Matiu 19
19
Iesua mupelototo no anu ilixo so taula'i uxoto
1Ioxe, Iesua mupilixinu vaikala axone mukalu la anu muxexesou tuala Xalili mo mulai no xale lia ne Iutea e uxolu xalevile no lexa Tiotani. 2Mulai la tamitema tavu'alo e tavu'alo a mimulimulinu laso anu mupaipoune'i ane'i ane mipipiena.
3La ane'i Tapalisi se'i mine'e mitali'i noxou so itovonu lexe ukoli axova. Mi'oxo lexe, “Axova, lo mupele masaxa so itema ukusaie semau xo no anu tava'u vitavitanisi? Axone laixe?” 4Ia anu mukoline'i lexe, “Masi ngaitisou vaikala e uxolu no lavukuou Mosinge aloxo 'o uasi, ne? Xo muvikala lexe, 'Anu ane mukoi tei tei manina la muxalixa'a tamitema mulu xe sema. 5Laso maixene Mosinge muvikala lexe itema so uxexesi'a momu olie nenu xe upita noxie sema la ane'i ilou ixali vasime'a vilesisi.' 6Mosinge muvikala axone la ilou ixolu vile xe vilemo uasi, vasime'a mupitasi. Laso ane, mi ane Mosinge mutoxosou mupita la mamu so evile ukalipalanu.”
7La ane'i Tapalisi mivikalanu lexe, “Laso tava'u axova so Mosisi mulosinge lo no anu lapepa so taula'i uxoto mo itema ukusaie semau?” 8Ia Iesua mukoline'i lexe, “Xo ngingi to, ngingi tamitema so nga'oxo pai laso maixene Mosisi mupele masaxa no anu vote'i so ngingi ngakusai'a tasemamengi. Ia tatei mi axone uasisi. 9Mo avikalangengi aloxo 'o. Loxo itema vile semau ilailai vitanisi uasi ia ukusaiesi xe ulai uxolu noxie sema vilela, la anene semau manina uasi, uxolu noxie vitanisi ane.”
10Xe ane'i tatisaipeliou milomusou vaikalaou la mivikalanu lexe, “Ai, loxo taula'i anu mi so usakinu itema so uxolu noxie semau avile axonesi la anu masi laixe so utaula'i uasi, uxolu sixelisi.” 11La Iesua muvikalane'i lexe, “Vaikala ano'o tamitema mukalusi opone'i uloxu uasi, ane'i anesi Mosinge mulosi'a xavi i'osasou. 12Ngalomu. Tamitema se'i imomomo no anu taula'i uasi. Xo ane'i se'i no voxo loxo taneni'a ivo'one'i la vasime'a umomomo no anu uasi. Xe se'i la tamitema ixotone'i so ipala uasi. Xe se'i la opone'i ututuluou voxo so Mosinge molu u'uli laxune'i tamitemaou no tualasou mo ixaxaisou mi nesi, laso i'apixa'a no anu taula'i. Itema aneva oponu uloxu vaikala ano'o la ulomuxusi.”
Iesua muvikala lexe ipilixine'i tamolomolo ine'e noxou
13Ioxe, la tamitema mine'ene'i ta'ili'a noxou Iesua. Mine'ene'i so anu umalaxu avolu no kisi'a mo uvikalasi'a noxou Mosinge. Ia tatisaipeliou milavixa'a mo mi'apixa'a. 14Ia Iesua muvikala lexe, “Nga'italone'i tamolomolo ine'ene'e noxilo, nga'apixa'a uasi. Xo no voxo olele la tamitema ane Mosinge molu u'uli laxune'i no tualasou ne la ane'i so loxo tamolomolo ano'o.” 15Laso anu mumulaxu avolu no kisikisi'a tamolomolo xo xe mukalu la muxexesou apu ne mo mulai.
Maulu vile lamolamolixu muvikala noxou Iesua
16Ioxe, itema vile mune'e noxou Iesua la muvikala lexe, “Tisa, eni a'oxonu ilixo ma'ia laixe so ano'u mauli kaluxu uasi?” 17La Iesua muvikalanu aloxo 'o, “Axova so natali'isiloxu mi ma'ia laixe? Anu vilesisisi laixe, ane'i se'ila uasi. Ia loxo nini namasaxau namauli la namomoxu lo lo noxou Mosinge.” 18La anu mutali'isou lexe, “Lo lo to aneva?” La Iesua muvikala lexe, “Mamu so navau itema usoli, xe mamu so nalailai noxi'a tasema vitanisi, xe mamu so napakali xe mamu so nakalavoi no anu lakoti. 19Xe nataxane'i mamine olie nenine xe nasexelaxa'a tamenexine a loxo nini mene nasexelaxene ne.”
