Matiu 24
24
Iesua mulemolu mamulosou tasou Mosinge
1Ioxe, Iesua mula no tasou Mosinge mo a so ulai la tatisaipeli mine'e noxou milosilosi so loxo ilosoiouxu ngiongiou no tasou Mosinge. 2Ia anu mulemolu vaikala ano'o noxi'a, “Ngingi ngamaisou ngiongiou laixe ano'o ia avikalangengi manina lexe ili'i la lavo'o vile utoxo no anu menexu uasi, upaxele mukalusi. Tani ano'o ne umamulosi.
Iesua mupela'axu tu'utu'umaxu ane so uxali ili'i
3Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”
4La Iesua mukoline'i lexe, “Ngalaxa'i laixe, xo loxo 'o io tamitema ikalavoingengi ane. 5Xo tamitema tavu'alo ine'ene'e mo ivikala lexe, 'Eni ane so Kalaisiti a.' La ilemolu ualasilo so ikalavoine'i tamitema tapiena. 6Mo ili'i loxo ngalomusou a'alo so oto tatila mo sivo lexe oto tatila so uxali no tuatuala la ngakuluke no anu uasi. Mimi anene uxali, ia kaluxusou voxo a uao. 7Xe tamitema no anu laili se'i i'alivulane'i laili se'i. Xe takingi so xale lia se'i ilai i'alivulane'i takingi so xale lia se'i. Mo no xalexale lia se'i la uni'uni tatila mo anene voxo so vitolo kalumo. 8Mimi anene uxali ia anene soko'u no anu tu'umaxusi. Anu loxo sema ilie ukitikitinesi so ivo'onu, u'oki uao.
9Xe ngingi, la taxilili ilosinge navunavu mo tu'umaxu mole se'i noxinge la ivenge ngasoli. Mo tatemanu xale tuatuala mukalusi opone'i umatapiangengi xo ngingi a ngatavulenu ualasilo. 10La no voxo anene ane'i tavu'alo ixiunu tumali'aou lopala. Laso ane'i imatapiane'i ngato'o sika ipilixine'i tamenexi'a no avo'a tauluai'a. 11Xe tapolopeti kalakalavoi tavu'alo i'avuti so i'oxo loloxa'a tamitema latala. 12La ilixo so ixolaxola'u lo u'oki laso leviani ipilixinu vote'i so isexela. 13Ia ane'i ane so ixolu pakia'a ulai uxali avile no anu kaluxusou voxo la ixalisou pamauli. 14Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.
No voxo anene tu'umaxu e tu'umaxu manina
15Ioxe, Iesua musolonu vaikalaou, ia itema ena'ei u'itisou la uxavutalanu laxu laixe. Muvikala aloxo 'o, “Laso ili'i la ngamaisou mi e so matapia mo mamulo uxolu no tanixu malemalenga. Vaikalasou mi ne Mosinge mupolonu noxou polopetiou Tanieli tatei. 16No voxo ne la laixe so Taiutea i'ume'ume ilai italume no la'ola'olu. 17Xe itema ane u'ole'ole no laxa'u tani la ulu'e ne u'ume ulaisi. Uxavutalanu mi vile so uno'u no tasoula uasi. 18Mo loxo itema uxolu no xai la ulivu no tani so uno'u lasiotiou vevenila uasi. Ulai u'ume avile. 19La tanengexa'a tasema ane opo'opone'i xe ane'i ane ta'ili'a i'ou sususio. Xo masi i'au'ausi'a la i'ume palea uae. 20Mo ngalinga noxou Mosinge lexe voxo so nga'ume axone la no anu tau lelemesou o Voxo so Ma'ila uasi. 21Voxo anene tu'umaxu e tu'umaxu manina. Musoko'u no voxo loxo lialia muxali xe mune'e muxali avile vaimomo 'o la tu'umaxu axone uxali uasi. Mo uxali ili'i kalumo axone uasi. 22Xe loxo Tatananenge uxotonu voxosou tu'utu'umaxu anene uasi la itema vile umauli uasi. Ia anu uxavutalane'i tamitema ane musososvosi'a lumamo lexe tanoxou. Uxavutalane'i laso uxotonu voxo anene.
23Mo aloxo 'o. No voxo anene loxo itema vile uvikalangengi lexe, 'Ngamaisou Kalaisiti a.' o loxo vile u'oxo lexe, 'Kalaisiti a olele.' la ngalomuxa'a uasi. 24Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musosovosi'a lexe tanoxou. 25Laso ngalomu laixe xo epela'ingexu mimi ne lumamo 'oe.
