Matiu 20
20
Latilovosi'a tauokuvoi mixaxai no anu xai so uaini
1Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou. 2La anu muvikala lexe ulotone'i no anu kina vilevilesi so aso ne, la ane'i mi'osa. Laso anu mupalusi'a milai mixaxai no anu xaixu so uaini ne.
3Xe mune'e no anu aso iou loxo 9 kiloko 'o la mosou xai mulai muxalisi'a tamitema se'ila a mitulutulu vitanisi no loxomala. 4La muvikalane'i lexe, 'Ngingi kalumo ngalai ngaxaxai no xaisou uaini xo eni alotongengi no anu vote'i u'isalilisi.' La ane'i milai. 5Anu muxolu xe no velo la mu'oxo axone noxi'a se'ila xe no anu aso iou tatalu no o'olovoxo la mu'oxo axonela.
6Ioxe, mune'e xe no aso iou ta'uve manina la anu muxixao xe muxalisi'a levianila a mitulutulu vitanisi. La mutali'isi'a lexe, 'Axova so ngatulu nga'ole'ole vitanisi aso loloni 'o?' 7La ane'i mikolinu lexe, 'Xo evile upalusixe no anu xaixai vile uasi.' Laso anu mu'oxo lexe, 'Io' ngingi kalumo ngalai ngaxaxai no xaisou uaini.'
8Mune'e xe aso a so u'unae la mosou xai muvikalanu vosivoi lexe, 'Na'avali'a tauokuvoi ine'e so nalotone'i. Nasoko'u noxi'a ane'i ane miili'i ulai uxali avile noxi'a ane'i ane mi'una tei.' 9Laso ane'i ane misoko'u mixaxai no anu 5 kiloko se no o'olovoxo ne la mino'u kina vilevilesi. 10Mulotone'i xo xe muxali noxi'a ane'i ane mi'una tei la mikalavoi lexe masi ino'u lape tatila noxi'a ane miili'i olele. La ua', ane'i kalumo mino'u kina soxu vilevilesisi. 11Mino'u xe mimalei axone la mikalapunu mosou xai. 12La mivikala lexe, 'Ane'i ane mi'una ili'i to ne, mixaxai aso iou soxu vilesisi. Xe nexi 'o, tetavulenu tu'umaxu so texaxai mo aso muxutulala'ixe musoko'u no kakau xo mo muxali no olovoxo 'o. Ia nelotone'i xe nexi 'o iou vilesisi.'
13Xe mosou xai mulomusou vaikala anene la muvikalanu vile noxi'a lexe, 'Vivilo, eni asusunixine uasi a. Xo tei la nengei oponenge vilesisi no anu lapemeni e kina vilesisi, ne? 14Nano'u lapemeni mo nalaisi. No anu masaxa noxilosi la alotonu itema ane mu'una no anu xaixai ili'i manina iou vilesisi a loxo nini ne. 15Laso loxo eni apamuxanu lamolixeli no anu masaxa na'a xeli la eni asusu no anu uasi ane. Nini namaisilo aiaima noxi'a aloxo 'o la naisuisu xo ma'ia?'”
16La Iesua muvikala lexe, “Anu axonesi. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.”
Vaikalaou Iesua e lexe usoli ka umaulila, a mulemolu alaxu tatalusoula
17Ioxe, mune'e la Iesua mulutu so ulai ne Ielusalemo. La mu'avali'a tatisaipeliou 12 so ane'isisi mimuamua'i. Mimuamua'i la muvikalane'i lexe, 18“Ngalomu. Nenge talai ne Ielusalemo 'oe. Itema e molu noxou Mosinge la evile upilixinu no avo'a tatiatila noxi'a tapilisiti xe tamitema so lavulavu no anu lavuloto. La ane'i itulusou no anu vaikala mo isakinu vaikala lexe usoli. 19La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”
Tiemisi ilou Tioni mi'oxo lexe i'uli laxune'i tamenexi'a
20Xe ili'i la Sepeti ta'olu tamei oli'a neni'a mine'e noxou Iesua. Mine'e la ane mixolasou tava'e so itangatuluou Iesua so lexe ilingau mi vile noxou. 21La Iesua mutali'isie lexe, “Nini namasaxau mi ma'ia?” La ane mivikalanu lexe, “Eni amasaxau lexe no voxo loxo nini mene na'uli laxune'i tamitemameni la na'avali'a ta'alixeli tamei 'o so italupexa no pa'umene. Vile no avone tema xe vile no anu kaisi.”
