Matiu 23
23
Iesua mupela'axu ilixo masua noxi'a tamitema so lavulavu no anu lavuloto
1Ioxe, ili'i la Iesua mulanu vaikala noxi'a tamitema latala oli'a tatisaipeliou. 2La muvikala lexe, “Ane'i tamitema so lavulavu no anu lavuloto oli'a Tapalisi a itutulu no anu tanixa'a so itilovosou laxulaxu lo aloxo Mosisi mu'oxonu. 3Laso mi ma'ia ilemolu noxinge la ngalomuxu mo nga'oxonu. Ia no anu ili'ilixone'i la ngamuline'i mamu. Xo vaikalai'a ne ane'i me'a imulinu to uasi.
4Anu loxo ane'i isakinu tavala tu'umaxu misevile ka imulaxu no laxasi'a tamitema mole sasaie'i so itavulenu. Ane'i tatiatila imaisi'a toxene'i so itavulenu axone ia ane'i ivaxanu avo'a simosou se so iva'isune'i to uasi. 5Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena. 6Xe no anu la'ilali la imasaxau tanixa'a tatiatilasi mo no anu tasou lavuloto la ane'i italupexa no anu lu u'uli. 7Ane'i imasaxau so loxo ixixao no loxoloxomala la tamitema itaxane'i so ivikala aso noxi'a mo ileme'a no anu uala lexe 'Tisa'.
8Ia mamu so tamitema imoxo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane. 9Mo mamu so ngamoxo'u vile noxi'a no lialia 'o lexe anu maminge. Xo anu vilesisi so Maminge, anu ane uxoxolu no tualasou lailaixe. 10Mo mamu so tamitema imoxo'inge no anu uala lexe 'Tatila'. Xo anu vilesisi so Tilasinge, anu ane Mosinge musosovosou lexe Kalaisiti. 11Ia loxo vile noxinge so tilasinge la vote'isou aloxo 'o, anu ulu'enu mo uxali uokivoimengisi. 12Xo loxo itema molu u'itinu la anu ualasou ulu'e ane. Xe loxo itema molu ulu'enu la anu ualasou utelai.”
13La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to! 14Anu masua noxinge tamitema so lavulavu xe ngingi Tapalisi. Vaikalamengi ilou ilixomengi vilesisi uasi. Ngingi ngalavusou nga'oxo loloxa'a tasema ane tamului'a misoisoli so ipilixinu tasi'a no avonge. Mo ngakalavoi so ngakilaka veveni musuku. Laso maixene no anu voxo so Mosinge ukotingengi la ngatavulenu tu'umaxusou tatila.#23.14 Tamitema so lavulavu se'i ixavutala lexe Matiu molu ukaukavunu vaikala ane uxolu no anu 23:14 uasi, itema vilemo masi mukaukavunu.
15Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi. Xo ngingi ativoku so ngaxixao no luaki loxo'u mo no lialia so ngalapune'i se'i so ixiu i'una no anu vote'i e Mosinge mulosinge Taiuta. Ia loxo vile noxi'a u'una noxinge axone la ngaolexu no anu ilixomengi mole ngapalusou no navu so mamulo xo ilixou masua u'ualixu noxinge ne.
16Anu masua noxinge xo ngingi tamitema so ngapamuxane'i tamenexinge no vote'i ia ngingi iengi selevenu to! Xo vaikalamengi aloxo 'o, 'Loxo itema vile ulemolu tasou Mosinge so usakinu vavalima noxou xe loxo ili'i uxola'u la anu mi vile uasi. Ia loxo ulemolu koli so tasou Mosinge so usakinu vavalima xe loxo ili'i uxola'u la anu masua e masua manina.' 17Ai ngingi ngavikala axone xo ngingi ngaxovulaulau mo iengi selevenusi. Mi ma'ia mutiatila no iou Mosinge? Koli ne o tasou e mukalipalanu koli ne lexe noxou mu'isalili? A tasou mutiatila to!