26Ioxe, laso loxo ivikalangengi lexe, 'Ngamalei, anu a uxolu no anu xale lia esi'esi,' la mamu so ngalai. O loxo i'oxo lexe, 'Ngamalei anu a uxoxolu no ngiongiou nonano 'o,' la ngalomuxa'a to uasi. 27Xo ngelavu, lele'e lamixu ukelele no loxotolo ulutu no isiti ka upisikei uxali avile no anu uesiti. La Itema ane molu noxou Mosinge upala'a axone no anu voxosou loxo uxali. 28No anu tanixu loxo tamitema vasime'a usoli uta'olu no anu la ane'i tangiala ta'ola ipita no anu kalumo.”
Iesua mupala'anixu lailivu noxou
29Muvikala axone mukalu la musolonu aloxo 'ola, “Tu'utu'umaxu anene uxali ukalui la aso uxali isivoxosi mo so'io ukala uasi. Mo mimi xavixavinu no loxotolo ukunikuni la tataoto ilapalapau ulu'e. 30Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila. 31Mo piuka utama tatila so upalusi'a ta'angeloxeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”
32La Iesua mutilovo aloxo 'o, “Ngingi ngano'u lavulavu no anu ovu viki. Loxo avolu umauli mo uxata la ngalavu lexe voxo so aso laixe so uxali. 33La anu axonesi. Loxo ngamaisou tu'utu'umaxu elemolu 'o uxali la ngalavu lexe anu Itema ne a uxali mo no iouxalengasi. 34Mo avikalangengi manina aloxo 'o. Laili ano'o ixolu mo ixalisou mimi ne, isoisoli tei uasi. 35Mo ili'i la loxotolo ilou lialia tasiauxu ia vaikalaxelisi umomomo so tasiauxu uasi.”
Evile ulavusou voxosou mimi anene uasi
36Mo musolonu aloxo 'ola, “Ia evile ulavusou voxo o aso iou so mimi anene uxali uasi. Ta'angelo talaixe no tualasou Mosinge ilavu uasi kalumo. Mo eni a Olu kalumo alavusou uasi. A Mosinge anu Mamingesi ulavusou. 37Xo voxo so Itema ane molu noxou Mosinge uxali la aloxo voxo so Noa muxoxolu. 38Xo ane'i tatei ne mixolu mi'ani'ani mo miie mo mitataula'i xo mo mumomomo no anu voxo loxo Noa mu'unalai no lasipi. 39La ane'i ilavu lexe mi ma'ia uxali uasi. La xoluxoluxa'a axonesi xo mole anipa muxali sika mukalusi'a tamitema anene avile. Ioxe, loxo Itema ane molu noxou Mosinge uxali la anu axonesi.
40Xo masi tamitema tamei ixolu no xai la Mosinge uno'u vile xe vile uxolusi. 41O loxo tasema tamei ixolu tanixa'a vilesisi so imamulonu uiti ngiaxu so palaua la uno'e vile ia vile la ixolu ane. 42Laso ngingi ngalo laixe xo ngalavusou voxo so Tatanangengi uxali uasi ane.
43Xo loxo ngelavu, loxo mosou tani ulavusou aso iou u'isalili no olovoxo so lasikeli une'e upakali, la anu ulo laixe ane. Vote'i uasisi so itema lasikeli ne upakisi u'unalai no tasou. 44Laso ngingi kalumo ngaxolu ngalo laixe xo Itema ane molu noxou Mosinge une'e no anu aso iou ane ngalavusou uasi.
Latilovo so uokuvoi ane laixe xe ane masua
45La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a. 46Laso loxo tila ulivu uxali xe umaisou uokuvoi ena'ei e mutulusou ne a uxaxai axonesio la uxali laixe manina noxou. 47Xo avikalangengi manina lexe tila ne utulusou uokuvoi ne so usaxila'u mimiou mukalusi. 48Ia loxo uokuvoi masua vile ane u'uli laxune'i tamenexu axone uxavutala no oponu lexe, 'Ai, tilasilo ulivu une'e palea uasi ane.' 49Xe loxo usoko'u so uve'ave'a tamenexu tamitema so xaixai ne mo u'ani'ani mo uie noxi'a tamitema so usipaki, la masi axova noxou? 50Aloxo 'o. Voxo vile masi uxolu ulo laixe uasi sila tilasou uxali no aso iou vile ka ukulukenusi. 51Uxali xe umaisou ilixo noxou axone la ukiaenu ka umulaxu uveisa'ine'i tamitema so kalakalavoi. Oli'a ixolu no anu tanixu anene tatemanu itatama mo anaxa'a ukalakikisi
Zvasarudzwa nguva ino
Matiu 24: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 24
24
Iesua mulemolu mamulosou tasou Mosinge
1Ioxe, Iesua mula no tasou Mosinge mo a so ulai la tatisaipeli mine'e noxou milosilosi so loxo ilosoiouxu ngiongiou no tasou Mosinge. 2Ia anu mulemolu vaikala ano'o noxi'a, “Ngingi ngamaisou ngiongiou laixe ano'o ia avikalangengi manina lexe ili'i la lavo'o vile utoxo no anu menexu uasi, upaxele mukalusi. Tani ano'o ne umamulosi.
