Matiu 21
21
Iesua mu'unalai ne Ielusalemo la tamitema mi'itinu ualasou a loxo kingi 'o
1Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli. 2La muvikalane'i aloxo 'o, “Ngilou ngalai no tuala uxolu no laxunenge olele. Ngilou ngaxali la alaxu vilesisi ngamaisou toniki vile misakine xe ilie a uxolu noxie. La nalulusou lamotasi'a ka ngane'ene'i noxilo 'o. 3Xe loxo itema vile utali'isinge la ngavikalanu lexe, 'Tatananenge umasaxi'a so mi vile. Ukalu la upalea so ulivunixi'ala.'”
4Mi ne muxalixu nene'axu vaikalaou polopeti e mulemolu tatei aloxo 'o, 5“Ngavikalane'i tatemanu tuala Saioni lexe, 'Ngamalei kingimengi a une'e 'oe. Anu ulu'enu xo une'e no anu tonikisi. Utalupexa no anu toniki maulu sika une'esi.'”
6Ioxe, tatisaipeli tamei milai la mi'oxo aloxo Iesua mupela'axu. 7La ilou mine'ene toniki ilou ilie. Xe misia'u lasiotii'a veveni no xine'i tatoniki ka Iesua mutalupexa no anu. 8La tamitema latala mixexenu lasiotii'a veveni ka misia'u no vote'i. Xe se'i noxi'a mixotosou ovu avo'avolu mo mita'ota'olunu no vote'i kalumo. 9Mukalu la tamitema se'i mi'uli noxou Iesua no vote'i xe se'i miili'i. La ane'i latala mi'ava'ava lexe, “Oponenge u'osasou Teviti ilusunu misevile mo ta'itinu ualasou. Tatananenge u'oxonu laixe noxou Itema anu molu mupalusou. Taitinu Mosinge ualasou teitexi avile.”
10Ioxe, Iesua mu'unalai ne Ielusalemo la tatemanu taoni ne mukalusi miuauavuti la mitatali'i lexe, “Itema ne ena'eio?” 11La tamitema latala e mimuamua'i ne mikoline'i lexe, “Anu polopeti e Iesua, anu so tuala Nasaleti ne Xalili.”
Iesua mukusai'a tamitema ane mimaketi no tasou Mosinge
12Xe Iesua mu'unalai no tasou Mosinge. Mu'unalai sila mukusukusui'a tamitema imaketi nonano ne. Anu mutitalenu latevolosi'a tamitema ane isenisenisimunu lamoli xe mupepeinu siasia noxi'a tamitema so isalimune'i tangiala utu. 13La anu muvikalane'i lexe, “Mosinge vaikalaou uvikala aloxo 'o, 'Anu tasilo 'o anu uxolu so tamitema ine'e ivikala noxilo.' Ia ngingi nge'oxonu muxali loxo tasi'a talasikelisi e so italumeu mimi ipakalinu.”
14Mukalu la Iesua a nonano no tasou Mosinge la ane'i tamitema ie'i mutomu xe tava'a mumasua mine'ene'e noxou so mupaipoune'i. 15Ia ane'i tatiatila noxi'a tapilisiti xe ane'i tamitema so lavulavu no anu lavuloto mimaisou sosovo so xavi mu'oxonu ne xe milomusi'a tamolomolo mi'ava'ava no tasou Mosinge lexe, “Ta'itinu ualasou ilusunu Teviti 'o.” Laso ane'i tatiatila ne opone'i ialuxu. 16La ane'i mitali'isou Iesua lexe, “Ai nelomusou vaikalai'a to ne?” La Iesua mukoline'i lexe, “Ani elomusou. Ia masi nga'itisou Mosinge vaikalaou pa'usou vile uasi. Xo uvikala lexe, 'Vaikala so osa'ilasine ula no anaxa'a tamolomolomo.'” 17Mukalu la anu muxexesi'a mulai la mula no taoni mo muxali avile ne Vetani so muxolu no olovoxo ne.