18Mo kalumo ngavikala lexe, 'Loxo itema vile ulemolu tanixu navu no tasou Mosinge so usakinu vavalima noxou xe loxo ili'i uxola'u la anu mi vile uasi. Ia loxo ulemolu mi ane so u'ela no tanixu navu so usakinu vavalima xe loxo ili'i uxola'u la anu masua e masua manina.' 19Ai ngingi ngavikala axone xo iengi selevenusi. Mi ma'ia mutiatila no iou Mosinge? Mi ane so u'ela ne o tanixu navu e ukalipalanu mi ne lexe noxou Mosinge? A tanixu navu to!
20Laso loxo itema ulemolu tanixu navu so usakinu vavalima noxou la anu vaikalaou usu'asou tanixu navu ilou mimi mukalusi ane so u'ela no anu ne. 21Xe loxo itema ulemolu tasou Mosinge so usakinu vavalima noxou la anu vaikalaou usu'asou tani ne ilou Tatananu e uxolu nonano ne. 22Xe loxo itema ulemolu tualasou Mosinge so usakinu vavalima noxou la vaikalaou usu'asou sia kingi noxou Mosinge ilou Tatananu e utalupexa no anu ne.
23Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo mimi se ngatounu no xai so u'oxonu la'ilali tu'axu la sasaiengi so ngaxexenu pa'usou no anu 10 so lexe noxou Mosinge. Ngingi ngamulinu lavuloto kitukitu axone io mi ane mutiatila no anu lo a tangengivulusiou to. Mi mutiatila aloxo ilixo so nga'oxone'i tamenexinge no anu ilixo mulapusi mo no anu alauna xe vote'i so ngalopala noxou Mosingesi. Anu laixe so opongengi u'oxoxu mimi mutiatila no anu lo axone xe tangengivulusiou mi kitukitu no anu kalumo uasi. 24Uo, ngingi tamitema so ngapamuxane'i tamenexinge no vote'i ia ngingi iengi selevenu to! Ngingi loxo itema iou uititiou mi se uxolu no anu supu so uxexenu ia iou uvaxaou misoposi toxoxu loxo kameli kaio umalukusousi.
25Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo ngingi xavingengi so nga'uinu vasimolu kapu xe lisi. Ia temanu nonano la ngingi ngatanu susu a loxo pakali xe ilixo so ngaxavutalanu masaxa na'a ngingisi. 26Uo nini Palisi seleve! Nini na'uinu kapu xe lisi tanu nonano teio, mo so axone la anu vasimolu malemalenga kalumo.
27Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Ngingi loxo lulu ane milailavenu no anu peni kea. Xo noale no lulu la usaxi laixe ia nonano la temanu ane xinexine'i tamitema misoisoli xe mimi masua e u'ui'uisi. 28La ngingi axone kalumo, xo tamitema ie'i utuvu noale noxinge la masi i'oxo lexe ngingi tamitema talapu ane. La ua', xo nonano la nga'ana'ana no anu kalakalavoi xe xilili no anu losi.”
29Mo musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo ngingi ngapaipounu lulu noxi'a tapolopeti so uxali lailaixe xe sosovo so lulusi'a tamitema talapu la ngavilasinu kena! 30Xe nga'oxo lexe loxo ngingi ngexolu no voxosi'a ta'ilusungengi la ngingi umomomo so ngapita noxi'a so ive'a tapolopeti uasisi. 31Laso ngingi menge ngato'omenge no anu vaikalamengi ne xo ngapala'anixu lexe ngingi ta'ilusune'i tamitema e mive'ave'a tapolopeti misoli. 32Ioxe laso ane, susu noxi'a ta'ilusungengi ne, ngasivitanoxu avilesi. 33Ngingi taiaulu ane. Ngingi loxo tasineke ane lamalasini masua uxolu no anangenge ne. Mosinge utongongengi ka upalusinge no anu navu so mamulosi, laso ngamaxale axovae?
