Matiu 25
25
Latilovosi'a tavuanga 10
1Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tamitemaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i. 2La ta'uve noxi'a mixovulaulausi ia ta'uve noxi'a la lone'imatana. 3Xo ane'i ane mixovulaulau la mine'enu lalamo ia ino'u uelisou uasi. 4Xe ane'i ane lone'imatana la mitau ueli no anu lavotoni so mino'u ilou lalamo. 5Milai xe itema mutaula'i alavua olele une'e palea uasi la mixomaiou xo mole ie'i muvuvu sila miai. 6Miai xo xe no olovoxo lixinu sila milomusou ava lexe, 'Ngamalei, itema mutaula'i alavua a so uxali! Ngane'e mo talai ta'alaxu no vote'i so tane'enu.'
7Ioxe, ane'i tavuanga ne mitulu la milalaxinu lalamoi'a. 8La ane'i ane mixovulaulau mivikalane'i ane'i ane lone'imatana lexe, 'Ai, ngalosixe uelimengi sevile xo lalamo noxixe a so usita 'oe!' 9Ia ane'i ane lone'imatana mikoline'i lexe, 'Uasi. Ueli ano'o umomomosinge nenge'a uasi to! Laixe loxo ngalai no lasitua so ngalotonu mengimo.'
10Laso ane'i milutu milai so ilotonu ueli mo ilivu ine'e uao ia itema mutaula'i alavua olele a muxali. Laso oli'a tavuanga ane mixolu milo laixe mi'unalai no tasou lavilelu so taula'i, ka tamitema mitatusou aitenga. 11Xe ili'i la ane'i tavuanga ta'uve olele mine'e mixali la mivikala noale mu'una lexe, 'Tatilao, tatila, nane'e nakisinu aitengasixe.' 12Ia anu mukoline'i lexe, 'A avikalangengi manina lexe eni alavusinge to uasi.'”
13La Iesua muvikala lexe, “Anu axone. Ngingi ngalo laixe xo ngalavusou voxo so Tatanangengi uxali uasi ane.”
Latilovo so tauokivoi mipamuxanu lamoli
14Ioxe, Iesua musolonu aloxo 'ola, “Voxosou Mosinge molu u'uli laxune'i tamitemaou no tualasou la anu aloxo itema vile so mulutu mulai no tuala vile nopaxa. Anu so mulutui la mu'avali'a tauokivoiou mine'e noxou so mupilixinu mimiou no avo'a so isaxila'u. 15La anu mutilovosou ilixone'i vilevilesi ka mukalipalanu lamoli noxi'a. Laso noxou vile la mulosou 5,000 kina xe vile la mulosou 2,000 xe vile la 1,000. Mukalu la anu mulutu mo mulai. 16Xe no anu voxo se anenesi la anu ane muno'u 5,000 kina ne musoko'u so uxaxaisou. Muxaxaisou xo la muxalisou 5,000 no latanula. 17La anu axone kalumo noxou anu ane muno'u 2,000 kina xo muxalisou 2,000 no latanula. 18Ia noxou anu ane muno'u 1,000 kina la mulai mu'asou taxa ka mu'asixu lamoliou tilasou no anu.
19Ioxe, mixolu xo xe voxo maxuveni mukalui xe ili'i la tilasi'a tauokuvoi ne mulivu muxali. Laso anu mumasaxau mukiloloi'axu lamoli e mupilixinu noxi'a. 20La anu e muno'u 5,000 kina mune'enu ilou 5,000 ane no latanu. Mune'enu la muvikala lexe, 'Tatila, namaisou. Nelosilo 5,000 kina xe exaxaisou la exalixu 5,000 no latanu a.' 21La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'
22La anu axone kalumo noxou anu e muno'u 2,000 kina. Xo mune'e muvikala lexe, 'Tatila namalei, nini nelosilo 2,000 kina xe exaxaisou la exalixu 2,000 no latanu a.' 23La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxinge la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'
24Ia noxou anu e muno'u 1,000 kina la mune'e muvikala lexe, 'Tila, eni alavusine lexe nini itema so loxo tamitema isusunixine la nalosi'a ialuxu. Nini nalavusou namolo xai temanu ane natounu uasi xe na'elesou uiti ngiaxu ane natapu'u uasi. 25Laso eni e'ume ka elai e'asixu 1,000 kina noxine muai vitanisi, la anu ano'osi.