Iesua muvikala la ovu viki muxalo
18Ioxe, no kakau manina la Iesua a umaumua'i ulivu no taoni xo mole musolixu. 19Musolixu la mumaisou ovu viki vile muxolu no vote'i pa'umolu. Laso anu mulai alai no anu ia uxalisou temanu vile no anu uasi, mumaisou lexe anu volovoloxusi. La anu muvikalanu ovu ne lexe, “Nini nene'axene la uasi manina.” Sila alaxu vilesisi ovu viki ne muxalosi.
20Xe tatisaipeli mimaisou la tane'ilili mo mivikala lexe, “Iu, ovu viki 'o muxalo alaxu vilesisi axovao?” 21La Iesua mukoline'i lexe, “Avikalangengi manina aloxo 'o. Loxo lopala noxinge manina mo tangengi tamei uasi la ngingi ngamomomo no anu mi aloxo e'oxonu no anu ovu viki 'o. Mo kalumo ngingi ngamomomo so ngavikalanu la'olu 'o lexe, 'Navula nalai nasu'a lu'e no luaki,' la anu uxali ane. 22Xe loxo ngalopalasi so ngavikala noxou Mosinge la mi ma'ia ngalingau ne ngaxalisou ane.”
Mose'i mitali'isou Iesua lexe, “Ena'ei mutulusine natiatila 'o?”
23Ioxe, Iesua mulutu xo xe mu'unalai no tasou Mosinge la muvotovoto ne. Muvotovoto la tatiatila noxi'a tapilisiti oli'a tatiatila noxi'a Ta'isilaeli mine'e mitali'isou lexe, “Nini neno'u xavi ne'ei so na'oxonu ilixo te'o? Xo axova, evile mutulusine so naxali natiatila aloxo 'o?” 24La Iesua mukoline'i lexe, “Eni mi vile so atali'isingexu kalumo. Xe loxo ngakolileli laso ane, eni apela'inge lexe ena'ei mulosilo xavi ano'o. 25Aloxo 'o. Tioni mu'oxonu ilixo so kelele la tava'u a ne'ei, no tualasou Mosinge o mi noxi'a tamitemasi?”
La ane'i mivivikalane'i ngato'o mo mi'oxo lexe, “Ai, loxo nenge ta'oxo lexe mi noxou Mosinge, la anu masi uto'omenge lexe, 'La axova so ngalomuxu vaikalaou uasi?' 26Ia loxo nenge ta'oxo lexe anu mi noxi'a tamitemasi, la nenge masi ta'ume noxi'a tamitema 'o. Xo ane'i milopala lexe Tioni ne anu polopeti manina.” 27Tane'ilili axone laso ane'i mikolinu lexe, “E, talavu uasi.” La Iesua muvikalane'i lexe, “Ioxe, laso mamu so eni kalumo apela'inge lexe ena'ei mulosilo xavi so axaxai 'o.”
Latilovosi'a itema vile ta'olu tamei
28Ioxe, Iesua muvikalane'i tatiatila ne aloxo 'o, “Eni a'oxonu latilovo so atali'isinge no anu. Aloxo 'o. Itema vile ta'olu tatamei. La mulai noxou anu ane tei mo muvikalanu lexe, 'Alixeli, nalai naxaxai no anu xai so uaini.' 29La olu mu'oxo lexe, 'Eni amasaxa to uasi.' Ia ili'i xavutalaou muxiu laso mulai. 30Mukalu la mami'a mulai noxou anu ane ili'i la mupalusou axonela. La olu mukolinu lexe, 'Io, Papa, eni alai.” Ia ulai to uasi. 31Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi. 32Xo Tioni mune'e noxinge so upela'ingexu vote'i so malemalenga la ngingi ngalopalanu vaikalaou uasi. Io noxi'a tamitema so itaxusou taxisi oli'a tasema so vote'i la milopalanu. Ioxe, ngingi ngemaisou lopala noxi'a axone ia anene kalumo uxiunu opongengi so ngalopalanu vaikalaou to uasi.”