34Laso ngalomu. Eni apalusi'a tamitema so pela'a xe ane'i ane lavulavui'a xe ane'i ane so ipala'anixu laxu vaikala ine'e noxinge. Ia ngingi ngave'a se'i isoisoli xe se'i ngalilixa'a no ovu valautu xe ngapuapuasi'a se'i nonano no tasou lavuloto noxinge. Mo ngingi ngavokomuline'i no tuatuala. 35Laso susu noxi'a tamitema e mive'a tamitema talapu no lialia ne upita noxingesi. Sialuxa'a tamitema talapu ne musoko'u munixi noxou Aveli xo mo mune'e muxali noxou Sekelaia e Pelekia olu. Anu ane ngevau no tainu tasou Mosinge xe tanixu navu. 36Eni avikalangengi manina lexe lakolisou susu mukalusi ne upita utuvu noxinge laili so vaimomo 'o.”
Iesua tanuxu Ielusalemo
37Xe Iesua muvikala aloxo 'ola, “Uo Ielusalemo, Ielusalemo. Nini nalavusou nave'ave'a tapolopeti isoisoli xe tamitema e Mosinge mupalusi'a mine'e noxine la napalexa'a no anu lavo'o so isoli. Alaxu tavu'alo eni emasaxau apitane'i tamitemameni aloxo koko'a ipitane'i tailie no laxu vivisie, ia ane'i imasaxau to uasi. 38Laso nalomu, tasine a so uxolu xalusou mo papaxexusi. 39Xo eni avikalangengi aloxo 'o. Usoko'u vaimomo la ngamaisilola uasi. Ulai xo mo ngavikala lexe, 'Mosinge u'oxo laixe noxou anu ane une'e no anu ualasou Tatananenge.'”
Zvasarudzwa nguva ino
Matiu 23: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 23
23
Iesua mupela'axu ilixo masua noxi'a tamitema so lavulavu no anu lavuloto
1Ioxe, ili'i la Iesua mulanu vaikala noxi'a tamitema latala oli'a tatisaipeliou. 2La muvikala lexe, “Ane'i tamitema so lavulavu no anu lavuloto oli'a Tapalisi a itutulu no anu tanixa'a so itilovosou laxulaxu lo aloxo Mosisi mu'oxonu. 3Laso mi ma'ia ilemolu noxinge la ngalomuxu mo nga'oxonu. Ia no anu ili'ilixone'i la ngamuline'i mamu. Xo vaikalai'a ne ane'i me'a imulinu to uasi.
4Anu loxo ane'i isakinu tavala tu'umaxu misevile ka imulaxu no laxasi'a tamitema mole sasaie'i so itavulenu. Ane'i tatiatila imaisi'a toxene'i so itavulenu axone ia ane'i ivaxanu avo'a simosou se so iva'isune'i to uasi. 5Mo mi ma'ia i'oxonu la i'itine'i no anu no ie'i tamitemasi. Xo laletisou lavuloto e isakinu so ivikala noxou Mosinge la i'oxonu tiatila. Xe no anu lavulutii'a veveni la lamolamota so telexu la veveveni kena. 6Xe no anu la'ilali la imasaxau tanixa'a tatiatilasi mo no anu tasou lavuloto la ane'i italupexa no anu lu u'uli. 7Ane'i imasaxau so loxo ixixao no loxoloxomala la tamitema itaxane'i so ivikala aso noxi'a mo ileme'a no anu uala lexe 'Tisa'.
8Ia mamu so tamitema imoxo'inge no anu uala lexe 'Tisa'. Xo anu vilesisi so Tisamengi. Xe ngingi la tavivingesi ane. 9Mo mamu so ngamoxo'u vile noxi'a no lialia 'o lexe anu maminge. Xo anu vilesisi so Maminge, anu ane uxoxolu no tualasou lailaixe. 10Mo mamu so tamitema imoxo'inge no anu uala lexe 'Tatila'. Xo anu vilesisi so Tilasinge, anu ane Mosinge musosovosou lexe Kalaisiti. 11Ia loxo vile noxinge so tilasinge la vote'isou aloxo 'o, anu ulu'enu mo uxali uokivoimengisi. 12Xo loxo itema molu u'itinu la anu ualasou ulu'e ane. Xe loxo itema molu ulu'enu la anu ualasou utelai.”