26Ia tilasou mukolinu lexe, 'O nini uokuvoi masua to, nini nepauxe ane. Xo nini nelavu lexe eni itema so alavusou amolo xai temanu ane atounu uasi xe a'elesou uiti ngiaxu ane atapu'u uasi. 27Laso axova so namulaxu lamolixeli no bengi uasi? Xo axone xe loxo elivu exali 'o la alanu lamoli ilou ane upita no latanu. La ua'.' 28Xe mukalu la tila ne muvikalane'i leviani lexe ino'u 1,000 kina noxou uokuvoi ne mo ilosou anu ane 10,000 kina muai noxou olele. 29Xo aloxo 'o. Tamitema ane mimi se'i muai noxi'a mukalu la alosi'a se'i no latanula. Xe loxo ane'i ane ixalisou mi vile uasi, la axexenu mi se ane muai noxi'a. 30Xe noxou uokuvoi masua 'o la ngakusaou usu'a noale no isivoxosi. Xo tanixu anene tatemanu itatama mo anaxa'a ukalakikisi.”
Itema ane molu noxou Mosinge utilovosi'a lailaili mukalusi
31Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou. 32Mukalu la tamitema no anu lailaili mukalusi ipita itulu no laxunu. Laso anu ukalipalane'i no anu laili tamei a loxo tatanane'i tasipisipi ukalipalane'i tasipisipiou noxi'a takoti. 33La anu upalusi'a tasipisipiou no avolu tema xe takoti no avolu kaisi.
34Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia. 35Xo tatei exolu esolixo la nga'itixo la'ilali. Mo esolisou lexa la ngelosilo so eiexu. Mo exolu asila la nge'avalilo so e'una no tasinge. 36Mo eni lavalava uasi la ngingi ngeitixeli. Mo pipiena mukasilo la ngingi ngesaxila'ilo. Mo exolu no lakalavusu la ngene'e ngekiloloilo.'
37Ia ane'i tamitema talapusi ne itali'isou lexe, 'O Tatananexi. No voxo aneva temaisine nexolu nesolixene la teitixene la'ilali, mo nesoliou lexa la telosine so neiexu? 38Xe talu ane temaisine nexolu nasila la te'avaline ne'una no tasixe, mo meni lavalava uasi la teitimeni? 39Xe voxo aneva temaisine lexe pipiena mukasine mo nexolu no tasou lakalavusu la tekiloloine?' 40Laso kingi ukoline'i lexe, 'Avikalangengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'oxonu noxilo ane.'
41Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou. 42Xo tatei exolu esolixo la nga'itixo la'ilali uasi. Mo esoliou lexa la ngalosilo so aiexu uasi. 43Mo exolu asila la nga'avalilo so a'una no tasinge uasi. Mo eni lavalava uasi la ngingi ngaitixeli uasi. Mo pipiena mukasilo mo exolu no lakalavusu la ngane'e ngakiloloilo uasi.'
44Ia ane'i mitali'isou lexe, 'O Tatananexi. No voxo aneva temaisine nexolu nesolixene mo nesoliou lexa mo nexolu nasila mo meni lavalava uasi mo pipiena mukasine mo nexolu no lakalavusu la tasaxila'ine uasio?' 45Laso anu ukoline'i lexe, 'Avikalangengi manina aloxo 'o. Mi ma'ia nga'oxonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.' 46La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”
Zvasarudzwa nguva ino
Matiu 25: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 25
25
Latilovosi'a tavuanga 10
1Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tamitemaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i. 2La ta'uve noxi'a mixovulaulausi ia ta'uve noxi'a la lone'imatana. 3Xo ane'i ane mixovulaulau la mine'enu lalamo ia ino'u uelisou uasi. 4Xe ane'i ane lone'imatana la mitau ueli no anu lavotoni so mino'u ilou lalamo. 5Milai xe itema mutaula'i alavua olele une'e palea uasi la mixomaiou xo mole ie'i muvuvu sila miai. 6Miai xo xe no olovoxo lixinu sila milomusou ava lexe, 'Ngamalei, itema mutaula'i alavua a so uxali! Ngane'e mo talai ta'alaxu no vote'i so tane'enu.'