Latilovo so tamitema tamasua misaxila'u xaisou uaini
33Xe Iesua musolonu noxi'a lexe, “Ngalomusou latilovo vile aloxo 'ola. Mosou lia vile mu'oxo xaisou uaini ukalu la muvimelusou. Muvimelusou mukalu la mu'asou taxa nonano so loxo ili'i uaini ngaixu lingamo xe imamulonu la lexaxu usiali upita no anu. Mu'asou taxa mukalu la mutulusou tasou latolosou xai ne. Ioxe, mukalui la mupilixinu xai ne no avo'a tamitema se'i so isaxila'u. Mupilixinu noxi'a axone xo anu uxolu uasi mulai no tuala nopaxa. 34Mulai muxolu xo xe voxo so uaini ngiaxu a so lingamoe la anu mupalusi'a tavoiou so ilai noxi'a tamitema ane misaxila'u xaixu ne. Mupalusi'a milai so ino'u xai temanu se'i. 35Ia ane'i tamitema e misaxila'u xai ne mikasi'a tavoiou xe vile la mi'otu'otunu xe vile mivau musoli xe vile mipalexu no anu lavolavo'o. 36Xe ili'i la mosou xai mupalusi'a tauokuvoi se'i ane tavu'alola. Ia tamitema olele mivila'isi'a aloxo ane'i ane teisi.
37Ioxe, ili'ila la mosou xai mupalusou olu mu'isalili so mulai xo mu'oxo lexe, 'Ane'i masi itaxanu alixeli a.' 38Xe olu mulai ia loxo tamitema so isaxila'u xai mimaisou la mivikalane'i ngato'o lexe, 'Ano'o ne mosou xai olu a. Ili'i la anu uxalisou mimiou momu mukalusi. Laso nenge tavau aliku 'o usoli mo so nenge menge tamosou xai ano'o.' 39Laso ane'i mikasou mo mikusaou mulai noale no xai sika mivau musoli avile. 40Laso ngaxavutala axova? Ili'i mosou xai une'e la u'oxonu mi ma'ia noxi'a tamitema so misaxila'u xaixu ne?”
41La ane'i mivikalanu lexe, “Anu masi umamulone'i tamitema tamasua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”
42Xe Iesua muvikalane'i lexe, “Mosinge vaikalaou pa'usou vile ngingi masi nga'itisou uao. Xo uvikala lexe, 'Ane'i tamitema so itulusou tani mimatapianu lavo'o vile. Ia lavo'o nesi Tatananenge muilounu so muxali lavo'o so tani kisou. Tatananenge molu muxalixu mi ne xe tesaxisou la takuluke xo lailaixe misevile.' 43Laso avikalangengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upilixinu noxi'a tamitema laili vile ane so isaxila'u mo ixalixu nene'axu laixe no anu. 44Xe no anu lavo'o ne la loxo itema utulaki mo ulapau no latanu ne la ukakaka e lapilai uasisi. Ia loxo lavo'o ne ulapau utuvusou itema la anu umamulo e utuxu upaxepaxelesi.”#21.44 Tamitema so lavulavu se'i ixavutala lexe Matiu molu ukaukavunu vaikala ane uxolu no anu 21:44 uasi, itema vilemo masi mukaukavunu.
45Ioxe, ane'i tatiatila noxi'a tapilisiti oli'a Tapalisi milomusou Iesua mu'oxonu latilatilovo axone la milavu lexe anu ulovoi'asi ane. 46La opone'i ialuxu manina so lexe itetelisou ia vote'isi'a uasi. Ane'i mi'ume'a tamitema latala ne xo mitaxanu Iesua lexe anu polopeti.
