖꓴ ꓟꓥ꓾ ꓟꓴꓥ ꓟꓳ꓾ ꓐꓪꓲ ꓠꓴꓟ ꓚꓔ ꓥꓴꓔ ꓡꓰ
31ꓧꓮꓴ ꓴ ꓡꓰ ꓬꓥ ꓠꓴ ꓰ ꓬꓥ ꓖꓴ ꓑꓰ ꓖꓶ ꓬꓴꓟ ꓘꓴꓠ ꓟ ꓬꓑ ꓔꓳ ꓡꓪꓲ ꓬꓥ ꓡꓰ ꓪꓴꓔ ꓠꓥ ꓗꓔ ꓗꓳ ꓰ꓿ 32ꓧꓮꓴ ꓘꓴꓠ ꓫꓶʼꓪ ꓐꓬꓴ ꓑꓰ ꓖꓶ ꓬꓥ ꓰ ꓡꓲꓥ ꓘꓬꓴ ꓟ ꓜꓴꓥ ꓔꓳ ꓗꓳ ꓰ꓾ ꓬꓥ ꓟꓳ ꓖꓶ꓾ ꓪꓴ ꓮ꓾ ꓠꓥ ꓠꓴ ꓰ ꓠꓴꓥ ꓖꓴ ꓑꓰ ꓬꓴꓟ ꓫꓴꓔ ꓟꓮꓲ ꓠꓥ ꓡꓰ ꓧꓳ ꓔꓳ ꓮ ꓗꓳ꓾ ꓖ ꓡꓪꓲ꓾ ꓔꓮꓲ ꓗꓳ ꓰ꓿ 33ꓔꓴ ꓲ ꓚꓥ ꓬꓥ ꓬꓥ ꓟꓳ ꓡꓰ ꓔꓮꓲ ꓰ ꓖꓶ꓾ ꓥ ꓠꓴ ꓰ ꓥ ꓖꓴ ꓑꓰ ꓖꓶ꓾ ꓳ ꓬꓴ ꓥꓴꓔ ꓡꓰ ꓡꓴ꓾ ꓖ ꓰ꓿ 34ꓓꓴꓟ ꓬꓥ ꓖꓶ ꓡꓲꓥ ꓘꓬꓴ ꓟ ꓜꓴꓥ ꓠꓲ ꓰ ꓐꓥ ꓡꓰ ꓪꓴ ꓲ ꓚꓥ꓾ ꓥ ꓠꓴ ꓰ ꓥ ꓖꓴ ꓡꓰ ꓪꓴ ꓗꓰ꓾ 35ꓗ˗ꓣꓮꓲ ꓗ˗ꓢꓥ ꓰ ꓲ ꓟꓲꓔ ꓛꓥ ꓰ ꓐꓥ ꓳ ꓥꓴꓔ ꓗꓳ ꓡꓥ꓾ ꓥ ꓖꓴ꓾ ꓥ ꓠꓟ ꓟꓳ꓾ ꓥ ꓠꓴ ꓚꓔ ꓥꓴꓔ ꓡꓰ꓾ ꓖ ꓮ ꓗꓳ ꓰ꓿
Zvasarudzwa nguva ino
ꓟ˗ꓗꓴ ꓟꓮꓴ ꓢꓮꓴ 3: ATB1938
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
First published in Fraser script in 1938.