Iesua mupela'axu tu'utu'umaxu ane so uxali ili'i
3Xe ili'i la Iesua mutalupexa no la'olu Olivi la tatisaipeli ane'isisi mine'e noxou mo mitatali'i noxou lexe, “Nini napala'anixu noxixe lexe voxosou mi e nelemolu a talu? Axova, sosovo vile so nexi talavu lexe nini a so nalivu nane'e mo talavu lexe lialia 'o so ukalu?”
4La Iesua mukoline'i lexe, “Ngalaxa'i laixe, xo loxo 'o io tamitema ikalavoingengi ane. 5Xo tamitema tavu'alo ine'ene'e mo ivikala lexe, 'Eni ane so Kalaisiti a.' La ilemolu ualasilo so ikalavoine'i tamitema tapiena. 6Mo ili'i loxo ngalomusou a'alo so oto tatila mo sivo lexe oto tatila so uxali no tuatuala la ngakuluke no anu uasi. Mimi anene uxali, ia kaluxusou voxo a uao. 7Xe tamitema no anu laili se'i i'alivulane'i laili se'i. Xe takingi so xale lia se'i ilai i'alivulane'i takingi so xale lia se'i. Mo no xalexale lia se'i la uni'uni tatila mo anene voxo so vitolo kalumo. 8Mimi anene uxali ia anene soko'u no anu tu'umaxusi. Anu loxo sema ilie ukitikitinesi so ivo'onu, u'oki uao.
9Xe ngingi, la taxilili ilosinge navunavu mo tu'umaxu mole se'i noxinge la ivenge ngasoli. Mo tatemanu xale tuatuala mukalusi opone'i umatapiangengi xo ngingi a ngatavulenu ualasilo. 10La no voxo anene ane'i tavu'alo ixiunu tumali'aou lopala. Laso ane'i imatapiane'i ngato'o sika ipilixine'i tamenexi'a no avo'a tauluai'a. 11Xe tapolopeti kalakalavoi tavu'alo i'avuti so i'oxo loloxa'a tamitema latala. 12La ilixo so ixolaxola'u lo u'oki laso leviani ipilixinu vote'i so isexela. 13Ia ane'i ane so ixolu pakia'a ulai uxali avile no anu kaluxusou voxo la ixalisou pamauli. 14Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.
No voxo anene tu'umaxu e tu'umaxu manina
15Ioxe, Iesua musolonu vaikalaou, ia itema ena'ei u'itisou la uxavutalanu laxu laixe. Muvikala aloxo 'o, “Laso ili'i la ngamaisou mi e so matapia mo mamulo uxolu no tanixu malemalenga. Vaikalasou mi ne Mosinge mupolonu noxou polopetiou Tanieli tatei. 16No voxo ne la laixe so Taiutea i'ume'ume ilai italume no la'ola'olu. 17Xe itema ane u'ole'ole no laxa'u tani la ulu'e ne u'ume ulaisi. Uxavutalanu mi vile so uno'u no tasoula uasi. 18Mo loxo itema uxolu no xai la ulivu no tani so uno'u lasiotiou vevenila uasi. Ulai u'ume avile. 19La tanengexa'a tasema ane opo'opone'i xe ane'i ane ta'ili'a i'ou sususio. Xo masi i'au'ausi'a la i'ume palea uae. 20Mo ngalinga noxou Mosinge lexe voxo so nga'ume axone la no anu tau lelemesou o Voxo so Ma'ila uasi. 21Voxo anene tu'umaxu e tu'umaxu manina. Musoko'u no voxo loxo lialia muxali xe mune'e muxali avile vaimomo 'o la tu'umaxu axone uxali uasi. Mo uxali ili'i kalumo axone uasi. 22Xe loxo Tatananenge uxotonu voxosou tu'utu'umaxu anene uasi la itema vile umauli uasi. Ia anu uxavutalane'i tamitema ane musososvosi'a lumamo lexe tanoxou. Uxavutalane'i laso uxotonu voxo anene.
23Mo aloxo 'o. No voxo anene loxo itema vile uvikalangengi lexe, 'Ngamaisou Kalaisiti a.' o loxo vile u'oxo lexe, 'Kalaisiti a olele.' la ngalomuxa'a uasi. 24Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musosovosi'a lexe tanoxou. 25Laso ngalomu laixe xo epela'ingexu mimi ne lumamo 'oe.