Zvasarudzwa nguva ino
Matiu 21: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 21
21
Iesua mu'unalai ne Ielusalemo la tamitema mi'itinu ualasou a loxo kingi 'o
1Ioxe, Iesua oli'a tatisaipeli milutu xo mo a so ixali ne Ielusalemo. La mixali no tuala ne Petivaxe a muxolu no la'olu Olivi. Mukalu la Iesua mupalusi'a tatisaipeliou tamei mi'uli. 2La muvikalane'i aloxo 'o, “Ngilou ngalai no tuala uxolu no laxunenge olele. Ngilou ngaxali la alaxu vilesisi ngamaisou toniki vile misakine xe ilie a uxolu noxie. La nalulusou lamotasi'a ka ngane'ene'i noxilo 'o. 3Xe loxo itema vile utali'isinge la ngavikalanu lexe, 'Tatananenge umasaxi'a so mi vile. Ukalu la upalea so ulivunixi'ala.'”
4Mi ne muxalixu nene'axu vaikalaou polopeti e mulemolu tatei aloxo 'o, 5“Ngavikalane'i tatemanu tuala Saioni lexe, 'Ngamalei kingimengi a une'e 'oe. Anu ulu'enu xo une'e no anu tonikisi. Utalupexa no anu toniki maulu sika une'esi.'”
6Ioxe, tatisaipeli tamei milai la mi'oxo aloxo Iesua mupela'axu. 7La ilou mine'ene toniki ilou ilie. Xe misia'u lasiotii'a veveni no xine'i tatoniki ka Iesua mutalupexa no anu. 8La tamitema latala mixexenu lasiotii'a veveni ka misia'u no vote'i. Xe se'i noxi'a mixotosou ovu avo'avolu mo mita'ota'olunu no vote'i kalumo. 9Mukalu la tamitema se'i mi'uli noxou Iesua no vote'i xe se'i miili'i. La ane'i latala mi'ava'ava lexe, “Oponenge u'osasou Teviti ilusunu misevile mo ta'itinu ualasou. Tatananenge u'oxonu laixe noxou Itema anu molu mupalusou. Taitinu Mosinge ualasou teitexi avile.”
10Ioxe, Iesua mu'unalai ne Ielusalemo la tatemanu taoni ne mukalusi miuauavuti la mitatali'i lexe, “Itema ne ena'eio?” 11La tamitema latala e mimuamua'i ne mikoline'i lexe, “Anu polopeti e Iesua, anu so tuala Nasaleti ne Xalili.”
Iesua mukusai'a tamitema ane mimaketi no tasou Mosinge
12Xe Iesua mu'unalai no tasou Mosinge. Mu'unalai sila mukusukusui'a tamitema imaketi nonano ne. Anu mutitalenu latevolosi'a tamitema ane isenisenisimunu lamoli xe mupepeinu siasia noxi'a tamitema so isalimune'i tangiala utu. 13La anu muvikalane'i lexe, “Mosinge vaikalaou uvikala aloxo 'o, 'Anu tasilo 'o anu uxolu so tamitema ine'e ivikala noxilo.' Ia ngingi nge'oxonu muxali loxo tasi'a talasikelisi e so italumeu mimi ipakalinu.”
14Mukalu la Iesua a nonano no tasou Mosinge la ane'i tamitema ie'i mutomu xe tava'a mumasua mine'ene'e noxou so mupaipoune'i. 15Ia ane'i tatiatila noxi'a tapilisiti xe ane'i tamitema so lavulavu no anu lavuloto mimaisou sosovo so xavi mu'oxonu ne xe milomusi'a tamolomolo mi'ava'ava no tasou Mosinge lexe, “Ta'itinu ualasou ilusunu Teviti 'o.” Laso ane'i tatiatila ne opone'i ialuxu. 16La ane'i mitali'isou Iesua lexe, “Ai nelomusou vaikalai'a to ne?” La Iesua mukoline'i lexe, “Ani elomusou. Ia masi nga'itisou Mosinge vaikalaou pa'usou vile uasi. Xo uvikala lexe, 'Vaikala so osa'ilasine ula no anaxa'a tamolomolomo.'” 17Mukalu la anu muxexesi'a mulai la mula no taoni mo muxali avile ne Vetani so muxolu no olovoxo ne.