20La maulu ne muvikalanu Iesua lexe, “A lo lo ne eni e'oxonu mukalusi ia no anu ngiou aneva amomoxu avile uao?” 21La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.” 22Xe maulu ne mulomusou vaikala axone la oponu mutatama xe mulutu mulaisi xo anu itema so muxolu no mimi latanusi.
23Mulai laso Iesua muvikalane'i tatisaipeliou lexe, “Avikalangengi manina aloxo 'o, anu ialuxu manina noxi'a tamitema lamolomolixa'a so i'unalai ixolu no voxo loxo Mosinge molu u'uli laxune'i tamitemaou. 24Mo avikalangengi aloxo 'ola, “Loxo kameli utovonu so u'unalai no anu lalili so sumapi taxanu la ta'oxo lexe, 'Uo umomomo uasi ane.' Ia loxo itema e mimiou tavu'alo xavinuou so u'una uxolu no voxo ane Mosinge molu u'uli laxune'i tamitemaou, la umomomo uasi e uasisi manina.”
25Xe ane'i tatisaipeliou milomusou la mikuluke mo mivikala lexe, “Iauo, laso ena'ei umomomo so uxalisou pamauli?” 26La Iesua iou mukai'a mo muvikala lexe, “Loxo tamitema me'a la imomomo uasi ane. Ia Mosinge umomomo no anu mimi mukalusi.”
27La Pita muvikalanu lexe, “Xo namalei, nexi tepilixinu mimi so xoluxolu noxixe tei. Tepilixinusi ka temulineni 'o. Laso mi ma'ia so nexi taxalisou ili'i?” 28La Iesua muvikalane'i lexe, “Eni avikalangengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngatongonu ilixo noxi'a laili 12 noxi'a Ta'isilaeli. 29Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo. 30Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.
Zvasarudzwa nguva ino
Matiu 19: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 19
19
Iesua mupelototo no anu ilixo so taula'i uxoto
1Ioxe, Iesua mupilixinu vaikala axone mukalu la anu muxexesou tuala Xalili mo mulai no xale lia ne Iutea e uxolu xalevile no lexa Tiotani. 2Mulai la tamitema tavu'alo e tavu'alo a mimulimulinu laso anu mupaipoune'i ane'i ane mipipiena.
3La ane'i Tapalisi se'i mine'e mitali'i noxou so itovonu lexe ukoli axova. Mi'oxo lexe, “Axova, lo mupele masaxa so itema ukusaie semau xo no anu tava'u vitavitanisi? Axone laixe?” 4Ia anu mukoline'i lexe, “Masi ngaitisou vaikala e uxolu no lavukuou Mosinge aloxo 'o uasi, ne? Xo muvikala lexe, 'Anu ane mukoi tei tei manina la muxalixa'a tamitema mulu xe sema. 5Laso maixene Mosinge muvikala lexe itema so uxexesi'a momu olie nenu xe upita noxie sema la ane'i ilou ixali vasime'a vilesisi.' 6Mosinge muvikala axone la ilou ixolu vile xe vilemo uasi, vasime'a mupitasi. Laso ane, mi ane Mosinge mutoxosou mupita la mamu so evile ukalipalanu.”
7La ane'i Tapalisi mivikalanu lexe, “Laso tava'u axova so Mosisi mulosinge lo no anu lapepa so taula'i uxoto mo itema ukusaie semau?” 8Ia Iesua mukoline'i lexe, “Xo ngingi to, ngingi tamitema so nga'oxo pai laso maixene Mosisi mupele masaxa no anu vote'i so ngingi ngakusai'a tasemamengi. Ia tatei mi axone uasisi. 9Mo avikalangengi aloxo 'o. Loxo itema vile semau ilailai vitanisi uasi ia ukusaiesi xe ulai uxolu noxie sema vilela, la anene semau manina uasi, uxolu noxie vitanisi ane.”