22La Iesua muvikalane'i ilou aloxo 'o, “Ngingi ngilou ngalamana no anu mi ane ngalingau uasi ane. Xo ngingi ngamomomo so ngaiexu lexa sixula eni so aiexu 'o? La ilou mi'oxo lexe, “Ani nexi tamomomo ane.” 23La anu muvikalane'i ilou lexe, “Ani, ili'i la ngilou ngaie no anu lexa sixula noxilo. Ia ena'ei so uxolu no avolo tema xe no anu kaisi, la anu mi noxilo so apilixinu noxi'a tamitema uasi. Anu tanixu anene noxi'a ta'ei ane Mamilo molu mulalaxinu si'a.”
24Ioxe, Tiemisi ilou vimou Tioni milinga noxou Iesua axone xe tatisaipeli 10 milavusoui la la'iaxa'ai'a ilou. 25Ia Iesua mu'avali'a tatisaipeli mukalusi mipita noxou. La muvikalane'i lexe, “Ngingi ngelavusou ilixo noxi'a tamitema noale'ale. Ane'i takingii'a itoxa'a mo ilosi'a tamitema tu'utu'umaxu. Xe tatiatilasi'a itulu no tumali'a tamitema ta'ei loxo ivosine'i ne. 26Ia mamu so ilixo anene uxolu no taingengi. Xo itema ena'ei noxinge so uxali tatila la vote'isou aloxo 'o. Anu ulu'enu mo so u'oxonu xaixai noxinge latala. 27Xe ei noxinge oponu lexe u'uli laxungengi la anu masi uxali itema so xaixai vitanisi noxinge.” 28Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixaisou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”
Iesua mupaipoune'i tamitema tamei ie'i mutomu
29Ioxe, Iesua oli'a tatisaipeli milalai xo mo ane'i a so i'umesou tuala ne Ieliko. La tamitema latala e latala mimulinu Iesua. 30La tamitema tamei ie'i mutomu a mitalupexa no vote'i pa'umolu. Xe milomu lexe Iesua a umuamua'i upolopepene'i sila mi'ava tatila lexe, “Tatananexi, nini Teviti ilusunu. Naiaiama noxixe!” 31Xe ane'i tamitema latala milomusi'a mi'ava axone la mikaitolone'i ilou lexe ixolu tasiausi. Ia ilou mi'ava tatila e tatilala lexe, “Tatananexi, nini Teviti ilusunu. Naiaiama noxixe!”
32Ioxe, Iesua mutulu sila mu'avali'a ka muvikalane'i lexe, “Ngingi ngamasaxau a'oxonu mi ma'ia noxinge?” 33La ilou mikolinu lexe, “Tatananexi, nexi tamasaxau lexe na'oxonu iexi uka so tasaxi.” 34Xe Iesua tanuxa'a misevile laso mumulaxu avolu no ie'i ilou. Sila alaxu vilesisi ilou misaxila. Sika ilou mimulinu milai.