Iesua muvikala la ovu viki muxalo
18Ioxe, no kakau manina la Iesua a umaumua'i ulivu no taoni xo mole musolixu. 19Musolixu la mumaisou ovu viki vile muxolu no vote'i pa'umolu. Laso anu mulai alai no anu ia uxalisou temanu vile no anu uasi, mumaisou lexe anu volovoloxusi. La anu muvikalanu ovu ne lexe, “Nini nene'axene la uasi manina.” Sila alaxu vilesisi ovu viki ne muxalosi.
20Xe tatisaipeli mimaisou la tane'ilili mo mivikala lexe, “Iu, ovu viki 'o muxalo alaxu vilesisi axovao?” 21La Iesua mukoline'i lexe, “Avikalangengi manina aloxo 'o. Loxo lopala noxinge manina mo tangengi tamei uasi la ngingi ngamomomo no anu mi aloxo e'oxonu no anu ovu viki 'o. Mo kalumo ngingi ngamomomo so ngavikalanu la'olu 'o lexe, 'Navula nalai nasu'a lu'e no luaki,' la anu uxali ane. 22Xe loxo ngalopalasi so ngavikala noxou Mosinge la mi ma'ia ngalingau ne ngaxalisou ane.”
Mose'i mitali'isou Iesua lexe, “Ena'ei mutulusine natiatila 'o?”
23Ioxe, Iesua mulutu xo xe mu'unalai no tasou Mosinge la muvotovoto ne. Muvotovoto la tatiatila noxi'a tapilisiti oli'a tatiatila noxi'a Ta'isilaeli mine'e mitali'isou lexe, “Nini neno'u xavi ne'ei so na'oxonu ilixo te'o? Xo axova, evile mutulusine so naxali natiatila aloxo 'o?” 24La Iesua mukoline'i lexe, “Eni mi vile so atali'isingexu kalumo. Xe loxo ngakolileli laso ane, eni apela'inge lexe ena'ei mulosilo xavi ano'o. 25Aloxo 'o. Tioni mu'oxonu ilixo so kelele la tava'u a ne'ei, no tualasou Mosinge o mi noxi'a tamitemasi?”
La ane'i mivivikalane'i ngato'o mo mi'oxo lexe, “Ai, loxo nenge ta'oxo lexe mi noxou Mosinge, la anu masi uto'omenge lexe, 'La axova so ngalomuxu vaikalaou uasi?' 26Ia loxo nenge ta'oxo lexe anu mi noxi'a tamitemasi, la nenge masi ta'ume noxi'a tamitema 'o. Xo ane'i milopala lexe Tioni ne anu polopeti manina.” 27Tane'ilili axone laso ane'i mikolinu lexe, “E, talavu uasi.” La Iesua muvikalane'i lexe, “Ioxe, laso mamu so eni kalumo apela'inge lexe ena'ei mulosilo xavi so axaxai 'o.”
Latilovosi'a itema vile ta'olu tamei
28Ioxe, Iesua muvikalane'i tatiatila ne aloxo 'o, “Eni a'oxonu latilovo so atali'isinge no anu. Aloxo 'o. Itema vile ta'olu tatamei. La mulai noxou anu ane tei mo muvikalanu lexe, 'Alixeli, nalai naxaxai no anu xai so uaini.' 29La olu mu'oxo lexe, 'Eni amasaxa to uasi.' Ia ili'i xavutalaou muxiu laso mulai. 30Mukalu la mami'a mulai noxou anu ane ili'i la mupalusou axonela. La olu mukolinu lexe, 'Io, Papa, eni alai.” Ia ulai to uasi. 31Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi. 32Xo Tioni mune'e noxinge so upela'ingexu vote'i so malemalenga la ngingi ngalopalanu vaikalaou uasi. Io noxi'a tamitema so itaxusou taxisi oli'a tasema so vote'i la milopalanu. Ioxe, ngingi ngemaisou lopala noxi'a axone ia anene kalumo uxiunu opongengi so ngalopalanu vaikalaou to uasi.”