13La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to! 14Anu masua noxinge tamitema so lavulavu xe ngingi Tapalisi. Vaikalamengi ilou ilixomengi vilesisi uasi. Ngingi ngalavusou nga'oxo loloxa'a tasema ane tamului'a misoisoli so ipilixinu tasi'a no avonge. Mo ngakalavoi so ngakilaka veveni musuku. Laso maixene no anu voxo so Mosinge ukotingengi la ngatavulenu tu'umaxusou tatila.#23.14 Tamitema so lavulavu se'i ixavutala lexe Matiu molu ukaukavunu vaikala ane uxolu no anu 23:14 uasi, itema vilemo masi mukaukavunu.
15Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi. Xo ngingi ativoku so ngaxixao no luaki loxo'u mo no lialia so ngalapune'i se'i so ixiu i'una no anu vote'i e Mosinge mulosinge Taiuta. Ia loxo vile noxi'a u'una noxinge axone la ngaolexu no anu ilixomengi mole ngapalusou no navu so mamulo xo ilixou masua u'ualixu noxinge ne.
16Anu masua noxinge xo ngingi tamitema so ngapamuxane'i tamenexinge no vote'i ia ngingi iengi selevenu to! Xo vaikalamengi aloxo 'o, 'Loxo itema vile ulemolu tasou Mosinge so usakinu vavalima noxou xe loxo ili'i uxola'u la anu mi vile uasi. Ia loxo ulemolu koli so tasou Mosinge so usakinu vavalima xe loxo ili'i uxola'u la anu masua e masua manina.' 17Ai ngingi ngavikala axone xo ngingi ngaxovulaulau mo iengi selevenusi. Mi ma'ia mutiatila no iou Mosinge? Koli ne o tasou e mukalipalanu koli ne lexe noxou mu'isalili? A tasou mutiatila to!
18Mo kalumo ngavikala lexe, 'Loxo itema vile ulemolu tanixu navu no tasou Mosinge so usakinu vavalima noxou xe loxo ili'i uxola'u la anu mi vile uasi. Ia loxo ulemolu mi ane so u'ela no tanixu navu so usakinu vavalima xe loxo ili'i uxola'u la anu masua e masua manina.' 19Ai ngingi ngavikala axone xo iengi selevenusi. Mi ma'ia mutiatila no iou Mosinge? Mi ane so u'ela ne o tanixu navu e ukalipalanu mi ne lexe noxou Mosinge? A tanixu navu to!
20Laso loxo itema ulemolu tanixu navu so usakinu vavalima noxou la anu vaikalaou usu'asou tanixu navu ilou mimi mukalusi ane so u'ela no anu ne. 21Xe loxo itema ulemolu tasou Mosinge so usakinu vavalima noxou la anu vaikalaou usu'asou tani ne ilou Tatananu e uxolu nonano ne. 22Xe loxo itema ulemolu tualasou Mosinge so usakinu vavalima noxou la vaikalaou usu'asou sia kingi noxou Mosinge ilou Tatananu e utalupexa no anu ne.
23Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo mimi se ngatounu no xai so u'oxonu la'ilali tu'axu la sasaiengi so ngaxexenu pa'usou no anu 10 so lexe noxou Mosinge. Ngingi ngamulinu lavuloto kitukitu axone io mi ane mutiatila no anu lo a tangengivulusiou to. Mi mutiatila aloxo ilixo so nga'oxone'i tamenexinge no anu ilixo mulapusi mo no anu alauna xe vote'i so ngalopala noxou Mosingesi. Anu laixe so opongengi u'oxoxu mimi mutiatila no anu lo axone xe tangengivulusiou mi kitukitu no anu kalumo uasi. 24Uo, ngingi tamitema so ngapamuxane'i tamenexinge no vote'i ia ngingi iengi selevenu to! Ngingi loxo itema iou uititiou mi se uxolu no anu supu so uxexenu ia iou uvaxaou misoposi toxoxu loxo kameli kaio umalukusousi.
25Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo ngingi xavingengi so nga'uinu vasimolu kapu xe lisi. Ia temanu nonano la ngingi ngatanu susu a loxo pakali xe ilixo so ngaxavutalanu masaxa na'a ngingisi. 26Uo nini Palisi seleve! Nini na'uinu kapu xe lisi tanu nonano teio, mo so axone la anu vasimolu malemalenga kalumo.
27Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Ngingi loxo lulu ane milailavenu no anu peni kea. Xo noale no lulu la usaxi laixe ia nonano la temanu ane xinexine'i tamitema misoisoli xe mimi masua e u'ui'uisi. 28La ngingi axone kalumo, xo tamitema ie'i utuvu noale noxinge la masi i'oxo lexe ngingi tamitema talapu ane. La ua', xo nonano la nga'ana'ana no anu kalakalavoi xe xilili no anu losi.”
29Mo musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Vaikalamengi ilou ilixomenge vilesisi uasi! Xo ngingi ngapaipounu lulu noxi'a tapolopeti so uxali lailaixe xe sosovo so lulusi'a tamitema talapu la ngavilasinu kena! 30Xe nga'oxo lexe loxo ngingi ngexolu no voxosi'a ta'ilusungengi la ngingi umomomo so ngapita noxi'a so ive'a tapolopeti uasisi. 31Laso ngingi menge ngato'omenge no anu vaikalamengi ne xo ngapala'anixu lexe ngingi ta'ilusune'i tamitema e mive'ave'a tapolopeti misoli. 32Ioxe laso ane, susu noxi'a ta'ilusungengi ne, ngasivitanoxu avilesi. 33Ngingi taiaulu ane. Ngingi loxo tasineke ane lamalasini masua uxolu no anangenge ne. Mosinge utongongengi ka upalusinge no anu navu so mamulosi, laso ngamaxale axovae?
34Laso ngalomu. Eni apalusi'a tamitema so pela'a xe ane'i ane lavulavui'a xe ane'i ane so ipala'anixu laxu vaikala ine'e noxinge. Ia ngingi ngave'a se'i isoisoli xe se'i ngalilixa'a no ovu valautu xe ngapuapuasi'a se'i nonano no tasou lavuloto noxinge. Mo ngingi ngavokomuline'i no tuatuala. 35Laso susu noxi'a tamitema e mive'a tamitema talapu no lialia ne upita noxingesi. Sialuxa'a tamitema talapu ne musoko'u munixi noxou Aveli xo mo mune'e muxali noxou Sekelaia e Pelekia olu. Anu ane ngevau no tainu tasou Mosinge xe tanixu navu. 36Eni avikalangengi manina lexe lakolisou susu mukalusi ne upita utuvu noxinge laili so vaimomo 'o.”
Iesua tanuxu Ielusalemo
37Xe Iesua muvikala aloxo 'ola, “Uo Ielusalemo, Ielusalemo. Nini nalavusou nave'ave'a tapolopeti isoisoli xe tamitema e Mosinge mupalusi'a mine'e noxine la napalexa'a no anu lavo'o so isoli. Alaxu tavu'alo eni emasaxau apitane'i tamitemameni aloxo koko'a ipitane'i tailie no laxu vivisie, ia ane'i imasaxau to uasi. 38Laso nalomu, tasine a so uxolu xalusou mo papaxexusi. 39Xo eni avikalangengi aloxo 'o. Usoko'u vaimomo la ngamaisilola uasi. Ulai xo mo ngavikala lexe, 'Mosinge u'oxo laixe noxou anu ane une'e no anu ualasou Tatananenge.'”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487