7Ioxe, ane'i tavuanga ne mitulu la milalaxinu lalamoi'a. 8La ane'i ane mixovulaulau mivikalane'i ane'i ane lone'imatana lexe, 'Ai, ngalosixe uelimengi sevile xo lalamo noxixe a so usita 'oe!' 9Ia ane'i ane lone'imatana mikoline'i lexe, 'Uasi. Ueli ano'o umomomosinge nenge'a uasi to! Laixe loxo ngalai no lasitua so ngalotonu mengimo.'
10Laso ane'i milutu milai so ilotonu ueli mo ilivu ine'e uao ia itema mutaula'i alavua olele a muxali. Laso oli'a tavuanga ane mixolu milo laixe mi'unalai no tasou lavilelu so taula'i, ka tamitema mitatusou aitenga. 11Xe ili'i la ane'i tavuanga ta'uve olele mine'e mixali la mivikala noale mu'una lexe, 'Tatilao, tatila, nane'e nakisinu aitengasixe.' 12Ia anu mukoline'i lexe, 'A avikalangengi manina lexe eni alavusinge to uasi.'”
13La Iesua muvikala lexe, “Anu axone. Ngingi ngalo laixe xo ngalavusou voxo so Tatanangengi uxali uasi ane.”
Latilovo so tauokivoi mipamuxanu lamoli
14Ioxe, Iesua musolonu aloxo 'ola, “Voxosou Mosinge molu u'uli laxune'i tamitemaou no tualasou la anu aloxo itema vile so mulutu mulai no tuala vile nopaxa. Anu so mulutui la mu'avali'a tauokivoiou mine'e noxou so mupilixinu mimiou no avo'a so isaxila'u. 15La anu mutilovosou ilixone'i vilevilesi ka mukalipalanu lamoli noxi'a. Laso noxou vile la mulosou 5,000 kina xe vile la mulosou 2,000 xe vile la 1,000. Mukalu la anu mulutu mo mulai. 16Xe no anu voxo se anenesi la anu ane muno'u 5,000 kina ne musoko'u so uxaxaisou. Muxaxaisou xo la muxalisou 5,000 no latanula. 17La anu axone kalumo noxou anu ane muno'u 2,000 kina xo muxalisou 2,000 no latanula. 18Ia noxou anu ane muno'u 1,000 kina la mulai mu'asou taxa ka mu'asixu lamoliou tilasou no anu.
19Ioxe, mixolu xo xe voxo maxuveni mukalui xe ili'i la tilasi'a tauokuvoi ne mulivu muxali. Laso anu mumasaxau mukiloloi'axu lamoli e mupilixinu noxi'a. 20La anu e muno'u 5,000 kina mune'enu ilou 5,000 ane no latanu. Mune'enu la muvikala lexe, 'Tatila, namaisou. Nelosilo 5,000 kina xe exaxaisou la exalixu 5,000 no latanu a.' 21La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'
22La anu axone kalumo noxou anu e muno'u 2,000 kina. Xo mune'e muvikala lexe, 'Tatila namalei, nini nelosilo 2,000 kina xe exaxaisou la exalixu 2,000 no latanu a.' 23La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxinge la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'
24Ia noxou anu e muno'u 1,000 kina la mune'e muvikala lexe, 'Tila, eni alavusine lexe nini itema so loxo tamitema isusunixine la nalosi'a ialuxu. Nini nalavusou namolo xai temanu ane natounu uasi xe na'elesou uiti ngiaxu ane natapu'u uasi. 25Laso eni e'ume ka elai e'asixu 1,000 kina noxine muai vitanisi, la anu ano'osi.