Latilovo so tamitema tamasua misaxila'u xaisou uaini
33Xe Iesua musolonu noxi'a lexe, “Ngalomusou latilovo vile aloxo 'ola. Mosou lia vile mu'oxo xaisou uaini ukalu la muvimelusou. Muvimelusou mukalu la mu'asou taxa nonano so loxo ili'i uaini ngaixu lingamo xe imamulonu la lexaxu usiali upita no anu. Mu'asou taxa mukalu la mutulusou tasou latolosou xai ne. Ioxe, mukalui la mupilixinu xai ne no avo'a tamitema se'i so isaxila'u. Mupilixinu noxi'a axone xo anu uxolu uasi mulai no tuala nopaxa. 34Mulai muxolu xo xe voxo so uaini ngiaxu a so lingamoe la anu mupalusi'a tavoiou so ilai noxi'a tamitema ane misaxila'u xaixu ne. Mupalusi'a milai so ino'u xai temanu se'i. 35Ia ane'i tamitema e misaxila'u xai ne mikasi'a tavoiou xe vile la mi'otu'otunu xe vile mivau musoli xe vile mipalexu no anu lavolavo'o. 36Xe ili'i la mosou xai mupalusi'a tauokuvoi se'i ane tavu'alola. Ia tamitema olele mivila'isi'a aloxo ane'i ane teisi.
37Ioxe, ili'ila la mosou xai mupalusou olu mu'isalili so mulai xo mu'oxo lexe, 'Ane'i masi itaxanu alixeli a.' 38Xe olu mulai ia loxo tamitema so isaxila'u xai mimaisou la mivikalane'i ngato'o lexe, 'Ano'o ne mosou xai olu a. Ili'i la anu uxalisou mimiou momu mukalusi. Laso nenge tavau aliku 'o usoli mo so nenge menge tamosou xai ano'o.' 39Laso ane'i mikasou mo mikusaou mulai noale no xai sika mivau musoli avile. 40Laso ngaxavutala axova? Ili'i mosou xai une'e la u'oxonu mi ma'ia noxi'a tamitema so misaxila'u xaixu ne?”
41La ane'i mivikalanu lexe, “Anu masi umamulone'i tamitema tamasua ne avilesi. Ukalu ka upilixinu xaisou uaini noxi'a tamitema se'ila. Upilixinu noxi'a tamitema talaixe so isaxila'u xo axone la itaxusou nene'axu mo ilosou no voxosou xai lingamo.”
42Xe Iesua muvikalane'i lexe, “Mosinge vaikalaou pa'usou vile ngingi masi nga'itisou uao. Xo uvikala lexe, 'Ane'i tamitema so itulusou tani mimatapianu lavo'o vile. Ia lavo'o nesi Tatananenge muilounu so muxali lavo'o so tani kisou. Tatananenge molu muxalixu mi ne xe tesaxisou la takuluke xo lailaixe misevile.' 43Laso avikalangengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upilixinu noxi'a tamitema laili vile ane so isaxila'u mo ixalixu nene'axu laixe no anu. 44Xe no anu lavo'o ne la loxo itema utulaki mo ulapau no latanu ne la ukakaka e lapilai uasisi. Ia loxo lavo'o ne ulapau utuvusou itema la anu umamulo e utuxu upaxepaxelesi.”#21.44 Tamitema so lavulavu se'i ixavutala lexe Matiu molu ukaukavunu vaikala ane uxolu no anu 21:44 uasi, itema vilemo masi mukaukavunu.
45Ioxe, ane'i tatiatila noxi'a tapilisiti oli'a Tapalisi milomusou Iesua mu'oxonu latilatilovo axone la milavu lexe anu ulovoi'asi ane. 46La opone'i ialuxu manina so lexe itetelisou ia vote'isi'a uasi. Ane'i mi'ume'a tamitema latala ne xo mitaxanu Iesua lexe anu polopeti.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487