10Xe ane'i tatisaipeliou milomusou vaikalaou la mivikalanu lexe, “Ai, loxo taula'i anu mi so usakinu itema so uxolu noxie semau avile axonesi la anu masi laixe so utaula'i uasi, uxolu sixelisi.” 11La Iesua muvikalane'i lexe, “Vaikala ano'o tamitema mukalusi opone'i uloxu uasi, ane'i anesi Mosinge mulosi'a xavi i'osasou. 12Ngalomu. Tamitema se'i imomomo no anu taula'i uasi. Xo ane'i se'i no voxo loxo taneni'a ivo'one'i la vasime'a umomomo no anu uasi. Xe se'i la tamitema ixotone'i so ipala uasi. Xe se'i la opone'i ututuluou voxo so Mosinge molu u'uli laxune'i tamitemaou no tualasou mo ixaxaisou mi nesi, laso i'apixa'a no anu taula'i. Itema aneva oponu uloxu vaikala ano'o la ulomuxusi.”
Iesua muvikala lexe ipilixine'i tamolomolo ine'e noxou
13Ioxe, la tamitema mine'ene'i ta'ili'a noxou Iesua. Mine'ene'i so anu umalaxu avolu no kisi'a mo uvikalasi'a noxou Mosinge. Ia tatisaipeliou milavixa'a mo mi'apixa'a. 14Ia Iesua muvikala lexe, “Nga'italone'i tamolomolo ine'ene'e noxilo, nga'apixa'a uasi. Xo no voxo olele la tamitema ane Mosinge molu u'uli laxune'i no tualasou ne la ane'i so loxo tamolomolo ano'o.” 15Laso anu mumulaxu avolu no kisikisi'a tamolomolo xo xe mukalu la muxexesou apu ne mo mulai.
Maulu vile lamolamolixu muvikala noxou Iesua
16Ioxe, itema vile mune'e noxou Iesua la muvikala lexe, “Tisa, eni a'oxonu ilixo ma'ia laixe so ano'u mauli kaluxu uasi?” 17La Iesua muvikalanu aloxo 'o, “Axova so natali'isiloxu mi ma'ia laixe? Anu vilesisisi laixe, ane'i se'ila uasi. Ia loxo nini namasaxau namauli la namomoxu lo lo noxou Mosinge.” 18La anu mutali'isou lexe, “Lo lo to aneva?” La Iesua muvikala lexe, “Mamu so navau itema usoli, xe mamu so nalailai noxi'a tasema vitanisi, xe mamu so napakali xe mamu so nakalavoi no anu lakoti. 19Xe nataxane'i mamine olie nenine xe nasexelaxa'a tamenexine a loxo nini mene nasexelaxene ne.”
20La maulu ne muvikalanu Iesua lexe, “A lo lo ne eni e'oxonu mukalusi ia no anu ngiou aneva amomoxu avile uao?” 21La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.” 22Xe maulu ne mulomusou vaikala axone la oponu mutatama xe mulutu mulaisi xo anu itema so muxolu no mimi latanusi.
23Mulai laso Iesua muvikalane'i tatisaipeliou lexe, “Avikalangengi manina aloxo 'o, anu ialuxu manina noxi'a tamitema lamolomolixa'a so i'unalai ixolu no voxo loxo Mosinge molu u'uli laxune'i tamitemaou. 24Mo avikalangengi aloxo 'ola, “Loxo kameli utovonu so u'unalai no anu lalili so sumapi taxanu la ta'oxo lexe, 'Uo umomomo uasi ane.' Ia loxo itema e mimiou tavu'alo xavinuou so u'una uxolu no voxo ane Mosinge molu u'uli laxune'i tamitemaou, la umomomo uasi e uasisi manina.”
25Xe ane'i tatisaipeliou milomusou la mikuluke mo mivikala lexe, “Iauo, laso ena'ei umomomo so uxalisou pamauli?” 26La Iesua iou mukai'a mo muvikala lexe, “Loxo tamitema me'a la imomomo uasi ane. Ia Mosinge umomomo no anu mimi mukalusi.”
27La Pita muvikalanu lexe, “Xo namalei, nexi tepilixinu mimi so xoluxolu noxixe tei. Tepilixinusi ka temulineni 'o. Laso mi ma'ia so nexi taxalisou ili'i?” 28La Iesua muvikalane'i lexe, “Eni avikalangengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngatongonu ilixo noxi'a laili 12 noxi'a Ta'isilaeli. 29Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo. 30Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487