26Ia tilasou mukolinu lexe, 'O nini uokuvoi masua to, nini nepauxe ane. Xo nini nelavu lexe eni itema so alavusou amolo xai temanu ane atounu uasi xe a'elesou uiti ngiaxu ane atapu'u uasi. 27Laso axova so namulaxu lamolixeli no bengi uasi? Xo axone xe loxo elivu exali 'o la alanu lamoli ilou ane upita no latanu. La ua'.' 28Xe mukalu la tila ne muvikalane'i leviani lexe ino'u 1,000 kina noxou uokuvoi ne mo ilosou anu ane 10,000 kina muai noxou olele. 29Xo aloxo 'o. Tamitema ane mimi se'i muai noxi'a mukalu la alosi'a se'i no latanula. Xe loxo ane'i ane ixalisou mi vile uasi, la axexenu mi se ane muai noxi'a. 30Xe noxou uokuvoi masua 'o la ngakusaou usu'a noale no isivoxosi. Xo tanixu anene tatemanu itatama mo anaxa'a ukalakikisi.”
Itema ane molu noxou Mosinge utilovosi'a lailaili mukalusi
31Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou. 32Mukalu la tamitema no anu lailaili mukalusi ipita itulu no laxunu. Laso anu ukalipalane'i no anu laili tamei a loxo tatanane'i tasipisipi ukalipalane'i tasipisipiou noxi'a takoti. 33La anu upalusi'a tasipisipiou no avolu tema xe takoti no avolu kaisi.
34Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia. 35Xo tatei exolu esolixo la nga'itixo la'ilali. Mo esolisou lexa la ngelosilo so eiexu. Mo exolu asila la nge'avalilo so e'una no tasinge. 36Mo eni lavalava uasi la ngingi ngeitixeli. Mo pipiena mukasilo la ngingi ngesaxila'ilo. Mo exolu no lakalavusu la ngene'e ngekiloloilo.'
37Ia ane'i tamitema talapusi ne itali'isou lexe, 'O Tatananexi. No voxo aneva temaisine nexolu nesolixene la teitixene la'ilali, mo nesoliou lexa la telosine so neiexu? 38Xe talu ane temaisine nexolu nasila la te'avaline ne'una no tasixe, mo meni lavalava uasi la teitimeni? 39Xe voxo aneva temaisine lexe pipiena mukasine mo nexolu no tasou lakalavusu la tekiloloine?' 40Laso kingi ukoline'i lexe, 'Avikalangengi manina aloxo 'o. Mi ma'ia nge'oxonu noxi'a tavivilo tatiatila o tami vitanisi, la nge'oxonu noxilo ane.'
41Ioxe mukalu la kingi uvikalane'i laili ane no avolu kaisi lexe, 'Ngingi ane so ngaxalisou mamulo, ngaxexe noxilo mo ngalai no navu so mamulo e u'ani'ani kaluxu uasi. Navu so mamulo anene mulalaxisi'a Uluaou oli'a ta'angelou. 42Xo tatei exolu esolixo la nga'itixo la'ilali uasi. Mo esoliou lexa la ngalosilo so aiexu uasi. 43Mo exolu asila la nga'avalilo so a'una no tasinge uasi. Mo eni lavalava uasi la ngingi ngaitixeli uasi. Mo pipiena mukasilo mo exolu no lakalavusu la ngane'e ngakiloloilo uasi.'
44Ia ane'i mitali'isou lexe, 'O Tatananexi. No voxo aneva temaisine nexolu nesolixene mo nesoliou lexa mo nexolu nasila mo meni lavalava uasi mo pipiena mukasine mo nexolu no lakalavusu la tasaxila'ine uasio?' 45Laso anu ukoline'i lexe, 'Avikalangengi manina aloxo 'o. Mi ma'ia nga'oxonu noxi'a tanoxilo 'o e tatiatila o tami vitanisi uasi, la nga'oxonu noxilo kalumo uasi ane.' 46La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487