Zvasarudzwa nguva ino
Matiu 20: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 20
20
Latilovosi'a tauokuvoi mixaxai no anu xai so uaini
1Ioxe, no anu ngiou so itema loxo u'uli o uili'i la Iesua mulemolu latilovosou. Muvikala lexe, “Xo voxo so Mosinge molu u'uli laxune'i tamitemaou no tualasou la anu aloxo 'o. No kakau manina la itema vile liaxu tavu'alo mulai so utaxusi'a tauokuvoi so ixaxai no anu xai so uaini noxou. 2La anu muvikala lexe ulotone'i no anu kina vilevilesi so aso ne, la ane'i mi'osa. Laso anu mupalusi'a milai mixaxai no anu xaixu so uaini ne.
3Xe mune'e no anu aso iou loxo 9 kiloko 'o la mosou xai mulai muxalisi'a tamitema se'ila a mitulutulu vitanisi no loxomala. 4La muvikalane'i lexe, 'Ngingi kalumo ngalai ngaxaxai no xaisou uaini xo eni alotongengi no anu vote'i u'isalilisi.' La ane'i milai. 5Anu muxolu xe no velo la mu'oxo axone noxi'a se'ila xe no anu aso iou tatalu no o'olovoxo la mu'oxo axonela.
6Ioxe, mune'e xe no aso iou ta'uve manina la anu muxixao xe muxalisi'a levianila a mitulutulu vitanisi. La mutali'isi'a lexe, 'Axova so ngatulu nga'ole'ole vitanisi aso loloni 'o?' 7La ane'i mikolinu lexe, 'Xo evile upalusixe no anu xaixai vile uasi.' Laso anu mu'oxo lexe, 'Io' ngingi kalumo ngalai ngaxaxai no xaisou uaini.'
8Mune'e xe aso a so u'unae la mosou xai muvikalanu vosivoi lexe, 'Na'avali'a tauokuvoi ine'e so nalotone'i. Nasoko'u noxi'a ane'i ane miili'i ulai uxali avile noxi'a ane'i ane mi'una tei.' 9Laso ane'i ane misoko'u mixaxai no anu 5 kiloko se no o'olovoxo ne la mino'u kina vilevilesi. 10Mulotone'i xo xe muxali noxi'a ane'i ane mi'una tei la mikalavoi lexe masi ino'u lape tatila noxi'a ane miili'i olele. La ua', ane'i kalumo mino'u kina soxu vilevilesisi. 11Mino'u xe mimalei axone la mikalapunu mosou xai. 12La mivikala lexe, 'Ane'i ane mi'una ili'i to ne, mixaxai aso iou soxu vilesisi. Xe nexi 'o, tetavulenu tu'umaxu so texaxai mo aso muxutulala'ixe musoko'u no kakau xo mo muxali no olovoxo 'o. Ia nelotone'i xe nexi 'o iou vilesisi.'
13Xe mosou xai mulomusou vaikala anene la muvikalanu vile noxi'a lexe, 'Vivilo, eni asusunixine uasi a. Xo tei la nengei oponenge vilesisi no anu lapemeni e kina vilesisi, ne? 14Nano'u lapemeni mo nalaisi. No anu masaxa noxilosi la alotonu itema ane mu'una no anu xaixai ili'i manina iou vilesisi a loxo nini ne. 15Laso loxo eni apamuxanu lamolixeli no anu masaxa na'a xeli la eni asusu no anu uasi ane. Nini namaisilo aiaima noxi'a aloxo 'o la naisuisu xo ma'ia?'”
16La Iesua muvikala lexe, “Anu axonesi. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.”
Vaikalaou Iesua e lexe usoli ka umaulila, a mulemolu alaxu tatalusoula
17Ioxe, mune'e la Iesua mulutu so ulai ne Ielusalemo. La mu'avali'a tatisaipeliou 12 so ane'isisi mimuamua'i. Mimuamua'i la muvikalane'i lexe, 18“Ngalomu. Nenge talai ne Ielusalemo 'oe. Itema e molu noxou Mosinge la evile upilixinu no avo'a tatiatila noxi'a tapilisiti xe tamitema so lavulavu no anu lavuloto. La ane'i itulusou no anu vaikala mo isakinu vaikala lexe usoli. 19La ane'i i'italonu noxi'a tamitema noale'ale so ane'i imolo sukusou xe ipuapuasou. Ukalu la ililixu no anu ovu valautu so usoli. Usoli ia no anu voxo tatalusou la utulu umaulila.”