26Ioxe, laso loxo ivikalangengi lexe, 'Ngamalei, anu a uxolu no anu xale lia esi'esi,' la mamu so ngalai. O loxo i'oxo lexe, 'Ngamalei anu a uxoxolu no ngiongiou nonano 'o,' la ngalomuxa'a to uasi. 27Xo ngelavu, lele'e lamixu ukelele no loxotolo ulutu no isiti ka upisikei uxali avile no anu uesiti. La Itema ane molu noxou Mosinge upala'a axone no anu voxosou loxo uxali. 28No anu tanixu loxo tamitema vasime'a usoli uta'olu no anu la ane'i tangiala ta'ola ipita no anu kalumo.”
Iesua mupala'anixu lailivu noxou
29Muvikala axone mukalu la musolonu aloxo 'ola, “Tu'utu'umaxu anene uxali ukalui la aso uxali isivoxosi mo so'io ukala uasi. Mo mimi xavixavinu no loxotolo ukunikuni la tataoto ilapalapau ulu'e. 30Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila. 31Mo piuka utama tatila so upalusi'a ta'angeloxeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”
32La Iesua mutilovo aloxo 'o, “Ngingi ngano'u lavulavu no anu ovu viki. Loxo avolu umauli mo uxata la ngalavu lexe voxo so aso laixe so uxali. 33La anu axonesi. Loxo ngamaisou tu'utu'umaxu elemolu 'o uxali la ngalavu lexe anu Itema ne a uxali mo no iouxalengasi. 34Mo avikalangengi manina aloxo 'o. Laili ano'o ixolu mo ixalisou mimi ne, isoisoli tei uasi. 35Mo ili'i la loxotolo ilou lialia tasiauxu ia vaikalaxelisi umomomo so tasiauxu uasi.”
Evile ulavusou voxosou mimi anene uasi
36Mo musolonu aloxo 'ola, “Ia evile ulavusou voxo o aso iou so mimi anene uxali uasi. Ta'angelo talaixe no tualasou Mosinge ilavu uasi kalumo. Mo eni a Olu kalumo alavusou uasi. A Mosinge anu Mamingesi ulavusou. 37Xo voxo so Itema ane molu noxou Mosinge uxali la aloxo voxo so Noa muxoxolu. 38Xo ane'i tatei ne mixolu mi'ani'ani mo miie mo mitataula'i xo mo mumomomo no anu voxo loxo Noa mu'unalai no lasipi. 39La ane'i ilavu lexe mi ma'ia uxali uasi. La xoluxoluxa'a axonesi xo mole anipa muxali sika mukalusi'a tamitema anene avile. Ioxe, loxo Itema ane molu noxou Mosinge uxali la anu axonesi.
40Xo masi tamitema tamei ixolu no xai la Mosinge uno'u vile xe vile uxolusi. 41O loxo tasema tamei ixolu tanixa'a vilesisi so imamulonu uiti ngiaxu so palaua la uno'e vile ia vile la ixolu ane. 42Laso ngingi ngalo laixe xo ngalavusou voxo so Tatanangengi uxali uasi ane.
43Xo loxo ngelavu, loxo mosou tani ulavusou aso iou u'isalili no olovoxo so lasikeli une'e upakali, la anu ulo laixe ane. Vote'i uasisi so itema lasikeli ne upakisi u'unalai no tasou. 44Laso ngingi kalumo ngaxolu ngalo laixe xo Itema ane molu noxou Mosinge une'e no anu aso iou ane ngalavusou uasi.
Latilovo so uokuvoi ane laixe xe ane masua
45La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a. 46Laso loxo tila ulivu uxali xe umaisou uokuvoi ena'ei e mutulusou ne a uxaxai axonesio la uxali laixe manina noxou. 47Xo avikalangengi manina lexe tila ne utulusou uokuvoi ne so usaxila'u mimiou mukalusi. 48Ia loxo uokuvoi masua vile ane u'uli laxune'i tamenexu axone uxavutala no oponu lexe, 'Ai, tilasilo ulivu une'e palea uasi ane.' 49Xe loxo usoko'u so uve'ave'a tamenexu tamitema so xaixai ne mo u'ani'ani mo uie noxi'a tamitema so usipaki, la masi axova noxou? 50Aloxo 'o. Voxo vile masi uxolu ulo laixe uasi sila tilasou uxali no aso iou vile ka ukulukenusi. 51Uxali xe umaisou ilixo noxou axone la ukiaenu ka umulaxu uveisa'ine'i tamitema so kalakalavoi. Oli'a ixolu no anu tanixu anene tatemanu itatama mo anaxa'a ukalakikisi
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487