Tiemisi ilou Tioni mi'oxo lexe i'uli laxune'i tamenexi'a
20Xe ili'i la Sepeti ta'olu tamei oli'a neni'a mine'e noxou Iesua. Mine'e la ane mixolasou tava'e so itangatuluou Iesua so lexe ilingau mi vile noxou. 21La Iesua mutali'isie lexe, “Nini namasaxau mi ma'ia?” La ane mivikalanu lexe, “Eni amasaxau lexe no voxo loxo nini mene na'uli laxune'i tamitemameni la na'avali'a ta'alixeli tamei 'o so italupexa no pa'umene. Vile no avone tema xe vile no anu kaisi.”
22La Iesua muvikalane'i ilou aloxo 'o, “Ngingi ngilou ngalamana no anu mi ane ngalingau uasi ane. Xo ngingi ngamomomo so ngaiexu lexa sixula eni so aiexu 'o? La ilou mi'oxo lexe, “Ani nexi tamomomo ane.” 23La anu muvikalane'i ilou lexe, “Ani, ili'i la ngilou ngaie no anu lexa sixula noxilo. Ia ena'ei so uxolu no avolo tema xe no anu kaisi, la anu mi noxilo so apilixinu noxi'a tamitema uasi. Anu tanixu anene noxi'a ta'ei ane Mamilo molu mulalaxinu si'a.”
24Ioxe, Tiemisi ilou vimou Tioni milinga noxou Iesua axone xe tatisaipeli 10 milavusoui la la'iaxa'ai'a ilou. 25Ia Iesua mu'avali'a tatisaipeli mukalusi mipita noxou. La muvikalane'i lexe, “Ngingi ngelavusou ilixo noxi'a tamitema noale'ale. Ane'i takingii'a itoxa'a mo ilosi'a tamitema tu'utu'umaxu. Xe tatiatilasi'a itulu no tumali'a tamitema ta'ei loxo ivosine'i ne. 26Ia mamu so ilixo anene uxolu no taingengi. Xo itema ena'ei noxinge so uxali tatila la vote'isou aloxo 'o. Anu ulu'enu mo so u'oxonu xaixai noxinge latala. 27Xe ei noxinge oponu lexe u'uli laxungengi la anu masi uxali itema so xaixai vitanisi noxinge.” 28Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixaisou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”
Iesua mupaipoune'i tamitema tamei ie'i mutomu
29Ioxe, Iesua oli'a tatisaipeli milalai xo mo ane'i a so i'umesou tuala ne Ieliko. La tamitema latala e latala mimulinu Iesua. 30La tamitema tamei ie'i mutomu a mitalupexa no vote'i pa'umolu. Xe milomu lexe Iesua a umuamua'i upolopepene'i sila mi'ava tatila lexe, “Tatananexi, nini Teviti ilusunu. Naiaiama noxixe!” 31Xe ane'i tamitema latala milomusi'a mi'ava axone la mikaitolone'i ilou lexe ixolu tasiausi. Ia ilou mi'ava tatila e tatilala lexe, “Tatananexi, nini Teviti ilusunu. Naiaiama noxixe!”
32Ioxe, Iesua mutulu sila mu'avali'a ka muvikalane'i lexe, “Ngingi ngamasaxau a'oxonu mi ma'ia noxinge?” 33La ilou mikolinu lexe, “Tatananexi, nexi tamasaxau lexe na'oxonu iexi uka so tasaxi.” 34Xe Iesua tanuxa'a misevile laso mumulaxu avolu no ie'i ilou. Sila alaxu vilesisi ilou misaxila. Sika ilou mimulinu milai.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487